العربية شكلها جميل جدا وامكانياتها جميلة السعر
fsv موديل 2010 مانيوال عادى 1500 سى سى 85.900
مانيوال فول اوبشن 1500 سى سى 89.900
ااتوماتيك 1500 سى سى 101.900
عرض للطباعة
العربية شكلها جميل جدا وامكانياتها جميلة السعر
fsv موديل 2010 مانيوال عادى 1500 سى سى 85.900
مانيوال فول اوبشن 1500 سى سى 89.900
ااتوماتيك 1500 سى سى 101.900
سياسة بيع غريبة اوي بجد هما كده بالأسعار دي قضوا علي السبليندور !!!!!
أية فرق الكماليت بين الثلاث موديلات ؟
انا اتفرجت علي العربية من برة و هيا فعلا جميلة جدا, بس الاسعار مش جميلة خصوصا الالنترا مانيول بقت ب 89900جـ.
و النيسان الصنى المانيول + ايه بى اس ب 86500
عربية جميلة بس بجد غالية اوى
الأسعار غريبة شوية !! ولا أنا بيتهيألي .. يا ريت توضيح لإمكانيات العربية وكمالياتها .. وخصوصاً أنها 1500 سي سي
الاسعار مبالغ فيها جدا
علي ما شوفت ال fsv اعلي من السبلندور و اوسع داخليا واخدة نفس حجم ال frv
مع احترامي للماركة بس سعرها مبالغ في اوي يعني اشتري يابان او كوري بالثمن ده وقطع غيار ارخص وسعر اعادة بيع اعلي صح
اعتقد ان السعرده سيعاد تقييمه
لأنه غير منطقى بالمرة
بجد غالية اوى
علي فكرة انا عندي frv و مقتنع بيها تماما بس دة رأي في بافاريا التوكيل الذكي جدا:
شركة غبور كانت في نفس الوضع تقريبا سنة 94 لما نزلوا الهيونداي و الناس مكنتش مقتنعة بيها بس نزلوا عربية 1500cc full option اكسل و كانت تقريبا ب50000 ج يعني اقل من الميتسوبيشي ال 1300 الي اقل كتير في الoptions بكتير و الناس اتجننت عليها و نسيوا موضوع الكوري الي كان شبة الصيني وقتها, النتيجة انهم باعوا بالهبل فاصبح سعر اعادة البيع و قطع الغيار ممتاز و الان هيونداي بقيت مكان النصر او الفيات بتاعت زمان, انا شايف ان المفروض يقللوا هامش الربح لحد لما يغرقوا السوق و يثبتوا نفسهم في السوق و بعدين يبقوا يرفعوا الاسعار .
استفسار صغير بخصوص السعر
FRV
79000 M/T 1500cc 2010
85100 F/O M/T 1500cc 2010
89900 F/O A/T 1600cc 2009
FSV
83900 M/T 1500cc 2010
89900 F/O M/T 1500cc 2010
98900 F/O A/T 1600cc 2010
(طبقا لأسعار Contactcars)
يعنى الفرق بين الهاتش باك والسيدان حوالى 4000 جنيه ما عدا الــــA/T بس موديل السنه فارق, ليه بتقولوا عليها غاليه و مبالغ في ثمنها قوى ؟؟
ارجوا التوضيح و الأفاده و جزاكم الله خير
بالله عليكوا لو معاك 100000 جنيه
هتجيب الصني مثلا و لا هتجيب العربيه دي
انا مبعيبش في العربيه انا بعيب في سياسه التسعير
بصراحه سعرها غااااااااااااااااااااااال ي جدا ومبالغ فيها ....
على فكره انا عايز اقول حاجه بس من غير محدش يزعل او يفهم كلامى غلط
العربيات البرليانس اتباعت و بتمن مبالغ فيه علشان هى تحت رعايه البافاريه ليس اكتر يعنى هى مش عربيات خرافه ولا وهم بالعكس فى ناس كتير اشتكت منها و فى عربيات تانيه كتير احسن و بنفس السعر و ممكن اقل كمان و فى عربيات صينى تانيه افضل منها بس للأسف مش واخده حقها و بصراحه لو كانت البرليانس نزله لوحدها زى باقى العربيات الصينى يعنى من غير البافاريه مكنتش هتنتشر, على فكره انا والدى كان عايز يشترى اسبلندور و انا كنت من اشد المعارضين (علشان كان لينا تجربه انا و اخويا مع عربيه جيلى فروته ) و بصراحه انا كنت مستحرم فيها ال 100,000 و كنت مصمم انه ميجبهاش و شفنا عربيات كتير احسن منها بس هو كانت عجباه الأسبلندور جدا و رحنا عبد الهادى اوتومتيف و شفناها و رغم من بعض العيوب الظاهره و الواضحه كان مقتنع بيها بس الحمد لله مجبهاش و السبب هو الشنطه بتاعتها هى كبيره جدا بس دخول صعب عكس الجالينا و رحنا المصريه و شفنا عربيات تانيه و بردوا لما شاف الأسبلندور رجع فى كلامه و قال هاشتريها على فكره هى شكلها مبهر بس مش اكتر و واحد فالمصريه قاله ان فى ناس كتير جابت العربيات البرليانس علشان يبقوا مع اصحاب ال bmw فقط
يعنى من الأخر كده حلم ال bmw ضاع فا نلحق اللى فاضل منه و فى ناس فاكره ان برليانس هى bmw فالصين
بصراحة أنا شايف ان عربية زي الجالك b15 لا تقل عن fsv بل ممكن أفضل في التصميم ونفس الامكانيات تقريبا وب 70 ألف جنيه
والقريبه منها اسبرانزا m11 ودي توكيلها معروف ومشهور وب 75 ألف
وعندك ال BYD f3 متجربة وكله بيشكر فيها وان كان عيبها توكيلها وعامله 67 ألف بعد ماكانت 63 ألف للتجميع المصري بس كانت بحوالي 73 لما كانت مستوردة كامله من الصين
انا اتفق معاك 100%, فعلا فى عربيات كتير افضل من البرليانس عموما او حتى فى نفس المستوى و ارخص
بس انا مازلت مش فاهم ليه حضرتكم معترضين على تمن الـــfsv على الرغم ان الفرق بنها و بين الـــ frv كام الف بس مش اكتر, يعنى كان من باب اولى تعترضوا على الــ frv و فى حاجه تانيه الـ fsv هى الــ splendor , فالأعلان كان مكتوب splendor frv hatchback طبعا دى الــ frv وsplendor frv seden و دى الــ fsv, يعنى الــ fsv هى splendor و نازله ارخص و كمان لسه عارضين splendor للبيع و اللى مش مصدق يدخل على كونتك و يشوف الأسبلندور 2009 فقط, يبقى لو انتوا موافقين على الأسبلندور 2009 ب 99.900 يعنى 100.000 يبقى ازاى معترضين على الـــ fsv اللى هى 2010 شكل افضل بمراحل و تلافى مشكله الشنطه و تكنولوجيا افضل ؟؟!!
و كمان انتوا ناسين الجالينا تمنها مبالغ فيه قوى كانت نازله زمان (قبل التخفيض) بــ 145 و 155 و 165 و حاليا 134.900 و 146.900 و 152.900, تمن سوناتا و اوكتافيا و فيكترا و سيفيك و كرولا و عربيات كتير انا شايف انها افضل من الجالينا
على فكره انا مش ضد البرليانس بس انا شايف ان تمنها مبالغ فيه
انا عن نفسى ولله الحمد ركبت كل العربيات الى انتوا بتتكلموا عنها ديه ومالاقيتش ثبات احسن من ال frv فى العربيات الى واخده نفس الفئة السعرية ديه
وانا عن نفسى مقتنع والحمد لله بيها وربنا يباركلى ويبارك لكل مالكيها فيها
وبالنسبة للسعر انا شايف بالنسبة للامكانيات الى فيها هيا الافضل
وانا مش فاهم ازاى الناس تقارن مابين الfrv vs. m11
ديه عربية ريضية وديه سيارة عائلية
وبعدين لوهنقارن هنلاقى الsrperanza موتور شيرى
الfrv ميتسوبيشى لانسر بومة 2008
وداه غير المميزات الكتيرة الى فى البريلينس
اكيد موتور لانسر بومه ؟؟؟
انا لما شفتها فالمعرض كان مكتوب عليها mitsubishi tech يعنى تكنولوجيا و تحت اشراف منهم فقط (لو انا غلطان ياريت حد يقولى علشان استفاد)(البومه 1300 و 1600 اما الــfrv فــ 1500 و 1600 يبقى ازاى نفس الموتور ؟؟؟!!!)
و بعدين ال frv تبدا من 79.000 M/T و 89900 A/T و الـــ cross over ب 85100
يعنى بتمن نيو اكسنت مثلا او اى بروتون (جين 2 ساجا برسونا واجا ) و فى عربيات تانيه كتير فى نفس الفئه السعريه دى و ممكن تكون افضل اما بخصوص الــــ m11 فهى شبابيه و تمشى عائليه و ده ميزه طبعا و واخده 5/5 فى اختبارات الأمان و كل ده بــ 74900
و انا عايز اقول انى مش ضد البرليانس عموما بس انا شايف ان تمانها مبالغ فيه و واخده اكتر من حقاها, وفالنهايه ربنا يبارك لكل اللى اشتروها و يحفظهالهم
I pay more money and get the brilliance and not pay less and buy speranza
Bavaria is a good dealer than speranza dealer
بص يا باشا ميتسوبيشي ليها مصنع محركات في الصين و من خلال المصنع دة بينتج محركات كثير من العربيات الصيني امثال " البريليانس بانوعها, BYD F3,Zotee Explosion, Spranza A520,lioncel
ثانيا في محركات 1500cc بتنزل في اللانسر من وقت البومة و الكريستالة و البطة و طبعا الشارك بس مبتداش ينزلوها مصر غير في الشارك.
ثالثا الfsv مش هيا السبليندور ,روح اتفرج علي الاثنين في معرض و اطلب كتالوجاتهم هتلاقيهم مختلفين تماما.
رابعا حلم bmw اية الضاع فالناس بتجيب بريليانس علشان تبقي مع بتوع ال bmw؟؟؟؟
كل الناس الي بتفهم في العربيات عارفة ان brilliance ماركة صيني يعني مش bmw وموضوع انها مملوكة لبافاريا دة طبعا عامل اساسي علشان شركة ليها اسم كبير فطبيعي تخاف علية .
في حاجة مستغرب منها جدا خصوصا ان الموضوع دة متكرر في جميع الاقسام مش بس البريليانس و لا بس الصيني. تلاقي ناس داخلة تعيب في عربيات عمرها ما جربتها و لاركبتها و الي يقول دية مجرد شكل, و دية واخدة اكثر من حقها و دية عربية سيئة جدا و ..... طب يا أخي انت مجربتهاش علشان تقدر تحكم. يقولك دة رأي الشخصي و كل واحد حر في رأية.
طبعا كل واحد حر في رأية بس لازم رأية دة يكون مبني علي اساس مش اي كلام و السلام يعني ممكن تقول شكل العربية و خاماتها حلوة او وحشة لما مجرد تتفرج عليها .
بس علشان تتكلم في الاداء لازم تكون علي الاقل جربتها و علشان تدخل العربية في مقارنة مع عربية تاني لازم تكون علي الاقل ركبت الاثنين.
انا بصراحة مش فاهم الي بيعيب في العربيات بدون اساس مبني علي تجربة بيكون مجرد علشان يقول للناس انتوا اضحك عليكوا و اشتريتو عربية زبيلة و طبعا الجملة الشهيرة في الاخر "ربنا يبارك لكو فيها" و لا دة مجرد تسرع في الرأي و لا اية ؟؟؟؟؟
أرجو ان محدش يزعل من كلامي بس هيا فعلا حاجة غريبة جدا!
اولا انا شاكر ليك على توضيح معلومه الـ 1500
ثانيا انا مدخلتش اعيب فالعربيه و لا قلت عليها انها عربيه ... زى ما حضرتك قلت ولا انها سيئه و لا قلت ان اللى اشتراها اضحك عليه فيها و لا اى حاجه من اللى حضرتك قلتها , انا كل اللى قلته ان تمانها مبالغ فيه و المفروض تكون ارخص من كده مقارنه بعربيات كتير مش بس صينى لا كورى ماليزى و ..... و مش انا بس اللى بقول كده
و انا لما قلت ربنا يبارك فيها دا علشان انا عارف ان كل واحد اشترى عربيه فهو تعب على مجمع تمنها, هو علشان انا ممكن اكون مختلف مع حد على حاجه مش المفروض اقوله ربنا يبارك فيها او ربنا يعطيك خيرها و يكفيك شرها ؟؟!! فكلامى واضح و مش معناه اى حاجه تانى و انا مش متعود انى اقل لحد جبت ليه او مجبتش ليه (كل واحد حر) انا كل اللى عايزه هو النقاش المفيد و علشان لو حد خد رأى فالعربيه اقدر افيده, لكن انا مش بقول اى كلام ( و لو تلاحظ ان كاتب قبل كده ان والدى كان عايز يشترى splendor يعنى سألنا و عرفنا و فكرنا و انا مكنتش مقتنع بس بردوا كنت بسأل الناس اللى جربتها علشان اجيب المعلومه الصح و تابعت مواضيع هنا زى موضوع السنتر اللى قفل و المفتاح فالعربيه و موضوعات كتير و جبت صور و كتالوجات و كل حاجه عن العربيه و انا كمان رحت شفت ال frv اول مانزلت و فكرت فيها بس بردوا التمن انا شفته غالى و ممكن تكون ارخص من كده غير ان كان لسه فى انتظار طويل و كل واحد حاجز بتمن و قت الأستلام يطلع تمن تانى و زياده اسعارها كل شويه و بخصوص ان الfsv مش هى ال splendor فانا عارف الفرق فالشكل كويس قوى بس مش انا اللى قلت ان الــ splendor هى الــ FSV دا كان اعلان فالأهرام و مكتوب بالظبط splendor frv و splendor fsv
اما بخصوص الكلام بتاع الــBMW فانا كاتب ان ده اللى اتقال فالمصريه بس مش اكتر و مش اقتناعى الشخصى لان ابسط مثال والدى كان عايز يجيب splendor و عمره ما فكر فموضوع الــBmw
يا ريت تكون فاهم وجهه نظرى و انا بجد ملاحظ الموضوع اللى حضرتك قلته بتاع الهجوم على اى عربيه بس بردوا مش كل واحد يقول حاجه عن عربيه يكون الرد انه بيفتى او عايز يطلع الناس كلها غلط و هو بس الصح
شكرا علي رضك الجميل. و ارجوا انك متكونش زعلت من كلامي و عايز اوضح ان كلامي لحضرتك هو فقط الي كان في الرد علي موضوعك بس الرد التاني دة بتاع الهجوم علي العربيات بدون تجربة دة بامانة مجرد تعليق بصفة عامة علي الحوارات الي بنشوفها هنا و في جميع الاقسام تلاقي الناس عمالة تجادل بدون سبب و لا هدف واضح!!!
حد يقول للبفارية كفاية نصب وسرقة فى تسعير عربيتها