اتمني الا تنخفض الجمارك .. بل اتمني ان تزيد قليلا !

**fellacd** · 17-01-2010 02:12 PM

والله لو الجمارك انخفضت

**zoro007** · 17-01-2010 02:13 PM

المفروض البلد تعمر الصحراء زى 6 اكتوبر كدا متعمرت وبقت مدينه جميله علشان تخف الناس وساعتها كل واحد بدل ميبقى عنده عربيه يبقى عنده 10 ويمشى براحته شوف المساحات اللى فى مصر الغير مستخدمه اد ايه كل الناس متجمعه فى القاهره فى خرم ابره

بس احنا دايما يومنا ب 20 الف سنه

**fellacd** · 17-01-2010 02:26 PM

والله لو الجمارك انخفضت هايكون معنى كده إن البلد انصلح حالها وبطلت الجباية اللى شغالة فى الناس عمال على بطال
يعنى يحسبلك جمارك على العربية بتوصل لحد 135% حسب السعة اللترية للعربية
ويرجع يحسبلك ضريبة مبيعات 15% على سعر العربية + الجمارك ... شوفت الحلاوة
وبعدين يضيفلك مش عارف كام فى الميه علشان مش عارف إيه
وبعد كل ده لما تييجى ترخص العربية تدفع ضرائب تانية فى المرور وكأن مفيش ضرائب ولا جمارك ولا حاجة اندفعت قبل كده
وأهو كله من دم المواطن الغلبان
طب كل ده مش بينصرف ليه على تحسين الطرق وخلافه؟؟؟
وبعدين لو العربيات رخصت هتلاقى كل العربيات القديمة اللى بتتعطل فى الطريق وتسبب التلوث وبتعمل مشاكل هتلاقى كل العربيات دى اختفت وبالتالى هتقل الأزمة
مش كده وبس .. لو المواطن ركب عربية محترمة جديدة أكيد سلوكه هايتغير وهايخاف يتصرف أى تصرف مخالف حفاظا على سلامة عربيته الجديدة الحلوة اللى فرحان بيها غير صاحب العربية القديمة اللى مش فارقه معاه حتى لو اتخبطت ألف خبطة
كمان دايما اللى بيجيب عربية جديدة بيكون دايما إيده فيها .. يعنى أى عطل بيصلحه وأى مشكلة بيحلها .. غير صاحب العربية القديمة
لكن هو قدرنا كده اللى خلى الدول اللى كانت بتركب جمال وحمير عندها احدث الموديلات بأرخص الأسعار من غير جمارك ولا يحزنون .. وإحنا بلد الحضارة .. "حضارة سبع تلاف سنة زى ما بيقولوا" مش قادرين حتى نركب حمير ولا جمال .. لأن سعرهم بقى فوق طاقة المواطن العادى .. وتقولى نفسك الجمارك تزيد ... علشان أسعار كل حاجة تزييييد تااانى !!!
الرحمة يا عاااالم ... الرحمة يا خلق ... الرحمة يا ناااااااااس ... نفوووووخى

**Hegazio** · 17-01-2010 02:30 PM

مصلحة الجميع فوق مصلحة الفرد
يعني أنا مش فاهم .. ايه اللي حيكسبه اللي راكب اوتوبيس ماشي بالعافية انه يركب التوك توك و يفضل واقف في مكانه ؟ !!!
ده مش تفكير اناني اطلاقا .. بدليل انه فيه ناس معاها عربيات لما بتنزل وسط البلد بتركب مواصلات .. يسهل علي نفسه و علي غيره !!
ده اللي انتو بتقولوه ده هو قمة الانانية ( و انا مالي .0. هو ماليش نفس اركب عربية انا كمان ) .. مصلحة الجميع فوق مصلحة الفرد
ياريت ناخد من الصين عبرة .. السيارات رفاهية لا يتحمل ضريبتها اغلب الشعب و راكبين بسكلتات
بل الأبناء فوق طفل واحد رفاهية أيضا .. لأن مصلحة الجميع فوق مصلحة الفرد

**Ahmed Nouh** · 17-01-2010 02:58 PM

المشاركة الأصلية كتبت بواسطة hegazio

مصلحة الجميع فوق مصلحة الفرد
يعني أنا مش فاهم .. ايه اللي حيكسبه اللي راكب اوتوبيس ماشي بالعافية انه يركب التوك توك و يفضل واقف في مكانه ؟ !!!
ده مش تفكير اناني اطلاقا .. بدليل انه فيه ناس معاها عربيات لما بتنزل وسط البلد بتركب مواصلات .. يسهل علي نفسه و علي غيره !!
ده اللي انتو بتقولوه ده هو قمة الانانية ( و انا مالي .0. هو ماليش نفس اركب عربية انا كمان ) .. مصلحة الجميع فوق مصلحة الفرد
ياريت ناخد من الصين عبرة .. السيارات رفاهية لا يتحمل ضريبتها اغلب الشعب و راكبين بسكلتات
بل الأبناء فوق طفل واحد رفاهية أيضا .. لأن مصلحة الجميع فوق مصلحة الفرد

طيب ليه حضرتك مبعتش عربيتك فى سبيل ان الشوارع تبقى فاضيه ؟

هو نفس السبب انك عايز تركب عربيه وتريح نفسك وهو برده السبب اللى من حق كل مواطن ولو قولنا مصلحه الجميع فوق مصلحه الفرد يبقى احنا بنقول ان الجميع ده اللى هى الطبقه اللى معاهم فلوس والفرد دى اللى هو اللى مش معاه وده يعيش زى ما يعيش ان شاء الله عنه ما عاش المهم الشوارع تبقى فاضيه لصفوه الشعب وده تفكير عنصرى

زى ما انا مستمتع بركوب عربيه من حق اى حد كمان يركب هو مش اقل منى فى حاجه

لو هنفكر كدا يبقى الضرايب على العربيات ترتفع لحد يصل الى ان اللى راكب عربيه ده يبقى فوق الطبقه المتوسطه وكدا الشوارع فعلا هتفضى ويبقى العربيات على قد اصحاب الفيلات والمناصب العليا فقط وبدل ما نبقى بنتقدم نبقى بنتأخر والمواصلات تتزحم اكتر والبلد بدل ما هى زحمه ملاكى تبقى زحمه اجره

الحل وسائل مواصلات ادميه توفر لأى حد انتقال كريم بدون بهدله وساعتها نقول للى راكب عربيه فشخره ادفع يا حلو دم قلبك تراخيص زى ما بيحصل فى اوروبا

والحل برده فى التخطيط لأن فعلا لو كل المصالح الحكوميه طلعت برا القاهره والشركات اتنقلت كلها فى مدن برا التكدسات السكنيه كل اللى ساكن فى القاهره بغرض الوظيفه هيخرج وكل اللى جاى مصر كل يوم بغرض تخليص مصلحه مش هيجى وهتتفك الازمه

اتمنى الجمارك تتشال واتمنى الطرق تتحسن واتمنى التخطيط يتطور

**dode2002** · 17-01-2010 03:23 PM

المشاركة الأصلية كتبت بواسطة hegazio

تصدقو بقي .. مش نظرة طبقية ولا حاجة و الله .. بس انا مقتنع بموضوع الجمارك.. و مش عاوز الجمارك تنزل
و لما شفت في ملحق الاهرام اعلان ليه تركب توك توك لما ممكن تركب دي ب 17500 جنيه
تخيـــلو
دلوقتي انا ماشي بالعربية وسط الزحمة و العربيات التانية و الاوتوبيسات و الميكروباسات .. لا أنا عارف أمشي .. ولا الاوتوبيس .. و لا الميكروباص
تخيلو بقي لو فيه 20 - 30 واحد من اللي راكبين الأوتوبيس و الميكروباس قدرو يشترو عربيات و أشباه التوك توك ابو 17000 جنيه ( ممكن يبقي مستعمل بعد كده ب 7000 ) .. حنمشي ازاي ؟!!!
لا أنا ولا هو ولا الاوتوبيس حنعرف نمشي ..
انا شايف انه لغاية لما البلد شوارعها تنصلح .. يبقي بلاش عربيات تحت ال 40000
و مش عاوز حد يزعل مني

انا معاك قلبا وقالبا بس بشرط يتم توجيه الجمارك كلها الي اعادة تخطيط المدن وتنظيم المرور وهيكله الشوارع واعادة الرصف والتوسع وبعد ان يتم ذلك وفي غضون خمس سنوات ليس اكثر يتم الغاء الجمارك نهائيا
هو ده الحل من وجهة نظري

**Morieno** · 17-01-2010 03:25 PM

المشاركة الأصلية كتبت بواسطة hegazio

مصلحة الجميع فوق مصلحة الفرد
يعني أنا مش فاهم .. ايه اللي حيكسبه اللي راكب اوتوبيس ماشي بالعافية انه يركب التوك توك و يفضل واقف في مكانه ؟ !!!
ده مش تفكير اناني اطلاقا .. بدليل انه فيه ناس معاها عربيات لما بتنزل وسط البلد بتركب مواصلات .. يسهل علي نفسه و علي غيره !!
ده اللي انتو بتقولوه ده هو قمة الانانية ( و انا مالي .0. هو ماليش نفس اركب عربية انا كمان ) .. مصلحة الجميع فوق مصلحة الفرد
ياريت ناخد من الصين عبرة .. السيارات رفاهية لا يتحمل ضريبتها اغلب الشعب و راكبين بسكلتات
بل الأبناء فوق طفل واحد رفاهية أيضا .. لأن مصلحة الجميع فوق مصلحة الفرد

طبعا اللى مايعرفش يقول عدس ..... حضرتك لو كنت بتعانى فى المواصلات مكنتش قلت مصلحة الفرد ومصلحة الجماعه

الاستاذ اللى قال ان رفع الجمارك .. او بلاش الامل فى موضوع الجمارك دا .... خلينا نقول تخفيض الاسعار ..... تخفيض الاسعار هيعمل حراك فى مستوى العربيات ... وبالتالى هنخلص من الحطام اللى فى الشوارع.... ومش هيبقى مشكله زى ما انت متخيل

وبدل ما ناخد العبره من الصين احنا نشوف الناس اللى عندها عربيتين وتلاته ... نشوف فيهم حل عشن نحل المشكله

الحل المنطقى والعادل .... على نفس طريق الجمارك والاسعار ...... هوا كالتالى
- تخفيض اسعار السيارات الصغيره والاقتصاديه لتكون فى متناول الجميع
- رفع اسعار السيارات الفارهه والفئات اللى اعلى من 1300 سى سى بنسبت تتراوح ما بين 200% : 700% بالاضافه الى ان اللى معاه عربيتين يدفع ضريبة تصل 500% من ضريبة العبيه الاغلى...يعنى لو عندك عربيتين يشوفو انه ضريبة اعلى ويدفعوك ان شاء الله خمس مرات قد ضريبتها ولو العربيه التانيه ملك حد من الاسره مش ملك نفس الشخص تبقى الضريبه 300% من قيمة ضريبة العربيه الاعلى .... دا طبعا بعد رفع كل الضرايب على العربيات اللى تم رفع سعرها فى الاول. ...والله الموفق

ممكن حد يقلى انت بتظلم الاغنيه انت مش عارف ايه .... وحد تانى يقولى مش لازم تبقى غنى عشان يبقى عندى عربيتين ..... معنديش حاجه اقولها غير ان ... اللى ما اتشعبطش فى الاتوبيس مايعرفش يعنى ايه مواصلات ..... وحمارتك العرجع تغنيك عن سؤال اللئيم

ودمتم ذى الفل

**aelhossan** · 17-01-2010 03:31 PM

الزحمه ليها حلول تانيه كتير
بس الغلاء مالوش حل تاني
وبعدين ماتنساش انو في ناس مقتدرين معاهم بدل العربيه اربعه
يعني ممكن تلاقي عشرة افراد في اسره علي قد حلها بتستعمل عربيه واحده
علي النقيض اسره مقتدره من اربعة افراد بتستعمل اربع عربيات

**hobiko** · 17-01-2010 03:49 PM

المشاركة الأصلية كتبت بواسطة ahmed0nouh

هتلاقى اجمد الناس قلب فى السواقه اللى معاهم عربيات قديمه

وهتلاقى اكتر الاماكن زحاما اللى فيها عربيات قديمه بسبب الاعطال وخلافه , الحل هو نظام جديد كليا

العربيه يبقى ليها عمر برضا صاحبها او غصب عنه هتتكهن بعد الفتره دى او يدفع عليها الضرايب اضعاف مضاعفه لو عايز يحتفظ بيها , كدا البلد كلها اتملت عربيات جديده وخرجنا برا نقطه ان فى ناس بتعطل شويه وخرجنا برده برا عاده بطلجه الصاج

وبعدين بقا يتم حل المشكله الاكبر , التخطيط ثم التخطيط ثم التخطيط

الشوارع مش ضيقه ولا احنا كتير المشكله ان كلنا بنلعب فى حته واحده

المشاركة الأصلية كتبت بواسطة ahmed0nouh

طيب ليه حضرتك مبعتش عربيتك فى سبيل ان الشوارع تبقى فاضيه ؟

هو نفس السبب انك عايز تركب عربيه وتريح نفسك وهو برده السبب اللى من حق كل مواطن ولو قولنا مصلحه الجميع فوق مصلحه الفرد يبقى احنا بنقول ان الجميع ده اللى هى الطبقه اللى معاهم فلوس والفرد دى اللى هو اللى مش معاه وده يعيش زى ما يعيش ان شاء الله عنه ما عاش المهم الشوارع تبقى فاضيه لصفوه الشعب وده تفكير عنصرى

زى ما انا مستمتع بركوب عربيه من حق اى حد كمان يركب هو مش اقل منى فى حاجه

لو هنفكر كدا يبقى الضرايب على العربيات ترتفع لحد يصل الى ان اللى راكب عربيه ده يبقى فوق الطبقه المتوسطه وكدا الشوارع فعلا هتفضى ويبقى العربيات على قد اصحاب الفيلات والمناصب العليا فقط وبدل ما نبقى بنتقدم نبقى بنتأخر والمواصلات تتزحم اكتر والبلد بدل ما هى زحمه ملاكى تبقى زحمه اجره

الحل وسائل مواصلات ادميه توفر لأى حد انتقال كريم بدون بهدله وساعتها نقول للى راكب عربيه فشخره ادفع يا حلو دم قلبك تراخيص زى ما بيحصل فى اوروبا

والحل برده فى التخطيط لأن فعلا لو كل المصالح الحكوميه طلعت برا القاهره والشركات اتنقلت كلها فى مدن برا التكدسات السكنيه كل اللى ساكن فى القاهره بغرض الوظيفه هيخرج وكل اللى جاى مصر كل يوم بغرض تخليص مصلحه مش هيجى وهتتفك الازمه

اتمنى الجمارك تتشال واتمنى الطرق تتحسن واتمنى التخطيط يتطور

أنا موافق حضرتك في حتة إن أكتر السيارات عدم إحترماً لقواعد المرور هي السيارات القديمة و حضرتك لخصت الموضوع بكلمة بلطجة الصاج

أنا مش ببقى الأن و أنا ماشي جمبي عربيات جديدة بس أول مشوف ١٣٢ سبعينات ولا حتة أمريكاني من الستينات ببقى عنية في وسط راسي

الموضوع لازم يكون منظومة متكاملة من طرق كافية لإستيعاب كمية ا لسيارات لقوانين ناصفة و منظمة فعلاً للمرور في مصر حتى لسائقين على مستوى كافي من المهارة و الوعي
ماينفعش أبداً إن احنا نمسك جانب واحد و بس و نؤول هو دة إلي حيحلها

و بعيداً عن أي اعتبارات طبقية الموضوع لازم يكون موزون يعني مش أرخص في أسعار العربيات و في نفس الوقت معملش طرق كفاية

المبدأ اني مش حقدر أمنع حد يشتري عربية ولا اني أغلي سعر ال عربيات عشان أنا مش عارف أعمل طرق جديدة

بس فعلاً السماح بزيادة عدد العربيات بدون مواجهتها بزيادة الطرق و أماكن الإنتظار هو الكارثة