أفضل محطة بنزين

**sherif_84** · 13-12-2007 07:37 PM

موبيل بنزيهم كويس
لكن التعاون بيحطوا ميه بدل البنزين
أنا جربت الاتنين

**اسلام المصرى** · 13-12-2007 08:08 PM

شكرا جزيلا على الموضوع فكرة رائعة :)
جزاك الله خيرا و ربنا يكفيك شر الطريق. أنا أخترت أمارات مصر اللى عند بوابات مصر الأسكندرية الصحراوى أكتر تفويلة بتقعد معايا و أحسن أداء للسيارة و الخدمة هناك ممتازة ناس محترمة جدا و مساحة المحطة كبيرة جدا مش ذى المحطات التانيه صغيرة لا تسع لعدد كبير من السيارات و بالتالى خدمه بطيئه , يتم تنظيف الزجاج مجانا و الراجل بينظف الزجاج و يختفى مش يقعد يبصلك و مستنيك تديله بقشيش! و أنت أساسا لم تطلب تنظيفه أنت يدوبك وقفت بالعربية و هو أصطادك
الصراحه أمارات مصر أفضل المحطات الموجوده و ده عن تجربة و هذا رأى الشخصى أنا بمون 92.
شكرا جزيلا.

**sokasoon** · 13-12-2007 08:32 PM

اولا عاوز اقول حاجة لاحظتها فى الردود بالنسبة للمحطات اللى بتغش والكويسة

ان ممكن يكون فى بنزينين زى بعض كلاهما فى مكان غير الاخر واحدة كويسة ومش بتغش

البنزين وواحدة بتغش البنزين بالتالى ماقدرش احكم على اى بنزينة وماقدرش اقول مثلا بنزينات

موبيل وحشة ولاكن موبيل اللى فى المكان المعين بتاعها لان مش كلهم بيغشو

الحقيقة انا مونت من بنزينة موبيل من قبل اللى فى عين الصيرة والحقيقة بنزينها وحش جدا

وبيخلى العربية تكركر بعديها روحت افول من بنزينة مصر العربية بقت تمام وكويسة ومش بتكركر

بس فيه ملحوظة الناس كلها بتقول ان شيل كويسة وانا مش موافق اننا نعمم اطلاقا لان انا فولت

باردو من شيل اللى فى المقطم وكان بنزينها وحش ووماقعدش خااالص علشان كده ماقدرش اقول

ان كلهم وحشين

**Sharky** · 13-12-2007 10:41 PM

أنا إخترت شل و بزود على إختيارى توتال كمان من المحطات المحترمة جدا فى مصر

**ahmed1981** · 14-12-2007 10:26 PM

كل بنزينة لها إدارة خاصة وليس لأمانتها علاقة بإسمها
لذلك فإن بنزينة وطنية التي تكون الأرض والبنزينة ملك للقوات المسلحة تجدها قمة الأمانة

لكن يظل في النهاية أمانة البنزينة تعتمد على إدارتها وليس إسمها
ولو راجعنا الموضوع التالي:
http://www.nilemotors.net/Nile/showthread.php?t=4973
سنجد أن الحديث بإسم المحطة (شل أو موبيل أو غيرهم .) فيه تناقض واحد يقول موبيل كويسة وواحد يقول حرامية
المهم إن الإثنين صادقين
ولكن يكمن الفرق بينهم في إدارة المحطة فقط

لذلك أنا إخترت:
الجودة ليست مرتبطة بإسم الشركة, وكل محطة لها إدارة مستقلة وجودة مستقلة !!!

**wsamir** · 16-12-2007 10:45 AM

السلام عليكم و رحمة الله
يا جماعة خدو بالكم عشان انا مونت من بنزينة موبيل اللى فى شارع البطل احمد عبد العزيز اتجاة الذهاب الى جامعة الدول و كان البنزين مخلوط بالماء ولاحظت و عامل المحطة بيمون العربية تقطيع فى مسدس البنزين و سالتة طبعا كدب عليا و قالى انا العربية فيها بنزين و انه بيحاول يفولها للاخر عشان كده المسدس يبفصل و لكن بعدين عرفت ان فى حساس للرصاص اللى فى البنزين فى طلمبة البنزين عشان كدة لما يبقى فى اى مادة غريبة بيقطع و اسف للاطالة و لكن حبيت احظر الناس من اللى حصل معايا "حسبنا الله و نعم الوكيل","من غش فليس منا"

**محمدايهاب** · 16-12-2007 11:22 PM

أنا صراحة رأي توتال
أنا حاليا بمول من توتال إلي على كورنيش المعادي و اخر مرة مولت 95 البنزين مش عاوز يخلص و الله أنا مستغرب
كمان أما مولت الإيبيزا من توتال العربية شدت معايا حلو جدا

**wlng76** · 17-12-2007 10:37 AM

المشاركة الأصلية كتبت بواسطة sabbagh

فين توتال
أنا اخترت وطنية لكن احب اضيف لها توتال

يا ريت المسؤولين عن الموقع يضيفوها على التصويت

**Dr_Smart** · 19-12-2007 02:33 AM

يا جماعة فعلا الموضوع يرجع للاداااارة في الاول والاخر

اعتقد في رأيي المتواضع ان البنزين كله تركيبته واضافاته متشابهة جدا يعني ايه الفرق بين بنزين موبيل ولا تعاون ولا شل ... كله بنزين

الموضوع يرجع للمحطة في الامانه انها مابتغشش البزين او العدادات وكل ماتكون اجدد وانضف هتكون خزاناتها نضيفة