اجابة السؤال الأول ايوة فيه فلتر بنزين ومكانه داخل تنك البنزين تحت الكنبة الخلفية
اجابة السؤال التاني لازم اعرضه على مهندس مختص عندنا في التوكيل وأرد على حضرتك بكره باذن الله
رقم العضوية : 57273
تاريخ التسجيل : 28Dec2009
المشاركات : 13
النوع : ذكر
الاقامة : ismailia
السيارة: لانسر بوما 1600 سبور اوتو
السيارة[2]: دايو لانوس 1 م:2000
الحالة :
عندى لانسر 1600 2007 اتوماتيك , رياضيه خليجى جميع الكماليات
السؤال الاول : هو فى فلتر بنزين ؟؟؟ و مكانه فين
السؤال التانى : لما بجيب من ال D لل N لو ال P بلاقى ال rpm ينزل لحد 400 والعربيه تترعش و لو انا باليل النور يضعف شويه و بعد كده ال rpm يرجع تنط لل 1100 و بعد كده 800 عادى ,,, لو حد يعرف يفيدنى ياريت يفيدنى
شكراااااااااااااااااااااا اا
رقم العضوية : 1682
تاريخ التسجيل : 05Aug2007
المشاركات : 4,064
النوع : ذكر
الاقامة : القاهرة
السيارة: .
السيارة[2]: .
دراجة بخارية: .
الحالة :
اجابة السؤال الأول ايوة فيه فلتر بنزين ومكانه داخل تنك البنزين تحت الكنبة الخلفية
اجابة السؤال التاني لازم اعرضه على مهندس مختص عندنا في التوكيل وأرد على حضرتك بكره باذن الله
رقم العضوية : 57273
تاريخ التسجيل : 28Dec2009
المشاركات : 13
النوع : ذكر
الاقامة : ismailia
السيارة: لانسر بوما 1600 سبور اوتو
السيارة[2]: دايو لانوس 1 م:2000
الحالة :
شكراا لحضرتك , بس لو هتسأل فى توكيل لانسر اللى فى جسر السويس يبقى بلاش منو علشان هما اللى بوظو العربيه ,, و شكراااا
رقم العضوية : 828
تاريخ التسجيل : 31May2007
المشاركات : 1,010
النوع : ذكر
الاقامة : Agouza
السيارة: None
السيارة[2]: Lancer 1.6 AT FO 2008
دراجة بخارية: None
الحالة :
طبعا أستاذنا الكبير و العظيم و حبيبنا الباشمهندس طارق تفضل مشكورا بالأجابة على السؤال الأول ، و بعد أذن سعادته لو أحاول بمعلوماتى المتواضعة و من تجربة شخصية اجاوب على التانى ،
موضوع ان العربية على ال n أو ال p تترعش و ال rpm ينزل ل 400 و بعدين يعلى تانى فده غالبا الرشاشات مسدودة ، فلما بتنقل لأى واحدة من النقلتين دول الكومبيوتر بيهبط الموتور للوضع المعروف عندنا "بالسلانسيه" علشان تفضل العربية دايرة بأقل استهلاك بنزين ، و لكن لأن الرشاشات فيها سدد (غالبا رواسب و شوائب من البنزين) فالبنزين الواصل للموتور اقل مما ينبغى فيحصل الرعشة و غيرها ، فيروح الكومبيوتر بالحساسات بتاعته ملاحظ كده و يتدخل و يعلى الموتور للتغلب على المشكلة دى ، و دى حلها فى حاجتين :
1) أقرب مركز صيانة معتمد لتنظيف الرشاشات (و التأكيد على ضبط الموتور لو احتاج الأمر).
2) حافظ على ان مستوى البنزين فى التنك ما ينزلش عن النص أبدا علشان ما تاخدش الرواسب و الشوائب اللى فى التنك للموتور و تحصل المشكلة دى تانى.
أرجو أكون قدرت أقدم معلومة مفيدة ، و فى انتظار رد استاذنا الكبير المهندس طارق
و تحياتى
Dr. Sherif Mansy
أى سؤال أو استشارة فى طب العيون
الصحة تاج على رؤوس الأصحاء
لا يراه إلا المرضى
رقم العضوية : 1682
تاريخ التسجيل : 05Aug2007
المشاركات : 4,064
النوع : ذكر
الاقامة : القاهرة
السيارة: .
السيارة[2]: .
دراجة بخارية: .
الحالة :
ارجو من صاحب الموضوع شرح اللي تم بالظبط من شغل في العربية خاصة في توكيل جسر السويس وانا هاعرض الكلام ده على مدير الصيانة في الشركة (مكتبه في مركز الخدمة الرئيسي في قليوب وهو مسئول عن فرع جسر السويس كذلك) وهابلغك بالرد
تحليلك كويس يا دكتور شريف انما هانتظر لما اعرض الموضوع بالكامل على مدير الصيانة
رقم العضوية : 828
تاريخ التسجيل : 31May2007
المشاركات : 1,010
النوع : ذكر
الاقامة : Agouza
السيارة: None
السيارة[2]: Lancer 1.6 AT FO 2008
دراجة بخارية: None
الحالة :
شكرا يا باشمهندس طارق ، طبعا الرد الأول و الأخير زى ما حضرتك قلت ، هايكون من مدير الصيانة ، انا مجرد باسرد التجربة اللى مرت على ، و تحياتى لحضرتك و كل تقديرى و شكرى ، ده كفاية أسئلتنا اللى ما بتخلصش و حضرتك بكل كرم و صدر رحب بترد عليها اول بأول ، والله مهما نشكرك ما هنقدر نوفيك حقك.
ربنا يجعله فى ميزان حسناتك و يجزيك عنا كل خير.
Dr. Sherif Mansy
أى سؤال أو استشارة فى طب العيون
الصحة تاج على رؤوس الأصحاء
لا يراه إلا المرضى
رقم العضوية : 57273
تاريخ التسجيل : 28Dec2009
المشاركات : 13
النوع : ذكر
الاقامة : ismailia
السيارة: لانسر بوما 1600 سبور اوتو
السيارة[2]: دايو لانوس 1 م:2000
الحالة :
باشمهندس طارق , لما عملت ال 30,000كم بالعربيه كان فيها مشكلتين :
الاول : الرعشه اللى شرحتها فوق بالتفصيل
التانيه : ان لفرامل بتصفر
اتصلت و حجزت فى التوكيل (مع العلم انا من الاسماعليه) ووالدى راح التوكيل و قال على المشاكل
قام التوكيل (على حسب اللى قالوه ) انهم غيرو تيل الفرامل بتيل فرامل متسوبيشى بمبلغ 425 تقريبا على ما اتذكر و انهم نضفو نظام ال injection و عملو check up على الموتور بالكامل
و استلمنا العربيه و بعد اسبوع بالظبط الفرامل صفرت تانى و والدى رفض انو يتصل بالصيانه تانى بعد كده لانو مش فاضى كل شويه يسيب شغلو و ينزل التوكيل
و من كام يوم سير الدينامو اتقطع و فى واحد اخد العربيه علشان يغير السير و يشوف مشكله الفرامل دى ايه (مع العلم انو انسان كويس و فاهم شغله , مش اول مره اتعامل معاه )
و طبعا ركب سير و غير التيل اللى كانو مراكيبينو فى التوكيل لانو بوظ التنابير , و تم عمل خراطه للطنابير و طبعا التيل واضح من شكلو انو زباله و ميسواش حتى 30 جم ,,, بس هو مفادنيش فى موضوع الرعشه دى غير انو قاللى جيب نظف رشاشات و حطه و انت بتفول مره واحده كل شهر او اتنين .....
هيا دى مشكلتى مع التوكيل و طبعا لو رحت هيقولك اثبت ان التيل ده اللى احنا مراكيبينو ....
بس كده و شكرا لاهتمام حضرتك يا بشمهندس طارق
رقم العضوية : 1682
تاريخ التسجيل : 05Aug2007
المشاركات : 4,064
النوع : ذكر
الاقامة : القاهرة
السيارة: .
السيارة[2]: .
دراجة بخارية: .
الحالة :
انا عرضت الموضوع على مدير الصيانة النهارده وقال الآتي :
بخصوص موضوع rpm فلو بعد تنظيف الانجكشن وعمل التشيك اب ما زالت المشكلة قائمة فالعربية محتاجة تغيير قطعة غيار اسمها ستيبر موتور
بخصوص موضوع تيل الفرامل بالتأكيد التيل اللي تم تركيبه هو الأصلي ومع ذلك يمكن ان يستمر صوت الصفارة بعد تركيبه وفي هذه الحالة العربية بتكون محتاجة ما يسمى صاجة تيل ودي حاجه بسيطة اما التيل الأصلي فلا يمكن ان يضر بالطنابير وكان الأفضل الرجوع لمركز خدمة جسر السويس للكشف عليه وتركيب صاجة التيل
رأيي الشخصي لو تيل التوكيل ما زال عندك اعتقد هيكون افضل بكتيرمن أي تيل في السوق وده رأي معظم الأعضاء هنا في المنتدى ويكون باقي فقط موضوع صاجة التيل
وعمر ما تم تركيب تيل مش اصلي عندنا في التوكيل سواء في قليوب او جسر السويس والسعر اللي ذكرته ده سعر الأصلي طبعا
رقم العضوية : 13395
تاريخ التسجيل : 22Jun2008
المشاركات : 808
النوع : ذكر
الاقامة : القاهرة
السيارة: لا يوجد
السيارة[2]: لانسر 1600 موديل 2006
دراجة بخارية: لا يوجد
الحالة :
أستاذنا البشمهندس طارق.....
أنا سمعت إسم هذه القطعه أكتر من مرة (أنا عارف يعنى إيه Stepper Motor وهو عبارة عن موتور Open Loop control ولا يحتاج إلى Feed back للتحكم فيه بدقه و يتم التحكم فيه بطريقه Digital و نستطيع ان نحصل منه على زاوية دوران معينه (جزء من لفه) بمتهى الدقه )......
سؤالى بقه لحضرتك..... هذه القطعه موجوده فين فى المحرك أو الفتيس و للتحكم فى إيه بالضبط؟؟؟؟؟...... انا أعرف انه موجود فى الفتيس الCVT للتحكم الهيدروليكى فى البكر...... إنما ايه دوره فى مجموعة الإنجكشن خصوصا ان الانسر بوابة الخانق فيها ليست كهربائية زى التويوتا مثلا و لكن اللى بيحركها وير عادى مربوط بدواسة البنزين......
أرجو توضيح ماهية هذه القطعه للإفاده و شكرا مقدما على تعب حضرتك
رقم العضوية : 57273
تاريخ التسجيل : 28Dec2009
المشاركات : 13
النوع : ذكر
الاقامة : ismailia
السيارة: لانسر بوما 1600 سبور اوتو
السيارة[2]: دايو لانوس 1 م:2000
الحالة :
شكراا يا بشمهندس طارق , بس حبيت استفسر عن سعر الاستيبر موتور و مكانه فين بالظبط فى العربيه ,,, و شكرااا لمجهودك جزاك الله خير
المفضلات