ربنا يبشرك بالخير يا تامر هاروح اولع فى العسكرى و جاى على طول
عرض للطباعة
ربنا يبشرك بالخير يا تامر هاروح اولع فى العسكرى و جاى على طول
شكرا ياباشا علي الموضوع الجامد دة بس انا هقولكم علي حكايتي اللي اتصدمت بيها و اللي نزلت فوق دماغي زي الصاعقة وانا رايح اجيب شهادة مخالفات للعربية بتاعتي علشان اجدد لقيت علية 4000ومش عارف كام مية وكسور وكلها في الشرابية 0000لدرجة اني قولت للموظف دية مخالفاتي ولا الكومبيوتر هنج وجاب مخالفات واحد تاني فعاد عليها تاني لقاها هية هية علي الرغم والله العظيم والله العظيم انا مبخرجش الابعد منتصف الليل علي الساعة 2 في الصيف وفي الشتاء عامل للعربية بتاعتي بيات شتوي يعني مشوفتش عسكري مرور الا ساعة ماروحت ارخص اول مرة ومكنش فية نمر وعلقت نمر مؤقتة وانا بسلمها مطلعش عليا حاجة وأخدت النمر المشئومة ومشيت بس ثبت لية بعد كدة بعد التظلمات وخلافة ان علشان العربية زيرو وتعمل حوالي 106 الف فا اية يعني لما ادفع 4000 واكمل 110 الف او ممكن المخالفات دية مترحلة عليا من صاحب اللوحات اللي قبلي لأنة كان باين انة مسنود جامد ودة اتضحلي لما عدت الذاكرة لقيت ان الظابط كان بيديني النمر من المكتب بتاعة وقالي ابسط ياعم نمر متلعبكة علشان محدش يعرف ياخدها وبصراحة انبسطت بعد كدة آخر آخر انبساط ودعيتلة بحسبي الله ونعم الوكيل المهم واحد قالي هات بيان صرف لوحات روحت وجبت الشهادة ولقيت اية خير الله ماجعلة خير اسم المالك القديم من الناس المشهورة جدا وطبعا مش هقول علي اسمة أحسن اتعرف واتنش تاني بمية الف ولا حاجة وطبعا لقيت مخالفات بحوالي 200 جنية قبل تاريخ استلام اللوحات وباردوا في الشربية طيب هاتقولولي طيب ازاي ياموجة واحد مشهور وتتكتب علية مخالفات في الشربية 00بعد دفع الرسوم والذي منة عرفت ان العربية ليها سواق خصوصي للبرنس واكيد السواق دة ساكن في الشربية واكيد اكيد اتخانق مع عسكري ولا آمين شرطة شغال في المرور وهو في الطريق وطبعا اللوحات اتحططت بلاك لست لأني لما شوفت المخالفات كان هايغمي علية من فظاعتها اولا 2 سير عكس الأتجاة علي الرغم اني بخاف امشي حتي في نص الطريق وتلقيني ماشي جنب الرصيف ورا اتوبيس او ميكروباص ولو وقفوا اقف ولو مشيوا امشي ومتجليش الجرآه حتي اكسر شمال علي حد جاي علشان ممكن اتعور 000 وواحدة تعطيل حركة المرور واتنيين كسر اشارة وواحدة التحدث في المحمول واتنين عدم ارتداء حزام الأمان ودة عمري ماخرجت الا ولازم ارتدية واحكم علي اللي جانبي انة لازم هو كمان يرتدية علي الرغم ان مبيبقاش فية حتي عسكري مرور واقف وخد دية كمان القيادة برعونة مما أدي الي ترويع المارة اعتقد المفروض كانوا يحكموا علية بالأعدام شنقا علي اشارة مرور علشان اكون عبرة وعظة للمخالفيين عمرك شوفتوا كدة المهم في واحد ابن حلال من الناس المدقدقة قالي روح اعمل تظلم فعملت تظلم ورحت اشوف بعد عشرة ايام لقيت المبلغ هوة هوة المهم قابلني الي بيبقي واقف علي مكتب وكيل النيابة برة بيدخلة الناس قالي خش لوكيل النيابة وقلة وأشرحلة الموضوع بس اوعي صوتك يعلي هرتز واحد المهم دخلت لوكيل النيابة وفعلا كان شكلة ابن ناس فشرحتلة الموضوع وأديتة بيان صرف اللوحات اللي فية مخالفات في ب200 ج في الشرابية باردوا وقلتلة ياباشا البيان دة اكبر دليل علي صدقي ان المخالفات دية كلها انا معملتهاش وفي خطأ في الموضوع كلة والمخالفات دية كلها مترحلة عليا قالي عملت تظلم قلتلة عملت بس في الدراسة قالولي مش هايجيب نتيجة لأن كدة كدة المخالفات جيالك للحد الأدني تلقائيا بدون تظلم وجرب تاني يمكن ربنا يهديلك القاضي وينزلك تاني من المبلغ قلت اية دة هو كان عليا 10000 ج ولا اية0000 بس يامعلم لا حياة لمن تنادي والشكوي لغير الله مزلة المهم لما وكيل النيابة لما شاف اسم الشخص وشاف الموضوع بتاع الشربية بصراحه طلع ذوق ذوق ذوق وشالي 2200 ج بالتمام والكمال 200 ج اللي مش بتوعي قبل ماأرخص وبقية المخالفات ماعدا الأتنين بتوع عكس الأتجاة ودة لية علشان النوع من المخالفات دة مفهوش الغاء ولابد من الدفع ياالحبس قالي هاتدفع قولتلة معيش غير الف جنية قالي كمل الألفين وتعالي لأن في نظام النمر الجديده مش هتلاقي الكلام دة قلت مبدهاش ورحت كملت ودفعت وانا بعييط ومفيش غير علي لساني غير حسبي الله ونعم الوكيل حسبي الله ونعم الوكيل في كل اللي ظلمني وكل دة علشان معرفتش مخالفاتي بدري من النت لأنة كان فية تعديل لأني لو كنت عرفتة قبل الشهر السماح مايخلص كان زماني 000000باردوا كنت هادفع :_Alshmokh08[1]::_Alshmokh08[1]::_Alshmokh08[1]::_Alshmokh08[1]:
احمد ربنا على كل شئ
انا عارف انه شئ صعب جدا اللى حصل لك دة
أنا كمان عليا 1600 جنيه ( عكس وانتظار فى الممنوع )فى اماكن عمرى ما روحتها ولا اعرف هي فين اصلا بس لازم تتدفع
الحمد الله وقدر الله وماشاء فعل وحسبي الله ونعم الوكيل في كل اللي ظلمني علية بالعوض وعلية بالتلف وحسبي الله ونعم الوكيل في الوساطة والمحسوبية وفي كل اللي بيستغل سلطتة ووظيفتة في ايذاء الناس وفي رفع الواجب من علي الظالم ليقع علي مظلوم تاني 0000مش عارف امتي الناس دية هاتعرف ربنا ويكفوا اذاهم وظلمهم واتاوتهم عنا انا احتسبت الفلوس دية عند ربنا وان شاء الله هاخدهم حسنات منهم يوم القيامة وتاني هاقول حسبي الله ونعم الوكيل عليا بالعوض وعليهم بالتلف
نفس الحوار حصل مع اخويا و كان عليه فى 128 مبلغ 14000 جنيه مخالفات و كلها فى دسوق و قنا و حتت غريبه بس وكيل الحمد لله طلع معرفة جامده و شالها و دفعنا 100 جنيه و الباقى اتشال
اههههههههههههههههههه للأسف ساب المرور و راح عامه الله يمسيه بالخير
للاسف مفيش حاجة دلوقتى من غير واسطة أو رشوة
ودى بقت حاجة تقرف تروح لاى حد ياما يقولك كل سنة وانت طيب ياما قهوتى ياما حسنتى ولو قلت لا مصلحتك مش هتخلص ولو عملت ايه
كله شايف نفسه ومفكر انه هو الكبير بس فى الاكبر منه ( الله ) سبحانه وتعالى
ربنا ينتقم من الناس دى رشاوى وبلاوى وقرف وخنقة ربنا يهديهم ويريحنا منهم ويبعدهم عن سكتهم
امين
اللهم امين
انا شايف الناس بتتكلم فى سياسة البلد وحنا عندنا كلاب بتقرم اى حد بيقول كلام صعب
ماهو احنا مش في ادينا غير الكلام مفيش حاجة تانية نقدر نعملها وياريت الكلام بيجيب نتيجة تصدقوا في خطبة الجمعة اللي فاتت كانت بتكلم علي واجبات الموظف نحو المواطن وما لية وماعلية وان موضوع الشاي والقهوة وحلوتي والكلام اللي بياخد بية فلوس من المواطن الغلبان علشان يخلصلة الموضوع بتاعة يبقي رشوة والقرش اللي بيخش جيبة ويخش بيتة وجوفة وجوف ولادة قرش حرام يعني مأكلة حرام ومشربة حرام ونومتة حرام 0000ياريت الناس دية تتعظ ويعرفوا ان الموت بيجي فجأة ومابيفرقش مابين افقر الناس واغني الناس وساعة مايجي الموت هيقول ياريت اللي جري ماكان
فيااستاذي الفاضل احنا بنتكلم وبنففض مع بعضنا وبننصح بعض مش اكتر من كدة وعارفين ان مفيش حاجة هاتتغير والبلد هاتفضل هيا هيا احنا مش بندعوا لأنقلاب ولاحاجة من الحاجات دية وبعدين دية مش اسمها سياسة البلد دية اسمها فساد في الدين والأخلاق والذمم واتاوة وبلطجة واستغلال منصب وسلطة ونفوذ والكلام دة بيحصل من سنين كتيرة فاتت يمكن قبل ماتولد لحد دلوقتي بتحصل يعني الحال هو الحال مفيش حاجة اتغيرت كل اللي حصل ناس مشيت وناس جت وبيكملوا مسيرة بعض
وهنفضل كدة الي ان يقضي الله امرا كان مفعولا 00000رحماك ياالله 0000ربنا ولا تحمل علينا اصرا كما حملتة علي الذين من قبلنا ربنا ولاتحملنا مالاطاقة لنا بة واعف عنا واغفر لنا وارحمنا انت مولانا فانصرنا علي القوم الظالمين
اللهم أمين