أنا معايا لانسر 2007 خليجي 1600 سي سي
1- صوت المتور مش بس عالي جدا لأ وخشن كمان وبتحس برجرجة خفية وإنت ماسك الدريكسيون
ممكن صوت الماتور يكون عالي بس مش لدرجة أنه يضايقني ... وحكاية الدركسيون ديه مرة واحدة حاسيتها , ومش عارف إيه كان السبب ... بس أنا أصلا سواقتي سريعة شوية ... يعني لو في رجرجة أكيد ححس بيها !
2- حتى وانت ماشي على 50 بتسمع صوت الكوتشات والشارع والعربيات إلي حواليك وطبعا لو عديت ال 100 حتفاجأ من كمية الصوت المزعج عزلها زي الزفت تحس إنك راكب عربية موديل 75 يعني لو مسافر بالعربية ربنا يعينك
بالنسبة للعزل ... فهو جيد جدا ... وصراحة أنت بتبالغ شوية .... وحكاية الكاوتش ديه مش عارف هل ده المفروض أنه مش طبيعي ؟
3- العفشة ناشفة قوي وأما تحود على سرعات عالية بتحس إن العربية حتفلت منك
لسة الموضوع ده محصلش معايا ... رغم أن عفشتها ناشفة شوية ... وبالمناسبة أنا ساكن في المقطم ... يعني مافيش حودات في مصر زي منزل المقطم بتاع صلاح سالم ... يعني بسواقتي ... على كدة المفروض أكون ميت !!
4- أما تيجي تنزل الكرسي بينزل لوحده بدون مقعد الظهر وتحس إنك ضهرك حيسكر
مش فاهم ؟
5- الكرسي بتاعها غير مريح بالمرة ومفيهوش أي إنحائات تحس إنك قاعد على مسطبة
هوا الصراحة أنا شايف أنه مريح جدا ... بس أنت يمكن تكون ركبت عربية مريحة أكتر على شان كدة بتقول كدة
6- الباور بتاعها عادي جدا ومفيهوش جديد وإنت ماشي وحبيت تغير الحارة إلي ماشي عليها الدريكسون بيقى خنيق وتقيل
أنا شايف أنه ممتاز بالنسبالي ... وعمري ما عانيت منه
7- بالنسبة لل 1600 الأوتومالتيك لو حرقت على العربية بتلاقي الفتيس سخن منك وطلع ريحة شياط بس خفيفة
عمرها ما حصلت معايا ... أنا أتوماتيك .... وكتير أوي بجيب الكيك داون .... وعمري ماشميت ريحة !!
8- الفرامل بتصفر في 90% من عربيات الانسر
ده لو التيل في أخره !
9- منتشرة أكتر من التاكسي ودي حاجة تخنق إلي شاريها ونفسه يحس بالتميز
صح !
10- الكاسيت الأصلي بتاعها صوتو وحش جدا هو والراديو بس مسمعتش صوت السيدي بتاعها
أنا عندي سي دي كين وود ... مش الأصلي .... والصوت وهمي !