يا ريت يا جماعة لو اى حد عنده تعليق ايجابى او سلبى عن النيو اكسنت 2010 يقوله - ولو حد عنده معلومة هل سينزل منها شكل جديد قريبا وايه سبب تخفيض سعرها 2000جم
عرض للطباعة
يا ريت يا جماعة لو اى حد عنده تعليق ايجابى او سلبى عن النيو اكسنت 2010 يقوله - ولو حد عنده معلومة هل سينزل منها شكل جديد قريبا وايه سبب تخفيض سعرها 2000جم
اية يا جماعة مفيش حد عندة تجربة شخصيه
ال 2010 فيس ليفت
2009 نور التابلوه ازرق مش اصفر
يعني هي في الكاتيجري بتاعها كويسه
بس للاسف الشديد عفشتها ناشفه وبتتبهدل بسرعه
لا ناشفه بس مبتتبهدلش بسرعه
عموما لسه سامع من صاحب معرض انه الموديلات الجديده دلوقتي المساعدين بتاعتها الماني والله اعلم
فيس ليفت هو تغيير غير جذري في موديل السياره
يعني تغيير فوانيس اكصدام تعديلات خفيفه كده على شكل السياره
طيب حد لو ليه يد او يعرف حد موثوق فيه بيشتغل عند غبور يتاكد لنا من موضوع المساعدين الالمانى دى ولالا؟
وبعدين حد يسال التوكيل لما يروح يعمل صيانة ان غبور مش ناوى يحن علينا وينزل فيها وسائل امان من فرامل absوايرباجز ولالا؟ وحتى موافقين انه يزود فى تمنها عشان تبقى عربية جبارة ونقول ان غبور راجل محترم ؟
وحد يقولنا هل الاكسنت 2010 نور الطابلوه ازرق ولالا؟ بس حد يكون لسه شارى قريب وموديل 2010
اشكركم على المشاركات
طيب ده كدا شكل الاضاءة لما تبقا ازرق حتكون تحفة
يا جماعة انتم بخلة ليه محدش جايب ليه شوية صور عن التغير فى لون الاضاءة والتغيرات بتاعت 2010 حتى لو كانت تغيرات بسيطة
ياريت شويه صور كده نبل بيها ريقنا :)
السلام عليكم و رحمه الله و بركاته
انا لسه مرخص واحده النهارده الصبح موديل 2010 و فعلا لون الانوار فى التابلوه ازرق بس للاسف مش عارف افيدكم فى حاجات تانيه عشان معرفش موديلات قبل كده كانت عامله ازاى فلو عندكم اسئله انا تحت امركم اسالونى و انا اشوفها و ارد عليكم
الف مبروك وربنا يبارك لك فيها
- هل الكنبة ما بتتنيش
- لا يوجد مسند فى الكنبة الخلفية
- المرايات مانيوال
انا لسة شاريها من اسبوعين قبل التخفيض ب5 ايام وسافرت اسكندرية .
العربية 2010
المرايا مانيوال بلون العربية
الباكتات الجانبية بلون العربية
لون ضوء التابلوه والكاسيت ازرق
العفشة ناشفة بس ثابتة عالطريق اكثر من اوبترا(عند 120 بس للتليين)
عالية في المطبات
مريحة وناعمة متحسش بالنقلات (مانيوال)
112 حصان متجاوبة جدا , بصراحة مكنتش متخيل كده
العربية دى عاملة انتشار رهيب ومع ذلك مش شايف تقارير فى القسم هنا عنها بالصور فتفوتة فتفوتة وخصوصا موديلات 2010
وياريت اللى شارين العربية يقولنا موضوع المساعدين اخبارها ايه وخصوصا قصة انهم المانى
وبرضوا عاوزين نعرف اسعار الكماليات اية فى التوكيل من شبورة ومن كنسول واى كماليات اخرى بتركب للعربية
بالنسبة برضوا للشنطة هل بتتفتح من الريموت ولالا
وبما ان العربية مفهاش فرامل abs هل الفرامل فيها قوية ولالا
السلام عليكم و رحمه الله وبركاته
بصراحه انا عامل لحد دلوقتى يا دوب 250 كيلو بس ملاحظ ان العفشه ناشفه شويه و حاسس بيها اوى عن العربيه اللى قبلها اللى ركبتها فتره و هى اوبترا مش عارف متهيالى عشان لسه ممشيتش بيها كتير و لما امشى بيها الف ولا اتنين العفشه هتنعم و كمان هيا اتوماتيك و بحس بفرق النقلات بدرجه واضحه و الار بى ام بيعلى اوى و صوت العربيه تعلى و ترجع تنزل تانى مع كل نقله برضه مش كنت بحسه فى الاوبترا مش عارف يا جماعه اللى انا حاسه ده فعلا بيتغير مع الوقت ولا ده الطبيعى فيها ولا ايه
بالنسبه للشنطه هيا ملهاش زرار فى الريموت
بس مبدئيا العربيه جميله و شيك و ادائها محترم
يعنى اخر كلام لون اضاءة العداد ابيض مش ازرق فى 2010 الاتوماتيك
مش زى النترا
ياسلام لو صورة واحدة بس تحسم الموضوع ده وصورة تكون باليل عشان يبان اضاءة التابلوه والعداد
أي خدمة :E_braces[1]:
ياريت الصور تكون واضحة :Oc_sun1[1]:
http://www.nilemotors.net/Nile/%3Ca%.../708/use1t.jpghttp://img85.imageshack.us/img85/2280/use2.jpg
http://img14.imageshack.us/img14/708/use1t.jpg
الموديلات القديمة من النيو اكسنت ؛ فيها عداد حرارة ؟
بالطريقة دى ده معناه ان لو العربية سخنت لا قدر الله هينور نور احمر، بس ده استنتاج لانى مشفتش النور ده..... ما دام هى بتدى العلامات الزرقاء و الحمراء
في الموديلات القديمه لمبتين وحده زرقا ووحده حمرا
في الموديلات الجديده وحده حمرا فقط بتنور لو لا قدر الله الحراره عليت زياده عن المطلوب
وللناس الي عايزه تعرف هي العربيه سخت او لا في الموديل القديم كانت بتطفي اللمبه الزرقا لما ال ار بي ام ينزل تحت 1 بشرطتين
طيب يا رجاله ...فى احد اصدقائى عاوز يشترى العربيه ديه و عاوز يعرف اى اسعار لقطع الغيار ؟.... سواء اصليه فى التوكيل ... او بره ؟
الحاجه التانيه ايه اخبار الفرامل , الثبات لحد 140 , العزل الصوتى , استهلاك البنزين .
الف شكر على الموضوع الممتاز و تحياتى للجميع .
العربية ماشاء الله قوية وشكلها شيك ومحترم وكل اللى ركبها بيشكر فيها وان شاء الله هستخير ربنا فى شرائها ان شاء الله
يا عزيزى تفضل بزيارة هذا الموضوع
http://www.nilemotors.net/Nile/102109-a.html
بس كدا الجزء اللى فى المنتصف تبع الكاسيت وزراير التكيف ازرق والجزء بتاع العدادات ابيض ,
هو النص اللى فيه الكاسيت شكله شيك بس انتم رايكم ايه فى لون العدادات الابيض ,
انا بعتبر اللون الازرق تحفة والاحمر وبكره الاخضر بس مش عارف ايه نظام الابيض
فعلاً العدادات لونها ابيض و الكونسول و الكاسيت باللون الازرق
شكلهم اشيك بكتير من الاول و الناس اللي بتقول العافشة ناشفة هيا طبعاً مش زي الالينترا بس عن تجربية حط نيتروجين في العجل و ادعيلي
فى حد راح معرض فورميلا وشاف النيو اكسنت ولو كان فى هل فيها اى تغيير
انا روحت وشوفت الشكل الجديد حلو اوىى ,
غبور دلع العربية بشكلها من بره وخالى كل حاجة من عفشة وماتور زى الشكل القديم بالظبط
وكان نفسى يضيف وسائل امان على العربية بدل ما كان زود كماليات وشكل اتغير وزاد حوالى 4000 فرق
هو سعر المانيوال كام
هى العربيه الجديده تقفيل مصرى ولا ايه
معلش يا جماعة..انتوا بتتكلموا على انهى نيو اكسنت ونزلت امتى
انا اشتريت اكسنت 2010 اول ما نزلت .. شهر 9/2009
بس النور اصفر!!!
حد يفهمني ؟؟
انا عايز اشوف صور الاكسنت الى كانت معروضه فى فورميلا ولو حد عارف سعرها ياريت يقولنا وهيا نزلت خلاص ولا لسه وبتتعرض فين علشان بيقولو شكلها اتغير للاحسن