السلام عليكم
معلش يا جماعة أنا تاعبكم معايا، بس أنا فعلا زهقت من العربية دي كل مرة يحصل فيها حاج جديدة خاصة بالسخونة، وكل اللي شافها قال ان حالة العربية ما شاء الله محصلتش خاصة وانها عاملة عداد اقل من 60 الف كيلو دلوقتي، بس موضوع السخونة ده مش لاقيله حل وزهقني فعلا، كل مرة أعمل حاجة وتتظبط شوية يجي شهر واللا شهر ونص تمشي تمام ع الآخر وبعدين ترجع تاني تبوظ تاني،،، غيرت قبل كده طلمبة المياه والخراطيم وغطاء الريداتير وغطاء البلف البلاسيتك، ومرة النيكانيكي قالي ان في خرم صغير جدا في الرايداتير بيخليها تاخد هوا، وحطلي محلول كده اسمه محلول لشروخ السلندر (علية صغيرة سوداء بـ25 جنيه) واشتغلت بعدها تمام يجي شهرين ودلوقتي رجعت تسخن تاني، اللي أنا ملاحظه ان الميه بتنقص بس بمقدار بسيط، لكن هي بتسخن بسرعة ودلوقتي ، وبأضطر أقف وأبطل واستنى لما تبرد شوية، وأرجع اضيف ميه وأخد هوا ، مش عارف أعمل ايه أنا زهقت فعلا، لدرجة اني فكرت أبيعها ومستخصرها علشان الحالة خاصة وأنا كنت شاريها غالية.

الرجاء الافادة من ذوي الخبرة، أروح لحد بتاع رايداتير واللا ميكانيكي متخصص في السيتروين، ياريت تفيدوني بسرعة أرجوكم انا بقالي يجي أسبوع ما طلعتش بيها، وفي حد قالي كمان لو ريداتير فيبر مش هاينفه يتصلح، فمش عارف مدى صحة الكلام ده، ولو غيرته هل يبقى بكام، وأغير ايه معاه علشان ما أرحعش أفك تاني؟

كمان في حد شار عليا قالي روح ظبط التكييف وخل ييتاع التكييف يشيك على الريدايتر بالمرة، مش عارف مدى صحة الكلام ده إيه؟؟؟


أشكرم وآسف على الإطالة، وياريت لو حد عنده أي معلومة مفصلة ما يبخلش بيها، يعني العيب وتصليحه فين وازاي والاسعار وهكذا يعني