نيسان التيما ولا تويوتا كامرى,,,عايز رايكم؟؟
عرض للطباعة
نيسان التيما ولا تويوتا كامرى,,,عايز رايكم؟؟
انا شوفت الاتيما عالنت
لكن ركبت الكامرى
فطبعا هختار تويوتا كامرى
انا ركبت الأتنين وسقت الأتنين النيسان ألتيما أحسن بكتير لكن عيبها الوحيد إنها سحب أمامي!!!!!!! وخامات الكامري مش قد كده مقارنة بفئتها
الكامري طبعا
Nissan Altimaa
انا بردة ركبت الكامرى ,,بس للاسف المرة دى كانت تاكسى فى دبى والموضوع دة مأثر علية نفسيا:brn:
ويا ترى اية هوة عيب السحب الامامى؟؟
سبب الاختيار؟
بردة سبب الاختيار؟
على فكرة انا بقارن بالاتنين دول للقيادة فى السعودية وليس مصر ,,, انا مقدرش اقرب منهم فى مصر:E_braces[1]:
سحب أمامي بعربيه موتورها غبي (مفتري) زي دي لو أخدت بيه ملف جامد على سرعة عاليه صباح التعويم الي هتعومهاقتباس:
ويا ترى اية هوة عيب السحب الامامى؟؟
وعلى فكرة أنا عايش في السعوديه
elrasy حضرتك زعلان إن الكامري في دبي تاكسي المملكه كلها كامري تاكسي وفي قطر برضوه بدأوا يعملوها تاكسي متحطش الموضوع ده في دماغك وإلا هقولك إركب لومينا إس...
وبالنسبه للألتيما أنا أفضلها من ناحية الشكل والأداء .
الكامري تتفوق عليها في الوسع الداخلي لأني لما ركبت الألتيما إتخنقت فيها وقطع الغيار منتشرة وفي المتناول وكذلك الصيانه وسعر إعادة البيع لأن حضرتك إنت عارف في الخليج سنتين وتلاقيك عاوز تغير بحاجه جديدة .
والقرار يعود إلى حضرتك بعد الإستخاره إن شاء الله ...
أنا بتكلم على أخر شكل الي نزلت من حوالي ٣ أو ٤ سنين لحد السنة الي فاتت وبتاعت السنة الي فاتت معقوله بس بردو لا تقارن بموديلات ٩٨ و٩٩و٢٠٠ ولا حتى في الجري (ومتنسيش يا بسكوته أنا بقارنها بالألتيما)
أنا دلوقتي في مصر (عشان بدرس) وعلى العموم لو عندك أي سؤال أنا تحت أمرك وأنا عايش في الجبيل الصناعية (جمب الخبر والدمام)
نيسان ألتيما يا فندم.... و انا كنت عايش في الخليج و أقدر أقولك ان الألتيما و اللومينا ليهم عشق خاص...
فعلاً خامات الكامرى مش قد كدة ، والألتيما فى الموديلات القديمة كانت وحشة من جوا ، إنما دلوقتى أصبحت أجمل كتير وبكماليات كويسة
أرشحلك نيسان التيما. أنا كنت سؤت الالتيما ال-3.5 ال-V6 الصراحة موتور مفتري فعلاً، و أنا شايف انها جر أمامي دي ميزة لأن بيخلي العربية سحبتها مرعبة.
وأكيد لو بتتكلم عن أخر موديل أكيد هيكون فيها ESP و-traction control وأكيد options تانية كتير علشان تحسن من أداء العربية وثبتها.
لو بتتكلم عن الاتيما v6 يبقى المقارنة محسومة لصالحها
وتبقى الاوريون افضل من الاثنين
لكن لو v4 يبقى الكامري افضل
والاكورد احسن من الكامري والالتيما
انا معرفش انها كمان تاكسى فى السعودية , دى كدة تبقى مشكلة لانى اعتقد ان دة يقلل البرستيج .
اشكرك لاهتمام ولو افتكرت اى سؤال هقولك
اللومينا دى شيفرولية صح؟ وياترى سعرها فى حدود كام؟
اشكرك لاهتمام
مش ال v6 اللى سعة محركها 3500cc مش كدة بردة,, يبقى استهلاكها فى البنزين فظيع زى الشيروكى مثلا ودى اعتقد مشكلة..
بالنسبة للاكورد انا اعرف انها فئة سعرية اكبر من الكامرى والالتيما.
شوف من واقع خبرة كبيرة مع هذه السيارات تتوقف على عدة عوامل
الكامرى : قطع غيار رخيصة وكيل ممتاز تتحمل و تكييف قوى مع كماليات قليلة و اعادة بيع بسع جيد
الالتيما : اسرع افضل فى التقفيل وافخم-كماليات وهمية - قطع غيار مرتفعة - شكل افضل حساسة شوية سعر اعادة بيع سىء
الخلاصة اذا كانت سيارة شخصية و على حسابك هات كامرى اذا كانت سيارة على حساب الشركة هات التيما
اختيارات اخرى وافضل من الاثنين
تيوتا اوريون تبدا من 84000
شيفروليه لومينا تبدا ب 86000 تقريبا و الاتنين 6 سلندر ورائعتين
انا ركبت الاتنين تاكسي في ابوضبي بس بصراحه بفضل الألتيما
والله لو سعر الاكورد اقل من الكامرى يبقى طبعا الاكورد ,بس هسال على السعر كام بالظبط
العربية على حساب الشركة
بس سعر الاوريون واللومينا زى سعر الباسات وانا بفضل الباسات بس الشركة عايزين ميزودوش عن 75000 ريال ,,بس انا لسة فى مفاوضات قوية علشان الباسات
اشكرك لمشاركتك
بصراحه انا هقولك الحق الهوندا اكورد عربيه احسن من الكل وتقفيل يابانى وعفشتها تجيب 260
وفيها ابشن كتير وواسعه وفخمه وخماتها ممتازه وعشان تبقى عارف العربيه دى تفوق على عربيات كتير فى فئتها منها الفورد فيوجن 2010
وكمان الالتيما والى يزعل ان الكمرى حتى ماكنتش فى المنافسه وده عشان
الاتى والكلام ده عند تجربه
الكامرى موتورها اضعف وحده فى التلاته الى هما الاكورد والالتيما
الكامرى خامتها سيئه وتويوتا بتصنع الكمرى فى استرليا
بعكس الالتيما بتتصنع فى امريكا والاكورد بتتصنع فى اليابان
بالنسبه لالابشن الاكورد والالتيما هما الاتنين فيهم ابشن كتير لاكن الكمرى لالاسف مفيهاش
وده عيب مت تويوتا انها تبقى بالسمعه دى وتنتج عربيه اقل حاجه مش تمام
بالنسبه لقطع الغيار فا الكامرى هيا الافضل عشان سعر قطعها رخيص واعاده البيع سهله عشان بس اسمها تويوتا
فى الاخر ابعد عن الكامرى لانها مش بتستحمل
تحياتى
انا على فكره عايش فى قطر والهوندا انتشرت والالتيما كمان مع الاحجام عن شرائع الكامرى بسبب مشاكلها
تمام بس حضرتك كنت كاتب على شكل حرف v بينما هما على خط واحد.
انا رأيي شوف الهوندا اكورد
توكيل vw تعبان في السعوديه وهيقرفك على فكرة وكمان السكودا والكيا كلهم مش قد كده
لاسباب كثيرة جدا اهمها الصيانة و الجرارة وعدم التحمل وعدم وجود صطع غيار وعدم القدرة على البيع و على فكرة لو هتحيب باسال ومصمم تجيب 6 سلندر ودى بايدأ من 101 يعنى افلى من الاكسبلورر و الباجيرو ستاندرد حرام فيها اى فلوس وعلى فكرة مدير مبيعات فولكس صاحبى جدا لو مصمم لما تيحى تخيب قولى وهخليه يظبطك
على فكره الكامري كمان دفع امامي
اما بالنسبة لرأيي فأنا ارشح الالتيما بالرغم من اني عندي كامري
لان الالتيما موتور اكبر وثبات اكبر بس مشكلتها في سعر اعادة بيعها
من ارض الشقيقة السعودية ارسل سلامى واشكر كل من اهتم بموضوعى.
طبعا انا كدة هشيل فكرة الباسات من دماغى بسبب كلامك اللى بثق فية,,وخلال الفترة اللى هستناها علشان الاقامة والرخصة هاخد قرارى, وهبقى اعرفكم.