الموضوع: وكيل ولا خليجي ؟ سعدونيييييييييييييييييييي يييييييييييييييي

والله يا رجاله انا هشد في شعري و اليغيظ اكتر ان الراجل كان عندو بتاعة الوكيل و قلي الخليجي احسن مع ان الوكيل اغلي بس هو قال ان الخليجي انضف من الوكيل و انه لو هو الهيشتري مش هيشتري بتاعت الوكيل و سالتو انت راكب ايه قال انه معاه جيتا خليجي و بيقول ان العربيات الخليجي زي الفل . مش عارف انا خلاص بجد تعبت .

الخليجى حلو وانتا بتقول احسن فى التقفيل
ثانيا فى كمليات غير الوكيل زاى مثلا
حساسات اضاءة وبيقولو فيها 10 ايرباج وفيها كاميرا فى الخلف وباقى الكماليات \ راديو سى دى 6 اسطوانات
جنط 17 طارة مالتى فانكشن تكيف ديجتال وعداد رياضية فتحة سقف سمارت كى وبصمة فرامل abs\esp دة غير الباقى الاساسى
وكل دة 120000

المشاركة الأصلية كتبت بواسطة normal

كل الى حضرتك قلته ده فى الوكيل ما عدا ال esp والى أعتقد بردو انه مش فى الخليجى
و موجود فى الكورى فقط:m_yes[1]:
ولا أنا فاهم كلامك غلط!!!

دة فى الوكيل اما الباقى اللى مش فى الوكيل
الكاميرا والايرباج الكتير بس مش عارف هما 10 ولا زاى مناس بتقول 6 ولا هما كام مش عارف
وكمان تقريبا الوكيل مفهوش حساسات اضاءة
اما الباقى الكاماليات فى الوكيل

الفرق بين الخليجي و الوكيل كالاتي :

6 cd changer في الخليجي

فرق في التقفيل لصالح الخليجي

متوفر 6 اير باجز في الاردني و السوري اما السعودي فيها 2 اير باجز بس

مرايه ذاتية التعتيم و دي مهمه جدا لان الواحد بيتعمي من النور العالي

ممكن تدور العربيه من غير متدخل المفتاح يعني لو المفتاح في جيبك ممكن تدور من زرار ال start من غير ميدخل المفتاح في المكان المخصص ليه .

تكيف الخليجي لا يعلي عليه و الدوكو درجة استحماله اكتر بكتير من المصري و الصاج امتن من المصري بس مش بدرجه كبيره للامانه .

122000 سعر الخليجي و استلام فوري و كل الالوان

126000 سعر الوكيل و استلام بعد 4 شهور او 130000 استلام فوري

جابر عبد الشهيد احسن مورد للخليجي لان كل العربيات العندو تتبع المواصفات السعوديه القياسيه في الصناعه و التقفيل

السعودي احسن من الاردني و السوري .

سؤال يا جماعه هو الواحد ممكن يشتري الخليجي ويدخلها في ضمان الوكيل المصري يعني يشتري الضمان واذا حب يعمل الصيانه عند الوكيل ممكن ولا صعب وشكرا