الموضوع: معلومات بخصوص النايل موتورز

المشاركة الأصلية كتبت بواسطة karim_monir

اقول لحضرتك
المفروض في كل المواقع المحترمة عالميا بينزل محتوى اعلاني مناسب لطبيعة الموقع ومحتواه وبيتعلق احيانا بحاجات تانية زي الحاجة اللي بتعمل عليها بحث كتير على الانترنت وغيرها

عندنا في الموقع الناس ماتعرفش اصلا ايه الاعلانات دي وايه وظيفتها مع ان في اعلانات كتير قوي هاتفيدك لو دخلت عليها بتعلن عن سلع ممتازة
يعني مثلا في اعلانات عن تاجير عربيات بالمشوار ب 25 جنية في الساعة
دخولك على الموقع ده بيجبلنا احنا فوس وبيرفع ترافيك الموقع اللي انت دخلتة وجوجل بتاخد نسبة
يعني حققنا افادة للثلاث افراد
شركة شو تك اللي معلنة عندنا في اعلى الصفحة كان ترتيبهم على مستوي العالم 8 مليون
ولما اعلنو عندنا اصبح ترتيبهم 3 مليون وكسور
يعني اعلانهم عندنا طلعهم قدام 4 مليون وشوية
مستوعب بقي حجم الترافيك والحركة اليومية والاستفادة اللي هما استفادوها من وصول منتجهم للناس والناس استفادت من وصول منتج كويس ليهم والمنتدى استفاد بتغطية قيمة الاستضافة اللي بندفعها شهريا

يا ريت يكون المعنى وصلك لكن الخلاصة ان المستهلك المصري داخل يدور على معلومة معينة ياخدها ويمشي بدليل في اعضاء كتير قوي غير نشطين ولم يشاركو مشاركة واحدة رغم اشتراكهم معانا من 2007
يعني مشاركاتهم استفادة ويمشي بدون ما يقول حتى كلمة شكر للشخص اللي افاده

تمام كدة يا استاذ كريم وهو فعلا فى ناس كتير بتخش المنتدى عشان مجرد تشوف حاجة او تعرض حاجة مش اكتر ولا اقل والكلام دة بيبان جدا فى قسم البيع والشراء
تلاقى الى داخل يعرض عربيتة وويمشى اول ماتتباع مثلا دة لو اتباعت .......
بس انت ممكن يا استاذ كريم تعلموا حتة موضوع صغير عشان الناس كلها تعرف تستفيد
بالحتة دى انا مش هاكدب عليك انا اول مرة اعرف حكاية الاعلانات دى
انا كنت كل الى اعرفة ان جوجل هى المستفيدة الاولى والاخيرة منها