الموضوع: هل لازم بنزين 95 للعربيه البرافو

المشاركة الأصلية كتبت بواسطة bigwarrior

كنت عاوز اعرف هل لازم بنزين 95 للعربيه البرافو
وطبعا ده غير متوفر في محافظه زي بني سويف علشان ال92 موجود بس في كام بنزينه
وهل العربيه وطيه فعلا على الارض يعني اي مطب لازم تحك فيه
علشان بصراحه ناوي على فيات مانيوال ياام اللينيا اعلى فئه او الجراند اعلى فئه ال5باب او البرافو ال120 خلال المعرض بتاع فورميلا الاهرام فبشوف ايه وحده انسب

اولا فيات مش مشاركة فى معرض الاهرام القادم
ثانيا البرافو او اللينيا ال120 حصان يمشوا ببنزين 92 عادى مافيش مشاكل ومعانا العضو احمد يوكو نقل تجربته مع استخدام البنزين، وطبعا اللينيا والبرافو موتور واحد

http://www.nilemotors.net/Nile/107826-t-jet.html

ثالثا البرافو ال120 حصان اوتو بس ومافيش منها مانيوال، النسخة المانيوال 150حصان ودى ب175 الف.

المشاركة الأصلية كتبت بواسطة bigwarrior

ده اوحش خبر عرفته ان فيات مش هتشارك في المعرض طب ممكن اعرف السبب لان كده حسيت ان في مشاكل في اوماترا ولا ايه
ثانيا انت متاكد ان المانيوال في اللي ب175 الف بس
ثالثا هل اللينا وطيه على الارض وهل فيها بارك سينسور وكام خزان الوقود بتعها في الفئه الاعلى المانيوال واسف جدا للاطاله ولكم جزيل الشكر

ما شاركوش فى المعرض عشان مش عندهم جديد والبونتو الايفو الجديدة ها تيجى فى فبراير وها يعملوا ليها event كويس ان شاء الله
مشاكل اوماترا ان وجدت هانكون فى الدعاية لكن خدمة ما بعد البيع كويسة ومش فيها مشاكل.
ايوه يا فندم متأكد ان البرافو مش فيها مانيوال غير ال 150 حصان بس الاوتو فيها مود مانيوال وفيه شيفتات فى الدركسيون

تنك اللينيا اعتقد حاجة وخمسين والبرافو 58 ليتر وتنك البنزين مش يفرق ما بين الفئات

اللينيا مش واطية خالص ومش فيها بارك سينسور بس انت ممكن تشترى البارك من بره الاصلى وتركبه فى التوكيل

المشاركة الأصلية كتبت بواسطة ayman2

+1
وبالنسبه لتنك اللينيا فهو 45 لتر و حساس الركن انا سئلتهم من فتره فى التوكيل ورفضوا الفكره من أساسها يمكن أحاول معاهم تانى

تم الاتفاق معاهم ان ممكن يتركب بس الكلام ده ودى مش رسمى

بس المهم يكون الاصلى والاصلى بتاعها من شركة اسمها Magnetti Marelli

Safety Products | Magneti Marelli

ودى هى الشركة الرسمية اللى بتنزل كل حاجة الفيات هى وبوش

تصفح كده ها تلاقى حاجات كتيرة اوى عندهم.

المشاركة الأصلية كتبت بواسطة ayman2

وده بيتباع فى مصر او انت بتشتريه من التوكيل وثمنه كام وكمان فى التوكيل كانوا بيخافوا يقربوا من الضفيره

مش عارف هما بيبيعوه فى التوكيل ولا لأ بس هما كانوا رافضين وفى واحد قالى ممكن بس الاصلى وهو اللى ادانى السايت ده.

التوكيل كلمك عشان الHealth care؟