حبيت أحط موضوع عن :
خبطت كام واحد بعربيتك لحد النهاردة ؟
طبعا الموضوع هايكون استطلاعي بحت عشان نشوف مدى المشاكل اللي بنعانيها مع الناس اللي ماشية على رجليها:I_angr1[1]: .. ومدى المشاكل اللي بتعانيها الناس مننا برضه ! :E_braces[1]:
عرض للطباعة
حبيت أحط موضوع عن :
خبطت كام واحد بعربيتك لحد النهاردة ؟
طبعا الموضوع هايكون استطلاعي بحت عشان نشوف مدى المشاكل اللي بنعانيها مع الناس اللي ماشية على رجليها:I_angr1[1]: .. ومدى المشاكل اللي بتعانيها الناس مننا برضه ! :E_braces[1]:
الحمد لله ما خبطتش
لكن سلوك المشاة في الشارع - كجزء من السلوك العام - سيء جدا
واحد بس كان بعجلة
والحمد لله محصلوش حاجة .. العجلة بس الي اتبهدلت
ومن ساعتها وأنا بخاف من العجل
مره واحده خبطت طفل في المصيف... وهو اللي كان غلطان (ومع كده ده مايمنعش الغلط من ناحيتي لانه في الاول والاخر طفل). والحمد لله ربنا ستر. واخدته وجريت علي المستشفي واتصالحت مع اهله (اللي حصلونا بعد كده )...
الحمد لله
مخبطش ولا واحد
بس زنقت واحد بالعربية مرة ونا داخل المرور من الباب الحديد والعسكري مكنش هين عليه يفتح باب المرور الحديدي ابو ضلفتين المهم واثناء دخولي بالسيارة ويادوب الفتحة تعدي السيارة بالعافيه راح الافندي داخل من الباب اثناء دخولي بالسيارة المهم اتحشر حشرة سودة
والحمد لله جت سليمه العسكري طبق باب العربيه من الجانب وهو محصلوش اي حاجة بفضل لله
انا خبطت واحد بعجله
و هو اللي دخل فيا من الجنب
فقام مطبقلي الرفرف الادماني اليمين
بس الحمد لله الراجل طلع سليم
الحمد لله انا مخبطش حد بالعربية
واحد و خدته عالمستشفى وكانت خبطه بسيطه جدا الحمد لله وطلع مفيهوش حاجه
واحدة حطت رجلها قدام العجلة اليمين قدام
مره واد صغيرمعا عجله خبط بعربيتي وقع الكفر بتاع المرايه وقعد يتأسفلي جدا بس الحمدلله محصلش حاجه لا للعربيه ولا هوا عشان كنت واقف وعايز ادور العربيه
مره واد صغيرمعا عجله خبط بعربيتي وقع الكفر بتاع المرايه وقعد يتأسفلي جدا بس الحمدلله محصلش حاجه لا للعربيه ولا هوا عشان كنت واقف وعايز ادور العربيه
ربنا يكفينا من شر الحوادث
ياراجل فال الله ولا فالك.
اتنين مره كان واحد صحبي مشفتوش بقالي حوالي سنه ولما شوفته لاقيته علي كبووت العربيه ووديته المستشفي والحمد لله طلعت كدمات بسيطه
والتاني واحده كانت ماشيه وبتعدي وباصه وراها ورحت خابطها وطلعت سليمه الحمد لله
واحده وهي إتكعبلت في الرصيف ولبست في جنب العربيه وأنا ماشي على ٢٠كم\س :I_angr1[1]:
مره واحده من زمان وكنت طالع كوبرى 15 مايو من كورنيش النيل وواخد سرعتى والاقى واحد بيعدى من امام مطلع الكوبرى اجى يمين يجى يمين اجى شمال يجى شمال لغايه لماخبطه ولقيته اختفى
ههههههههههههههههههه تفتكروا راح فين ؟؟؟؟؟؟؟؟؟؟؟؟؟؟؟؟؟؟؟؟؟
الحمد لله ولا واحد ويارب ميحصل ابدل لا ليا ولا اي حد
انا معنديش استعداد اشيل ذنب اي حد او اتحمل زعل حد عل اهله
أنا حبيت أستنى شوية لغاية ما أقول اللي عندي ..
مرة دخلت في كمين الفيوم بالليل وخبطت البراميل والأقماع وكانت ليلة !
بالصدفة كنت مميل بعدل بعض موجات الراديو .. اتعدلت لقيت الحاجات دي في وشي والطريق ضلمة كحل وأنا على 120 وطاااااااااخ !
الرفرف ووش فانوس اتشرخ والربع اليمين اتطبق والمراية اليمين وقعت .. بس !
ولولا إني محامي يمكن ماكانوش سابوني لحد النهاردة .. دا أنا داخل في كمين !
والمرة التانية وأنا نازل من على منزل كوبري ومستني تقاطع والعربية ماشية بسرعة واحد كيلو متر في الساعة لقيت شاب نزل تحت العجلة اليمين من قدام .. بطلت العربية ونزلت عشان أتخانق فيه :
يا أخي يعني العربية بيضاء والساعة 2 الضهر .. إيه اللي جابك تحت العربية؟
الواد من كتر الألم الشنيع اللي حاسس بيه من ضغط الكاوتش على رجله ماكانش قادر ينطق .. المشكلة مش في الواد المشكلة في البهيم اللي جه من ورايا يقوللي مش تحاسب يا بيه ؟
(على فكرة مايغركوش البدلة !) ولو كان معايا حاجة كنت خبطته بيها والله .. من حسن الحظ اتنين بياعين فول عشرة معايا من 26 سنة طلعوا وكانوا هايعملوها مجزرة ..
مسكت الشاب وبلهجة تهديد قلت له: رايح فين .. تعالى أوديك .
الواد اترعب ومارضيش يروح معايا في حتة .
الكلام ده في المنيا .
وأنا عند كوبري ثروت في القاهرة هرست واحد راكب موتوسيكل من الطيارين إياهم زنق نفسه زنقة فظيعة بيني وبين عربية تانية عند آخر مطب قبل مطلع الكوبري وإنت رايح على مدينة عامر.
بابا في الكويت عيل طلع يجري بسرعة من جنب صندوق زبالة خبط في جنب عربية بابا فارتد للصندوق تاني ومنه للعربية وبعدها للصندوق .. الواد روحوه وبابا مشي .. سأل عنه بعدها عرف إن الواد مات !
ايه ياسيدي الموضوع المرعب ده
ربنا يحفظنا يارب
أنا صوت على اساس انى خبطت عربيه
مش واحد :))
لا الحمد لله ولا واحد
واحد بعجلة كالعادة وهو الى دخل فى الرفرف الشمال قدام عندى
كان شاب رووش وقال اجرى واخد غرزة من قدامى :d
أنا خبطت واحدة فى التحرير رمت نفسها قدام العربية و انا ماشى على 80 الساعة 7 الصبح طبعاً اتخبطت جامد و وقعت ساكتة اتصلت بالاسعاف و جم ودوها المستشفى و البوليس جه و رحت القسم و شفت حاجات محدش يصدق انها بتحصل فى البلد دى و بعدين اكتشفوا انها قتلت جوزها من 3 سنين و المفروض فى مستشفى المجانين بس هربت و كانت بتمثل انها ميتة عشان تهرب من البوليس بس مسكوها و روحنا النيابة و كان أسود يوم فى عمرى. الفانوس و الازاز و الايريال اتكسروا فى الحدثة.
يعنى يا رب يوم ما أخبط حد، أخبط واحدة مجنونة و كمات قتلت جوزها :b4_556:
فعلا واللة كنت المفروض تاخد مكافاة
بقي كدة يامروة ههههههههه
انا الحمد اللة ولا مرة
الحمد لله ولا مرة
يا ساتر يا رب
انا اتخبطت خفيف مره جت في الباب اليمين قدام بس ستر ربننا انها كانت تحت الجريده فاتلمت الحمد لله
بس مخبطتش حد الحمد لله
مرة خبطت طفل
كان نازل مع اخته من ميكروباص و فجأة جري عشان يعدي من ادام الميكروباص و انا جاي من على شمال الميكروباص و ماشفتش الواد خاااالص
انا لقيت فجأة الازاز الامامي مكسور و المرايا اليمين مدلدلة و بصيت ورا لقيت حد عالارض و الناس بتجري عليه .. رجعت بالعربية بسرعة و نزلت اشوفه .. الناس نقلوه في ميكروباص و انا رحت وراه على المستشفى .. الولد مكانش بينطق لحد ما الدكتور اداله حقنة و بدأ يتحرك .. قلت الحمد لله
و ابو الولد جه .. و كان راجل شكله كدة غلبان .. قعدت معاه شوية و بعدين قلت له انا تحت امرك في اي حاجة و مارضيتش اكلمه في مين اللي غلطان و كدة حفاظاً على مشاعره
المهم الراجل اول ما قاللي لا متشكرين مش عايزين منك حاجة
رحت واخد الكلمة و يا فكيك .. روحت البيت قبل ما الموضوع يتطور و المستشفى تبلغ الشرطة
مرة كان شاب سيس واقف على ناصية شارع و معاه بت عايشين دور فاتن حمامة و عمر الشريف المهم بظمرلو عشان يوعى عشان اخش الشارع لقيتو بيوعى هو و البنت بتنااااااكة تحس انو عجوز عندو 100 سنة و انا بصراحة بتخنق من الناس دى قمت كاسر عليه و خبطو ب المراية لاء و مراية الباسات تقيلة جدا و الواد مسك دراعو من شدة الوجع و قام قيلى مين معلمك السواقة بصراحة مردتش عليه بس بصيتلو من فوق لتحت باحتقار و قمت مفحت و ماشى
مش حكاية شكله بس حكاية انى بزمرلو لدرجة ان ودنو المفروض تتخرم و هو عشان معاه بت فعايش الدور و مش عاوز يوسع بسرعة لاء ماشى على مهله بتناكة فظيييييعة و على فكرة الموقف ده بيتكرر معايا كتيييييير جدا و الغريب انو بيحصل معايا لازم يكون البطل ولد و بنت يعنى عمرها محصلت معايا من مجموعة شباب مع بعض و لا مجموعة بنات مع بعض لاء لازم واد و بت و ده الى بيغظنى اكتر
ايه المواضيع دى يا حمو ........ ارحمنا
شيلت واحدة قبل كده على الكابوت كانت بتعدى ملف بظهرها ومحسيتش بيها الا وهى لازقة فى وشى على الازاز
اكلت واد بموتوسيكل فطوطه في جمصه وكنت ساعتها 17 سنه كان معايا لاسر كريستاله في عزها والعربيه كانت جديده والواد بن التيت واقف يمين وفجأه راح طاع جري من يمين للشمال روحت واكله بالعربيه مع فرامل طبعا والواد طار في ناحيه والموتوسيكل في ناحيه والمرايا اتكسرت والكابوت اتطبق حته صغييره نزلت لقيت الواد قام وعمال يزعق وكان رفيع مووووووت وفجأه طب ساكت في الارض وهوبا لقيت الناس بتعمل زي فيلم 1000 مبروك هههههههههههه ناس بتشيل الواد وناس بتركب في العربيه وانا كنت خايف موت مكنتش لسه طلعت رخصه وروحت المستشفى طبعا مفيهاش ي حاجه قالولي اطلع بيه على مستشفى الطوارئ في المنصوره قلت لاااااااء كده الحكايه وسعت روحت سايب الواد في المستشفى وجري على ابويا (والدي طبيب) طبع ابويا ظبطنييييييييي وحلف مانا حاطط رجلي فيها تاني غير لما اطلع رخصه وروحنا للواد ابويا لقاه مفرفر خالص ومش قادر يتحرك فخاف يكون في كسر او نزيف داخلي اخده وطلع المنصوره الفجر عمله اشاعه طلع مفيهوش الهوا ابن الذينه وطلع سوداني ههههههههههه مش مصري كمان وعديت الحمد لله
الرجاء الدعاء بالرحمه لصاحب الموضوع