مساعده من الناس الجامده اللى بتفهم في الكهرباء و المحركات

**Hossam.Hamdy** · 13-12-2007 12:29 AM

انا معايا فيرنا 1500 سي سي 2006
أولا عايز أعرف ايه ممكن يزود من سحب و جرى العربيه غير البوجيهات والفيلتر؟
ثانيا وده الاهم:
انا لما جيت اشترى الفيرنا مكانش فيه غير ال1500 فاضيه بدون زجاج كهرباء وكان لازم استنى 6 شهور عشان الكامله تنزل بس جبت الفاضيه بدون زجاج كهرباء
حاليا انا عايز اركب زجاج كهرباء بامكن الاصلى بتاعها و هجيب دواخل ابواب بتاعتها.
المهم بقي فين ممكن اجد الدواخل ده تكون نضيفه و بسعر حنين؟
والاهم جدا هل تركيب الزجاج ده فيه لعب في الدفيره بتاعت الكار؟؟؟
في واحد قالى مش هيتلعب فيها و بيجيب دفيرة زجاج كهرباء بيزصلها بالضفيره بتاعت الكار هل الكلام ده مضبوط ولا ايه النظام؟
عشان مش عايز ألعب في العربيه .

**badblood** · 13-12-2007 12:47 AM

اولا عشان تزود من قوة العربيه وعزمعها وسحبها الهورس باور (عير الفلتر والبوجيهات)
turbo
Exhaust Systems

**Hossam.Hamdy** · 13-12-2007 12:56 AM

انا مركب بوجيهات سبليت فاير و فيلتر هواء؟ياريت توضحولى فين اعمل الحاجات اللى ممكن تزود الهورس باور و في حدود كام

**MMamdouh** · 13-12-2007 11:18 AM

الضفيرة و فرش الابواب و ماكينات الزجاج الكهرباء فى الحرفيين

MMamdouh

**Xpert** · 13-12-2007 11:48 AM

هاتجيب المكن الزجاج من الحرفيين .. هاتلاقي نفس الفيرنا بتاعتك بس اسمها اكسنت بره .. و موجود منها برضه عادي ... هاتشوف واحد يبيعلك مكن الزجاج و حاول تاخد الدفيره و كل اللي في الباب ..
و تروح لكهربائي نضيف يركبهملك

**Xpert** · 17-12-2007 10:05 PM

اللي انا اعرفه ؟ اسمع عنه بمعني اصح .. يقولك انزل شارع دمشق و هاتلاقي هناك .. فين بقي شارع دمشق ده حتي ماعرفش
:d

**Hossam.Hamdy** · 18-12-2007 01:17 AM

موجوده عند ابراهيم بتاع الاستيكر مشهور جدا هناك ب 160 أمريكى

**badblood** · 18-12-2007 01:53 AM

البوجيهات (split fire) عند رشاد امبابي في المعادي
وبــــ 240 حم

**bimmeraddict** · 18-12-2007 09:58 AM

موجودة في شارع دمشق عند واحد مشهور بس مش فاكر اسمة جنب الهلباوي بتاع البي ام.
الاسبليت فاير بيقرق في الأداء في سيارات وفي سيارات مبيفرقش فيها من السيارات الي بيعمل فيها أداء جامد هيونداي أكسنت بس لازم تغير أسلاك البوجيهات بأسلاك أعلي