غسيل الموتور بالمياة مضر ام لا

**MMamdouh** · 21-01-2010 11:33 AM

هو انت عايز تغسلة بنفسك؟؟

اصل فى محطة البنزين بيعملوا القصة دى عادى بس انا حاسس انك قلقان شويتين فا احب بس اعرف انت ناوى على ايه؟

MMamdouh

**ahm177** · 25-01-2010 07:49 AM

المشاركة الأصلية كتبت بواسطة MMamdouh

العسيل بالمياه فقط اصلا مش حينضف حاجة

غالبا اى ورشة او محطة بترش جاز الاول لتذويب الزيوت و الشحوم اللى على جسم الموتور و الفتيس ثم بعد كدة بيتم غسل المكنة بماء و صابون للتخلص من اثار الجاز اللى اترش على المكنة و ممكن بعد كدة شطفة سريعة بالمية... طبعا كل دة بدون استعمال خرطوم مياه بضغط عالى

فيش الحساسات عليها عازل لمنع دخول المياه لكن دة مش حيستحمل ضغط المياه العالى و كونترول العربية جوة العربية بالتالى لا خطر من استخدام المية العادية

MMamdouh

عاش قوى والله كلام مية مية

**zocor742** · 25-01-2010 11:07 PM

المشاركة الأصلية كتبت بواسطة mmamdouh

هو انت عايز تغسلة بنفسك؟؟

اصل فى محطة البنزين بيعملوا القصة دى عادى بس انا حاسس انك قلقان شويتين فا احب بس اعرف انت ناوى على ايه؟

mmamdouh

استاذ ممدوح انا اسف انى اتأخرت عليك بالرد بس والله سهيت عن الموضوع
اصل عملت حدثة بسيطة الحمد لله وطبعا العربية اتخبطت ووديتها للسمكرى وكل تركيزى اليومين دول بخصوص السمكرة وبالمرة هلقط اللى فيها وتاخد رشة ماعدا السقف.
هو فعلا هغسلها بنفسى و مكدبش عليك فعلا انا قلقان اوى مش حبتين اصل بصراحة مرة كنت بغسل العربية كلها بالمتور ومياة دخلت على الكارتة وباظت هيا ملهاش علاقة بغسيل المتور وكانت غلطة العامل دخل مياة وهو شغال بخرطوم الضغط عن الدواخل وبعديها غسلت المكنة فى البنزينة وحساس الاكسجين تقريبا باظ اللى هو بالسلك الموف بس الميكانيكى كان بيحاول يقنعنى ان الغسيل ملهوش علاقة ببواظان الحساس بس انا كنت اتشائمت خلاص ومن ساعتها وبستعمل فوم بس النتيجة تقريبا 60 % مش قد كدة.
ارجو من حضرتك ان الموضوع دة ميكنش سبب فى اى زعل لحضرتك

**SBkr** · 26-01-2010 12:38 AM

انا هقولكم علي تجربتي الشخصية مع غسيل المحرك في سيارتي النوبيرا
1- جربت غسلت مرة بضغط المياة و الجاز و المحرك بقي زي الفل بس ربنا ستر ومكررتهاش تاني لأن فعلا الضغط الشديد قادر علي توصيل المياة لمناطق ممكن تسبب كوارث.
2- غسلت مرتين بنفسي لحد دلوقتي و الحمد لله النتيجة ممتازة بس لخوفي علي الأجزاء الكهربية وعملت الأتي
- فصلت كابل البطارية الموجب و الأرضي
- غطيت كل الحساسات و الأجزاء الكهربية كله بأكياس بلاستيك زي الموبينة و علبة الفيوز و الكارتة ووصلات النور واي حاجة اسلاك قابلتها حتي ماتور المساحات
- جهزت خلطة بيرل مخفف بالماء مع شوية مزيل شحوم الشفاطات المنزلية ووضعتة في بخاخة سبراي يدوية عادية ورشيت اي حاجة قدامي بقلب جامد وسيبتها حوالي 10 دقائق ورشيت تاني مع فوطة للأجزاء الظاهرة و التي يمكن تنظيفها
- بخرطوم مياة عادي وضغط باليد غسلت كل الدنيا بالمياة مع تجنب مناطق الأكياس المغطاة قدر الإمكان
- جبت بلاور الهواء ونفضت المحرك كلة كويس لإخراج المياة من التجاويف الضيقة
- فكيت الأكياس البلاستيك وتركت السيارة لليوم التالي دون توصيل البطارية نهائيا
-وصلت البطارية وعملت ايدل ليرن وعيش أحلي نتائج بدون عواقب
عموما الجاز مع الهواء بيلمع المحرك وبيطير اسرع من المياة بس بيضر بالسيور واي حاجة مطاط علشان كدة المنظفات العادية افضل مع الماء كذلك لو شفتم علي اليوتيوب اي غسيل بيستخدمو الماء بضغط شديد بدون اي محاذير بس احنا نخشي ان يكون احد الأغطية او العوازل او الضفيره ليست كما يجب وهذا وارد في سياراتنا حسب حالتها الفنية مما قد يحدث ضررا لكن عامة المحرك عادي انة يترش بمياه مضغوطة

**tompina** · 26-01-2010 05:47 AM

تحذير ..
محدش يغسل الموتور بالمية لأن الموضوع ممكن يوصل لكوارث ..
اسئلوني واسئلوا مكة بوي (أخونا بتاع السعودية) هو ربنا سترها معاه لحد كده ، وأنا بيحصل عندي نفس الموضوع بعد الغسيل بالمية .. تهييس من الكتاب وبرجلة وصوت عالي وأداء واطي .. عيشة !
ماله الفوم ؟ هو كفر؟

**MMamdouh** · 26-01-2010 03:02 PM

المشاركة الأصلية كتبت بواسطة zocor742

استاذ ممدوح انا اسف انى اتأخرت عليك بالرد بس والله سهيت عن الموضوع
اصل عملت حدثة بسيطة الحمد لله وطبعا العربية اتخبطت ووديتها للسمكرى وكل تركيزى اليومين دول بخصوص السمكرة وبالمرة هلقط اللى فيها وتاخد رشة ماعدا السقف.
هو فعلا هغسلها بنفسى و مكدبش عليك فعلا انا قلقان اوى مش حبتين اصل بصراحة مرة كنت بغسل العربية كلها بالمتور ومياة دخلت على الكارتة وباظت هيا ملهاش علاقة بغسيل المتور وكانت غلطة العامل دخل مياة وهو شغال بخرطوم الضغط عن الدواخل وبعديها غسلت المكنة فى البنزينة وحساس الاكسجين تقريبا باظ اللى هو بالسلك الموف بس الميكانيكى كان بيحاول يقنعنى ان الغسيل ملهوش علاقة ببواظان الحساس بس انا كنت اتشائمت خلاص ومن ساعتها وبستعمل فوم بس النتيجة تقريبا 60 % مش قد كدة.
ارجو من حضرتك ان الموضوع دة ميكنش سبب فى اى زعل لحضرتك

يا باشا و انا حزعل ليه؟؟؟ انا بس عايز اعرف انت حتعمل ايه عشان اعرف اديك نصيحة مفيدة

انا مازلت شايف انك تغسل الموتور فى البنزينة بس تكون بنزينة فيها حد بيفهم... لو تقولنا انت ساكن فين و شغلك فين ممكن ندلك على محطة كويسة تعمل فيها القصة دى لان انت معندكش خرطوم هوا يوزع الجاز بقوة عشان يزيل الشحوم و الزيوت و معتقدش حتقدر تغسل بكمية الميه المهولة اللى بيستعملها عامل المحطة والا حتغرق الدنيا حوايك... دة رائى الشخصى فى الموضوع

MMamdouh

**MMamdouh** · 26-01-2010 03:02 PM

المشاركة الأصلية كتبت بواسطة tompina

ماله الفوم ؟ هو كفر؟

انا بحس انة فلوس على الارض... الفوم عمرة ما بينضف زى الطريقة بتاعت الجاز و الصابون

MMamdouh

-

-

الموضوع: غسيل الموتور بالمياة مضر ام لا

LinkBack

أدوات الموضوع

عرض

-

-

-

-

-

-

المواضيع المتشابهه

غسيل الموتور

غسيل الموتور

غسيل الموتور

غسيل الموتور صح ولا غلط

غسيل الموتور

الكلمات الدلالية لهذا الموضوع

المفضلات

المفضلات

ضوابط المشاركة