محتاج اعرف تاثير بنزين 80 على سيارة نيو اكسنت 2010
محتاج اعرف تاثير بنزين 80 على سيارة نيو اكسنت 2010
يا راجل حرام عليك ....
حتكركر
اقولك انا حيحصل ايه وتخيل بجد
عارف لما الواحد بيشرب ميه صرف صحى حيحصله ايه !!!!
هتكركر وسحبها يقل وتلف الرشاشات على المدى البعيد
طب لو عملت خليط من بنزين 80 وبنزين 92 يكون كويس
او يكون احسن لو حولت السيارة لغاز
بس تكلفتة غالية اوى عليا وانا مشاويرى كتيرة اوى
ازاى مش فاهم
واكون جايب سرعة الفتيس على كام
ممكن ايميل حضرتك علشان استعلم منك على حاجات خاصة بالعربية
بجد السرعه لما تثبتها على 90 فى طريق سقر او مساقه كبيره والله الاستهلاك هيتغير 360 درجه هتلاقى العربيه بتعمل معاك الضعف فى الصفحيه بدون مبالغه وربنا يعينك
وبالنسبه لموضوع 80 ده بلاش منه خالص وراى لو قفلت معاك خالص خليها غاز احسن
بص يا باشا البنزين ال 80 دة هيبوظلك العربية و هتلاقي العربية استهلاكها الضعف يعني كأنك ما عملتش حاجة غير انك بوظت العربية بس
انت تمون 92 مش 90 عشان ال 92 هيتحرق اقل منم 90 و دة عن تجربة لان كل ما الاوكتان بيهعلى العربية بتبقى مستريحة و اقل دوسة بنزين تحركها كويسلكن ال 90 هيخليها تبقى تقيلة شوية و فيها سنة كركرة دة بتعمل هدر في البنزين
انا مجرب الموضوع عندي في الالنترا و حرمت احط 90 دة تاني و كانت التفويلة بفضل 600 كيلو ال 90 عمل معايا 450 تخيل
تاني حاجة خلى ضغط الاطارات مثلا على30 او 32 على حسب ما هو مكتوب عند باب السواق
تالت حاجة هنمسي دايما على الخامس و مش هنجري بالعربية كتير يعني مثلا تثبت رجلك على 90
او في منزل او منحدر تمور العربية و تسيبها تمشي لوحدها
يعني من الاخر حاول تقلل من دوسك على البنزين و اعمل حسابك ان كل دوسة بفلوس
و لو انت واقف في الزحمة و شايف انك هتقف اكثر من 7 ثواني تبطل العربية لان البنزين المستهلك من دوارة العربية =وقوف 7 ثواني
و لما الاشارة تفتح دوس بالراحة على البنزين ما تنطلقش مرة واحدة
امشي دايما ورا التريلات عشان دة بيقلل مقاومة الهوا بس دة لو قلبك جامد
و اخر حاجة طبعا تمون من بنزينة نضيفة عشان البنزين المغشوش كتير
مع تحياتي
د/عبدالرحمن محمد
;كنت عايز اعرف لو حولت نيو اكسنت 2010 لغاز
بص يا باشا انا روحت المنصورة من كام يوم وركبت مع سائق تاكسي راكب نيو اكسنت فسألتة علي اداء العربية علي اساس انة اكتر واحد بيمشي بيها قالي العربية موديل 2008 والله اكبر عاملة 175 الف كيلو ومشيها ببنزين 80 هو كان بيحط 92 في الاول وبعدين قلب 80 وقالي السحب معاة كويس والعربية زي الفل بس هو تقريبا لما يمشي جوة البلد بيحط 80 ولما يطلع علي الطريق بيحط 92 بس دة طبعا اختراع وانا منصحكش بية لان التاكسي كدة كدة بخلص علي العربية في 3 او 4 سنين يعني العربية عاملة معها 175 الف في سنتين يبقي فاضل اية
اقلبها غاز اوفر لك على المدى البعيد"
يا جماعة انتم بتتكلموا فى ايه ؟!؟! غاز ايه اللى هيبقى احسن من ال 80 ال 2 هيبهدلوا الموتور
و حضرتك راجع كتالوج عربيتك و شوف اقل بنزين ممكن يتحط
و حضرتك برده لو حطيت 80 العربية مش هتكركر لان اكيد فيها حساس تسقيف بس السحب و الاداء هيقل و الحساس كل شوية هيبعت اشارة للكنترول لظبط درجة الاشعال
مربط الفرس هو انك تحط اقل بنزين بيوصى بيه الكتالوج
انا عايز اى طريقة اوفر بيها فى ثمن البنزين مع شرط الحفاظ على حالة الموتور
معادلة صعبة جدا يا اما تحافظ علي العربيةيا اما تحافظ علي جيبك ما ينفعش الاتنين مع بعض
وانا عايز اعمل زيك !!!!!!!!!!!!!!!!!!!!!!!!!!!
أولاً : حرام عليك
ثانياً: ليه كل التعب ده
ثالثاً : لو بتدور على أقل تكلفة يبقى اشترى دماغك و حول غاز من الاخر
يا جماعه حل موضوع البنزين
اننا نشتري عربيات زي البيكانتو
و العربيات الصغيره دي
مش كده و لا ايه ؟
اولا حرام عليك ثانيا الكتلوج بيقولك اقل بنزين يحافظ علي المتور هوا ٩١ الحل الوحيد النضيف بعها وهات عربيه ١١٠٠ سي سي وهيبقا معاك فلوس كمان هات بكانتو او اي ١٠ الكلام ده من الاخر
ازاى اوفر فى ثمن البنزين
اعمل اية؟
هوة إستهلاك العربية مع حضرتك قد إيه معلش !! يعنى ال 20 لتر بيمشوك كام كيلو ؟؟؟
انا بستهلك داخل البلد فى 100 كيلو حوالى 13 لتر
يعم انا شايف ان الناس ردت عليك رد كويس وبصراحه انت مصر عاللي في دماغك
يا تحطلها بنزين 92 يا تمشي على رجليك اوفرلك لو مش عايز تدفع
ياعم البنزين ال 80 حلو بتمنه كويس والله توفر وتبقى تغير انجكشن بعد 4 سنين شوف هتوفر كام
هو الانجيكشن ثمنة كام
بص يا اكس لانس حرام عليك تحط 80اصل امشى على تعليمات العربيه علشان كده الموتور هيتعب اوى بسب الروسوب بتاع ال80
الموضوع باختصار حسبه بسيطه تركب طياره ولا باخره ولو ركبت تركب درجه اولى ولا تانيه ولا تالته ولا تتشعبط فى اخر القطر وانت معاك تذكره بس مش عارف توصل لدرجه اولى؟؟؟؟
بص يا سيدى تجربه شخصيه عن صديقى وهو حى يرزق ولا ارجحها هو معاه سيراتو 2006 وماشى ببنزين 80 لانه مفلس مفلس وبيقول ان الفرق فى الفلوس التموين مش فارق معاه ان كفاءة الساره لو قلت شويه معاه وانا لا ارجح هذا التصرف
انت صارف 80 الف جنيه ليه عشان تجيب عربيه تريحك وتحسب البنزين الهيونداى كله استهلاكه حلو فى البنزين
التوفير الى انت طالبه ده حاجه بسيطه جدا وتحققه سهل اوى
اولا لازم تكشف على عربيتك لان ممكن يكون فى مشكله فى الرشاشات او شوف سبب لااستهلاك ايه وده لازم يكون فى التوكيل
بعد الكشف ةالتاكد من الاستهلاك التوفير ممكن له طرق كتيره اوى سواء فى القياده او تغيير الفلاتر والعنايه بالسياره والاشياء دى مذكوره بالتفصيل هنا زملائنا هنا قتلو الموضوع ده بحثا وتقدر تستفاد منهم
نصيحه حرام تبعت تجيب 5 كيلو جمبرى جامبو من مطعم 5 ستارز وتروح تقليهم بزيت عربيات اسمع الكلام والا هاتبقى فعلا دفعت كتيير وضيعت الى دفعته عشان حاجه هايفه
ربنا يوفقنا ويوفق الجميع معاك
يا جماعه هو فعلا لو استخدم بنزين 80 هايوفر النصف تقريبا.
مصنعى السيارات بتوصى بالبنزين المستخدم لكى يعطى الموتور اكبر كفاءه واكبر قدره يعنى الهورس باور المكتوب مش هايتحقق من غير اتباع التعليمات.
انا اعلم انه لو مش فارق معاه الشد او السحب للعربيه مع انه مش هايفرق جامد ممكن 80 بس هو هايأثر على الرشاشات ممكن تتسد ويضطر الى فكها وتنظيفها او استبدالها وده طبعا على المدى البعيد.
اما الغاز فهو حامى على العربيه اى انه بيحرق الموتور بسرعه وبعد فتره مش كبيره ممكن تركب طقم شنبر للموتور مع العلم ان الزيت المستخدم للغاز هو زيت مخصوص وغالى.
هذا والله اعلم
عايز كل واحد يقول تجاربة مع بنزين 80 فى سيارة حديثة
باشا انت ممكن تحولها غاز بالقسط واقفسطها بسيطه والله الموفق