انا شايف الاسترا2000 افضل ثم الفكترا ولان الاسترا 2000 اقل اعطالا
عرض للطباعة
انا شايف الاسترا2000 افضل ثم الفكترا ولان الاسترا 2000 اقل اعطالا
الف شكر يا رجالة على الردود
بس فى مشكلة انا بقالى كتير قوى بدور مش لاقى فيكترا كويسة وحالتها نضيفة فى حدود ال 50 اللى معايا
وانا قدامى دلوقتى عربية كورسا موديل 2005 عاملة 100 الف كيلو فابريكا بره وجوه بس فيها حاجات مش عارف اذا كانت بسيطة ولا لأ
اولاً اللون بتاعها بدأ يطلع من عند الزوايا والراجل قالى ان فى مادة كده بتدهن بتسيح اللون على بعضه وبتلمع وتحل المشكله دى مش عارف ده صح ولا لأ
ثانياً الفرش بتاعة متبهدل شوية وفى كرسى الخياطة بتاعته مفكوكة علشان هو مش حاطط فرش فوق الفرش الأصلي
ثالثاً والأهم فى خبطة بسيطة فى الجنب اليمين قدام الباب الأمامى مردودة على البارد بس مخلية الباب مش مظبوط قوى لما بيقفل
رابعاً فى بلاستيك كده حوالين الكاوتش الأمامى على الرفارف الكلبسات بتاعته مكسورة فمش راكب كويس
غير كده حالة الموتور ممتازة والعفشة وراكبلها جنوط اسبور 16
عربية زى دى تعمل كام وهل الحاجات اللى فيها دى تعيبها ولا لأ؟
ايه رأيكوا؟
انا اسف جدا انى بعيد كلامى تانى لغرض الافاده
انا من مالكى الاسترا موديل 2000 ال1200 سىسى
العربيه اقتصاديه ,ثبات رائع ,موتور بتاع شغل, بصفه عامه جيده جدا و تعتبر رياضيه اكتر او شبابيه عن الفيكترا
بس انا ارشحلك الفيكترا اكتر لعده اسباب اهمها:
واسعه و مساحه التخزين اكبر
عائليه عن الاسترا
قطع الغيار ارخص و صيانه اسهل
بالنسبه لموضوع التسارع
اولا هى مش بطيئه اوى ولا انت عايز تدخل بيها دراج ريس
معظم الالمانى بطئ فى التجميع على السرعات الاولى و ده بسبب الاوزان التقيله بس فى المقابل عزم جبار
بس يولك لو بعد ال100 هتشوف تجميع اهبل
ده غير مقوله انا سمعتها بتقول الالمانى بيلعب على الار بى ام العالى
انا هقولك على دراج ريس بينى و بين صديقى جوليت 2 ال1500 سىسى
الجوليت خفيفه و موتورها اكبر و مركبين لها فلتر اسبيد كولد اير و بوجيهات اسبلت فير كمان عشان نزود التسارع بتعها
و بدأنا السباق الساعه 3 بليل عشان الطريق يكون فاضى بقدر الامكان
اول و تانى الجوليت سبقتنى بحاجه بسيطه
عالتالت عدنا ال100 بعدين رابع و خامس و لحد ال170 انا اللى سبقته
استرا 2001
او 2002
بس اهم شئ ان الحالة تكون ممتازة عشان تقدر تستمتع
طيب هو ليه العربية الفيكترا موديل 98 سعرها زي الأسترا موديل 2002 او قريب منه رغم ان فى فرق فى السنين مش قليل وفى فرق فى الكماليات كمان ؟!
الفكترا فئتها تختلف عن الاسترا