الموضوع: السلام عليكم ياعصابه وحشتونى ممكن سؤال كدا

يا شباب انا النهاردة والدى نزل يجدد رخصة العربية بتاعتى (لانى لسة قاصر 18 سنة وشهرين)والرخصة بتاعت القيادة لسة مابردتش (23/12/2009)
المهم لقى عليها 1600 جنيه مخالفات فى حتت أحنا مش عارفينها(انتظار فى الممنوع - سير عكس الاتجاه)رجع وقالى كدة طبعا انا اتخنقت وقلت يبقى مفيش تظبيط فى العربية دلوقتى
المهم خدت العربية ونزلت بيها على المعهد وانا راجع فى حتة كدة بتاع 30 متر (يعنى حتة صغيرة جدا) لازم تتاخد عكس المهم انا قلت لا لازم امشى قانونى ولاقيت الطريق زحمة مووووت قلت لا مابدهاش اخدها عكس وخلاص
وانا خلاص خصلت الحتة العكس وداخل على الطريق االعمومى واذا بعربية شرطة واتنين كونسطبل جايين ادامى (الطريق اللى انا ماشى فيه عكس هما جايين فى وشى) وشايفنى وانا واخدها عكس وراح واحد من الكونسطبل جرى ورايا المهم أنا عملت عبيط وكملت لقيته راح جاى واقف قدامى
وراح نازل بيقولى هات رخصك قولت ليه قالى هاتها بس قولتله ماشى طلعت الرخصتين ولقيته خدهم وماشى رحت نازل من العربية ورايحله ياباشا (زى محمد هنيدى) المهم قالى تعالى بكرة مرور فيصل طب هات وصلات للرخص قالى لا طب هات رخصة وخد الرخصة التانية ضحك ضحكة خنيقة كدة وقالى لا انت ملكش وصلات ولا ليك اى حاجة طبعا بعد زعيق وعايز اديله فلوس(ادفع المخالفة لو فورية) عشان اخلص الموضوع المهم قالى لا رحت واخد بعضى وماشى واتصلت بوالدى وقلت له المهم على ماروحت لقيته بيتصل بواحد صاحبه بيقولو احمد اتمسك مخالفة سير عكس والرخصتين اتسحبوا قالة هحاول اشوف الموضوع واكلمك (الموضوع دة كان الساعة 10.45 دقيقة صباحا) ووالدى على اتصال مع صاحبه (والساعة 2.30 قالو الرخصتين معايا وهجيبهم لك بالليل) طبعا انا فرحت جدا فمن شوية جاب الرخصتين وبيقول لوالدى (كانت هتتعمل مخالفة سير عكس الاتجاه بس لحقنا الموقف فوالدى بيساله على المخالفة دى بكام قاله 1200 جنيه) طبعا والدى شكره جدا وصاحبه قاله ابقى خلى احمد يمشى ملتزم شوية وبلاش لعب الشباب دة (والله انا مش بحب العب بالعربية ولا غيره الا لو واحد جر شكلى بس والسرعة كمان مش اوى اخرى 120 مش بزود عن كدة ) والحمد لله الموضوع خلص
معلش انا طولت عليكم بس انا من ساعتها وانا فرحان جدا الرخص رجعت تانى للمحفظة