هل غسيل الموتور بالمياة فيه ضرر على الموتور؟ افيدونى
عرض للطباعة
هل غسيل الموتور بالمياة فيه ضرر على الموتور؟ افيدونى
الشئ الزائد عن حده طبعا مضر فيجب الغسيل بالفوم وان لم يجد بالماء ومش كتير
وننتظر رائ اخواننا الاعزاء
المياة تؤثر على الكنترول يونت والحساسات
بلاش
ولو هتغسل بالفوم
اقف جنب العامل ومتروحش اى مكان علشان ما يستعملش المياة
في التوكيل بتاع دايو في طنطا والمنصورة(عيسي) بيغسلوا الموتور بالماء والبيرل والعربية دايرة كمان
ايش هو الفووم ممكن توضيح ...
الفوم عبارة عن سبراى بيترش على الموتور عشان ينضفه و المفروض انو مش بياثر على الكنترول او السنسورز عشام مفيهوش ميه، فى نوعين واحد يترش و يتساب يطير لوحده و واحد يترش و يتعمل بهوا بعديه , فى مصر المحروسة, اغلب محطات البنزين بيرشه و بعدين يعمل ميه و ساعتها حتلاقى الكنترول بيهيس جامد.
أضمن حاجة انى بجيبه و أعمله لوحدى فى جراج بيتنا:b4_592:
العسيل بالمياه فقط اصلا مش حينضف حاجة
غالبا اى ورشة او محطة بترش جاز الاول لتذويب الزيوت و الشحوم اللى على جسم الموتور و الفتيس ثم بعد كدة بيتم غسل المكنة بماء و صابون للتخلص من اثار الجاز اللى اترش على المكنة و ممكن بعد كدة شطفة سريعة بالمية... طبعا كل دة بدون استعمال خرطوم مياه بضغط عالى
فيش الحساسات عليها عازل لمنع دخول المياه لكن دة مش حيستحمل ضغط المياه العالى و كونترول العربية جوة العربية بالتالى لا خطر من استخدام المية العادية
MMamdouh
شكرا على المشاركة بس منين أشترى الفوم وايه النوع الكويس منه؟
التوكيل لما غسل موتور عربيتي عند صيانة ال 5000 كيلوا غسلوها بسائل شبة البريل كده وخرطوم من غير ضغط لكن لاحظت ان العربيه كانت دايره والصنايعي شادد سلك الاكسرتير لو صح الاسم وصوت العربيه كان عالي خالص والتبخير شغال الله ينور
وبعدها غسلت الموتور بنفسي اكتر من 7 مرات حتي الان عند البيت باستخدام نفس الطريقة
لكن كنت بابعد عن الحساسات من باب الاحتياط ومن باب من خاف سلم
لكن الحالة دي الموتور جديد من غير زيوت ولا شحوم وبعد عمر طويل ان شاء الله سأستخدم طريقة المهندس ممدوح في الغسيل
أنا كنت بشترى فوى من المحل اللى فى بنزينة شل النزهة، علبة سوده و معندوش غير نوع واحد منه فمكنتش بركز اوى و بقالى بتاع 3 شهور معملتش الموضوع دع عشان انا كنت بسيب العربية بعد ما اخلص يوم كامل الكبوت مفتوح فى الجرار و كول شوية أديها شوية هوا بالبلور عشان اتأكد انو الفوم كله طار خلاص.
كما الميكانيكى كان بيقولى انو رش الاسبراى بتاع تنظيف الانجكشن على جسم الموتور حينضفه احسن عشان الاسبراى ده أصلاً معمول لإزالة الشحوم بس لازم تعمله فى بنزينة عشان محتاج هوا جامد بعد ما تخلص ( بصراحة أنا حسين انو بيفتى عشان الانجكشن بيبقى فيه زيت و شحم بس مش زى اللى على الموتور فقولت حبقه اجرب بعدين)
نسيت اقولك انو الاستاذ فادى,احد اعمدة قسم الاسكودا، كان عامل موضوع كامل انو ازاى نضف موتور العربية بالفوم ، حادور عليه و احاول اجيبهولك
الغسيل الصح بجاز ابيض من اى بنزينه ؟؟؟؟؟ وانا غسلت بى اكتر من مره
هو غسيل العربية بالجاز ثم بالماء والصابون هايكلف كام
المياه مضرة ومش هتشييل كل الشحومات
المفروض الجاز احسن حاجة وبعديها بشوية ممكن الفوم
أنا لما أغزل بيكون بالبنزين أول ... وبعد شوية دقائق يغسله عادي بالميه... أتوقع انه الفوم زي البنزين بتأثيره... والله أعلم...
والله دحين محد داري بايش يغسل انا مرة غسلت الموتر بالديزل والمويا والصابون وبعدها شغلت السيارة ايش الاضرار الي حصلت ..
1=صوت سيارة صار عالي ليه.. عشان الحساس حق الانجكشن انحرق... السعر 180 ريال
2=لمبة الشيك ولعت وجلست ثلاثة شهور من ورشة لورشة وفي الاخير السبب الحساس هو نفسه الي وفق
3=اصوات في العربية
الخلاصة تغسل السيارة زي ما قالو بس انتبه من العامل خليك جنبه مو تقول ما اقدر عشان لا انعدم من المويا والصابون هههههههههه:44:
عشان لا يجيب العيد ويدخل المويا جوه الدينمو
واي خدمة
الكلام دة والعربية دايرة ولا مبطلة
بس الكلام دة على مسؤلية حضرتك ......... اجيب بخاخة فيها جاز وارش فى كل مكان بثقة واسيبة شوية وادعك بأيدى بمياة وصابون وبعدين اشطف بخرطوم مياة عادى .....طبعا ابعد عن الموبينا او اغطيها ومخفش ان حساس يتحرق ولا اى خطورة لأنى معرفش اماكن الحساسات غير الحساس اللى السلك بتاعة مووف اللى ظاهر فى الوش .
ولا انا غلطان فى شىء
انا بستعمل فوم كنت جايبة من كارفور هو لما بترشة بيعمل رغاوى زى الاسبراى بتاع اعياد الميلاد والافراح وبعد كدة بيتفاعل وبيسيح الشحوم والاتربة وبيتحول لمادة زيتية المفروض بعد كدة بتستخدم مياة لأزالة السائل اللى عمل ازابة للأوساخ والشحوم.. بس انا عشان كنت بخاف من المياة وبكون قلقان الصراحة ودة اللى خلانى استفسر من حضرتك . وكنت بكتفى بمسح الحوض بفوطة صحيح النتيجة بتكون اقل كفائة عشان مش كل الاماكن هقدر اوصلها بس بقول احسن ما الميا تبوظ حاجة.
اية رأيك ياكبير
محلات الكار كير الكويسة بتغسل بمادة اسمها Tar مع ضغط الهواء وعن تجربة بترجع الدنيا كلها زيرو لأنه بينزل كل الشحوم والزيت ومابيوصلش كهربا وأصلاً بيطير على طول فى دقيقتين ولا حاجة
يعنى اتكل على الله واطمن
هو انت عايز تغسلة بنفسك؟؟
اصل فى محطة البنزين بيعملوا القصة دى عادى بس انا حاسس انك قلقان شويتين فا احب بس اعرف انت ناوى على ايه؟
MMamdouh
الغسيل فى البنزينة احسن بس ياريت لو فى محطة خدمة محترمة
استاذ ممدوح انا اسف انى اتأخرت عليك بالرد بس والله سهيت عن الموضوع
اصل عملت حدثة بسيطة الحمد لله وطبعا العربية اتخبطت ووديتها للسمكرى وكل تركيزى اليومين دول بخصوص السمكرة وبالمرة هلقط اللى فيها وتاخد رشة ماعدا السقف.
هو فعلا هغسلها بنفسى و مكدبش عليك فعلا انا قلقان اوى مش حبتين اصل بصراحة مرة كنت بغسل العربية كلها بالمتور ومياة دخلت على الكارتة وباظت هيا ملهاش علاقة بغسيل المتور وكانت غلطة العامل دخل مياة وهو شغال بخرطوم الضغط عن الدواخل وبعديها غسلت المكنة فى البنزينة وحساس الاكسجين تقريبا باظ اللى هو بالسلك الموف بس الميكانيكى كان بيحاول يقنعنى ان الغسيل ملهوش علاقة ببواظان الحساس بس انا كنت اتشائمت خلاص ومن ساعتها وبستعمل فوم بس النتيجة تقريبا 60 % مش قد كدة.
ارجو من حضرتك ان الموضوع دة ميكنش سبب فى اى زعل لحضرتك
انا هقولكم علي تجربتي الشخصية مع غسيل المحرك في سيارتي النوبيرا
1- جربت غسلت مرة بضغط المياة و الجاز و المحرك بقي زي الفل بس ربنا ستر ومكررتهاش تاني لأن فعلا الضغط الشديد قادر علي توصيل المياة لمناطق ممكن تسبب كوارث.
2- غسلت مرتين بنفسي لحد دلوقتي و الحمد لله النتيجة ممتازة بس لخوفي علي الأجزاء الكهربية وعملت الأتي
- فصلت كابل البطارية الموجب و الأرضي
- غطيت كل الحساسات و الأجزاء الكهربية كله بأكياس بلاستيك زي الموبينة و علبة الفيوز و الكارتة ووصلات النور واي حاجة اسلاك قابلتها حتي ماتور المساحات
- جهزت خلطة بيرل مخفف بالماء مع شوية مزيل شحوم الشفاطات المنزلية ووضعتة في بخاخة سبراي يدوية عادية ورشيت اي حاجة قدامي بقلب جامد وسيبتها حوالي 10 دقائق ورشيت تاني مع فوطة للأجزاء الظاهرة و التي يمكن تنظيفها
- بخرطوم مياة عادي وضغط باليد غسلت كل الدنيا بالمياة مع تجنب مناطق الأكياس المغطاة قدر الإمكان
- جبت بلاور الهواء ونفضت المحرك كلة كويس لإخراج المياة من التجاويف الضيقة
- فكيت الأكياس البلاستيك وتركت السيارة لليوم التالي دون توصيل البطارية نهائيا
-وصلت البطارية وعملت ايدل ليرن وعيش أحلي نتائج بدون عواقب
عموما الجاز مع الهواء بيلمع المحرك وبيطير اسرع من المياة بس بيضر بالسيور واي حاجة مطاط علشان كدة المنظفات العادية افضل مع الماء كذلك لو شفتم علي اليوتيوب اي غسيل بيستخدمو الماء بضغط شديد بدون اي محاذير بس احنا نخشي ان يكون احد الأغطية او العوازل او الضفيره ليست كما يجب وهذا وارد في سياراتنا حسب حالتها الفنية مما قد يحدث ضررا لكن عامة المحرك عادي انة يترش بمياه مضغوطة
تحذير ..
محدش يغسل الموتور بالمية لأن الموضوع ممكن يوصل لكوارث ..
اسئلوني واسئلوا مكة بوي (أخونا بتاع السعودية) هو ربنا سترها معاه لحد كده ، وأنا بيحصل عندي نفس الموضوع بعد الغسيل بالمية .. تهييس من الكتاب وبرجلة وصوت عالي وأداء واطي .. عيشة !
ماله الفوم ؟ هو كفر؟
يا باشا و انا حزعل ليه؟؟؟ انا بس عايز اعرف انت حتعمل ايه عشان اعرف اديك نصيحة مفيدة
انا مازلت شايف انك تغسل الموتور فى البنزينة بس تكون بنزينة فيها حد بيفهم... لو تقولنا انت ساكن فين و شغلك فين ممكن ندلك على محطة كويسة تعمل فيها القصة دى لان انت معندكش خرطوم هوا يوزع الجاز بقوة عشان يزيل الشحوم و الزيوت و معتقدش حتقدر تغسل بكمية الميه المهولة اللى بيستعملها عامل المحطة والا حتغرق الدنيا حوايك... دة رائى الشخصى فى الموضوع
MMamdouh
فعلا انا بقالى فترة بستعمل الفوم وعن تجربة لأنواع مختلفة اشكال والوان مبينظفش قد كدة ولو متمسحش كويس بيلم بلاوى بعد فترة ومصروف ملهوش اى لازمة لأن العلبة يادوب غسلتين وفى الباى باى .
استاذ ممدوح حضرتك قدرتنى وبتقدملى خدمة او معلومة مش معقول حتى مكلفش نفسى واشكرك
بس فية حاجة انا من الاسكندرية مش القاهرة على العموم انا ساكن فى سيدى بشر وشغلى فى سبورتنك شارع ابو قير لو حد من الاسكندرانية يقدر يفيدنى حتى لو فى اى مكان مش هتفرق .
بس لو متوفر كمبروسر هوا واتعملت فى الموضوع دة فيها مشكلة بردو
+1
بس بعد الجاز يفضل تملا زجاجة مية و تفضى عليها كيس بريل (صابون سائل) و ترش على الموتور زى ما رشيت الجاز عشان تنزل الجاز و الشحوم و الزيوت اللى دوبها الجاز... كمان عشان لما المكنة تسخن متطلعش ريحة جاز عليك و تقرفك من العربية و السواقة و حياتك كلها (اسال مجرب)
MMamdouh
افضل غسيل للموتو بالفوم او الماء لاكن الجاز بيشقق وينشف الخراطيم والمكرونة للى على كبلات الكهرباء وخالى بالك من علبة الفويزات حاول ما تجبش عليها ماية كتير وربنا يسطرها لانى اخر مرة مغير علبة الفيوزات بسبب المكية اللى دخلت جواها
هو الميه والفوم برده بيشققوا الخراطيم وبينشفو (الجراب)العزل بتاع الضفيرة ده في عربيات كتيرة الكومبيوتر بيبقي تحت الكابوت......انا عن نفسي لااشجع فكرة غسيل الموتور باي شكل من الاشكال الا للضرورة اذا كان فيه تسريبات زيت يتم الغسيل بعض اصلاح المشكلة......وكفاية اوي يتنفض بالهوا مع كل تغير للزيت لازالة الاتربة.