الموضوع: سؤال لملاك اللوجان .. اركز على ايه و انا بأستلمها

مبرووووووووووووك مقدما
بص ياباشا اتاكد انك اخدت الكتالوج وكتالوج الكاسيت وبص بصه علي العربيه كلها واتاكد ان مفيهاش اي خربوش او حاجه وجرب الازاز الكهربا والمرايات والكاسيت ده اللي فكره لو افتكرت حاجه تانيه هضيفهالك

اولا الف مبروك وربنا يباركلك فيها وتستلم على خير ان شاء الله
طبعا يفضل ان يكون معاك حد خبرة لكن عادى ممكن تستلم لوحدك
بس اهم حاجة اقرأ اللينكات اللى ححطهالك دى والاهم انك تطبقها وانت بتستلم
وماتخليش انبهارك بالعربية ينسيك انك بتستلمها .. خلى الانبهار على جنب خالص وانت بتستلم
واى ملحوظة تكتبها فى دهر ايصال الاستلام عشان تعملها فى الصيانة وتأكد من الفرش
مش مقطوع منه حته فى الاماكن اللى مش باينة زى تحت مساند الراس ارفع المساند وبص تحتيهم
الحاجات اللى بتستلمها مع العربية
3 كتالوجات / علبة وش الكاسيت / اربع طاسات / مفتاحين فيهم واحد بريموت / والطفاية / العدة والكوريك على اليمين واليسار داخل الشنطة
والكاوتش يبقى نفس النوع والمقاس الاربع فرد والاستبن
راجع المواضيع دى مهمة جدا

http://www.nilemotors.net/Nile/103554-a.html
.
http://www.nilemotors.net/Nile/90269-a.html
.
http://www.nilemotors.net/Nile/98572-a.html
.
وابقى طمنى

القي نظرة خارجية
[gdwl]
1- لف حولين العربية وتاكد من الكشافات الامامية والخلفية "الزجاج"
2-تاكد من ان الطلاء ليس بة خدوش
3-امسك الكصدامين بقوة معتدلة لان ساعات بتكون الاكصدامات مش راكبة كويس
4-افتح الشنطة وتاكد من وجود الادوات اللازمة كالكوريك.
5-ارفع الموكت وتاكد من وجود الاطار الاضافي الاستبن وانة من نفس ماركة الاطارات الاربعة الاخري.
6-اقفل الشنطة وتاكد من سهولة الفتح والغلق.
7--جرب تفتح تانك البنزين بالمفتاح.
8-افتح ابواب السيارة واحد تلو الاخر وتاكد انة ليس بة تقل غير عادي وانة لايحتاج جهد كبير للاغلاق.
9-شغل العربية واسمع الصوت وافتح الكبوت وتاكد من ان السوائل بمقدار كافي "المية الخضراء" اغلق الغطاء.[/gdwl]


اجعل فرد اخر خارج السيارة ليتابع الاشارات".ادخل السيارة انت واحد افراد التوكيل واجلس في مقعد السائق وتاكد من الاتي"

[gdwl]
1- كيفية تعديل وضع الدركسيون "فول اوبشن فقط"
2- وضع الكرسي للسائق ""للامام والخلف" وظهر الكرسي "فول اوبشن فقط"
3- انزل فرامل اليد وتاكد من سهولتها وعدم وجود بوش.تم ارفعها مرة اخري.
4- دوس دبرياج وتاكد من سلاسة النقلات.
5-امسك الدركسيون وتاكد من الاشارات والانوار الامامية والخلفية والشبورة ...بمساعدة الشخص خارج السيارة.
6-تاكد من حركة المساحات.وضوء السائق والشماسات.
7-تاكد من التكييف "فول اوبشن فقط".واضواء الانتظار.والcd سواء mp3 or audio.
8-انزل الزجاج الامامي لكلا البابين تم ارفعهما وتاكد من سهولة العملية وان الزجاج بينزل للاخر."فول اوبشن فقط"
9- تاكد من تقفيل البابين وان مفيش حاجة غلط واي ملحوظة اوعي تتكسف تقولها.
10-حرك المرايات وتاكد من الحركة "فول اوبشن فقط"
11-اركب في الكنبة الخلفية وانزل الزجاج للابواب وتاكد منة واجعل من يجلس في الامام يدوس علي زرار اغلاق خاصية رفع وخفض الزجاج الخلفي وتاكد من انة قام بدورة.
12-تاكد من تقفيل البابين.
13- القي نظرة علي الزجاج الخلفي وتاكد من عمل السماعات.
14- تاكد من استلام الكتالوج للسيارة وال cd.[/gdwl]

اطمنت توكل علي اللة واستلم واقرا الفاتحة "اي ملحوظة قولها مهما كانت تافهة لان كل الملحوظات اللي هتقولها لها اجابة طول مانت لسة مستلمتش بعد كدة في الصيانات يا باشا"

محمود شاكر يا جامد ايه الحلاوة دى ... انت غلبتنى معاك .. شوية الاقيك بتشوى لحمة فى المنتدى
وشوية الاقيك مخزن معلومات فى الجمجمة وبعدين معاك ... ما علينا
ممكن بس تولعلى قبل ما تنام ... وياريت اغنية عودونى للكينج

المشاركة الأصلية كتبت بواسطة BASKOTA

رينجو قال كل حاجة
مش تسيبلنا حاجة نقولها ااى
يلا هاقول
الف مبروك وامشى

مبروك يا افندم وعقبال ما ترفعلنا اول تقرير مصور عن العربية بعد التجربة

يا بسكوتة دة كفاية وجودك فى الموضوع دة الموضوع نور

مبروك مقدما"""

المشاركة الأصلية كتبت بواسطة ringoo

محمود شاكر يا جامد ايه الحلاوة دى ... انت غلبتنى معاك .. شوية الاقيك بتشوى لحمة فى المنتدى
وشوية الاقيك مخزن معلومات فى الجمجمة وبعدين معاك ... ما علينا
ممكن بس تولعلى قبل ما تنام ... وياريت اغنية عودونى للكينج

محمود شاكر بيدحرج التماس لاحلي رينجو في بر مصر مساء الخيييييييير
ويا راجل جايبلي صباع كفتة مولع وعايز تولع تاني طب صباح الخييييييييير. ومعاة اكبر عود كبريت

وعلاقة الشوي والمعلومات دي علاقة وثيقة لانها لحمة راس
والله يابو اسكندر صوتي مبحوح من شوي امبارح مانت دبستني في 3 صوابع كفتة وجاي تقولي غني .
طب اهو انت اللي لازم تغني وانا اعزفلك "وبس انت تغني واحنا معاك"