يا جماعة الرابطة دي خاصة بتعديلات السيارة سكودا أوكتافيا a4 أي حد يقدر يفيدنا و يدعم الرابطة يا ريت ما يبخلش عليها :biggrin:
عرض للطباعة
يا جماعة الرابطة دي خاصة بتعديلات السيارة سكودا أوكتافيا a4 أي حد يقدر يفيدنا و يدعم الرابطة يا ريت ما يبخلش عليها :biggrin:
أي خدمه يا مان وحبتدي انا
اول حاجه المكنه بتاعه العربيه هي بتاعه الجولف 4 بالمللي 1.6 sr
فاول حاجه ترمي المكنه بتاعتك و تحط المكنه R32 بمستلزمتها بتاعت الجولف 4
دي طبعا 3200 سي سي و المفروض بيها حسب الاحصائيات العالميه انك اسرع من البورش بوكستر و 4*4 و حاجه زي الفل
تجيب البدي كت الاصلي بتاعها من بره و جنط 17 بوصه بتاعه الاA5
و تعمل فرش جلد طبيعي للعربيه بالكامل
و حتبقى افجر A4 في العالم بلا مبالغه بس
جبتلك انا من الاخر
انتا تدور على عربيه جولف 4 r32 متقطعه ممكن تلاقيها في بورسعيد
و فك اللي فيها وركبه في عربيتك و صدقني مهما كان الساوند سيستم مش حيبقى ممتع زي صوت المكنه ديه
ماهو حضرتك العربيه الجولف 4 r32 مش دفع امامي دي دفع رباعي
فلط ان تتخيل عفشتها ازاي لعربيه 3200 سي سي
فعلشان كده قولتله حيجيب عربيه كامله و يفك من هنا و يركب من هناك
زي ما عملت لما جيت اسقط المكنه في عربيتي
التغيير حيبقى فيكل حاجه يعني يادوب اللي حيفضي في عربيتك الكراسي بس
و كل حاجه تانيه حتتغير و تركب بشوكتها
و الله نفسي في حد يعملها و خلي اجدع واحد يشد معاه
هتجيبها بكام ؟؟؟
مع احترامى طبعا, الكلام دة يمشى مع 1600 او 1800 او 2000 او حتى 2800 دفع امامى بس.
انما الVR6 2.8 4Motion و الR32 مينفعش معاهم لان عفشة ورا مش هتركب و دة لسببين:
- مفيش مكان للكرونة فا هيضطر يقص فى نص العربية عشان يمشيها.
- الVR6 و الR32 مفيهومش استبن, لية ؟؟ عشان مفيش مكان اصلا يتحط فية, عفشة ورا ضخمة فا الشنطة بتبقى سوا واحد و ما فيهاش مكان للاستبن فا فى الحالة دية هيقص مكان الاستبن و يلحم و يقفل سوا واحد عشان العفشة تركب.
اولا انا متشكر لرد حضرتك بس احب اهدي لحضرتك الصورتين دول في الاول
http://www8.0zz0.com/2010/01/20/18/740747048.jpg
http://www8.0zz0.com/2010/01/20/18/264766933.jpg
دي عربيه سيات ابيزا موديل 2001 اتسقطت فيها مكنه VR6
صاحب العربيه اشترى نصين جولف 3 فيهم المكنه و كل مستلزمتها و تم تركيبها بالعفشه بكل ما تتخيله حتى التابلوه ركب بتاع الجولف 3
الكلام ده في مصر في مركز كار بويز لصيانه و تعديل السيارات و ده كنت بتدرب في السنه اللي فاتت
و اتعلمت منهم جمله مفيش حاجه اسمها مستحيل مادام في تخطيط صح
و صنعوا واحده من اسرع عشر عربيات بي ام في التسعينيات و نزل اسمهم في مجله عالميه
انا مبعملش دعايه و لا حاجه بس الفكره ان التعديل ملهوش اخر
فمادام الموضوع نفع مع السيات ابيزا اعتقد انه ممكن ينفع مع الاوكتافيا A4
معلش الصور مطلعتش رفعتها على موقع تاني
http://www.iraqup.com/up/20100120/fi..._768456434.jpg
http://www.iraqup.com/up/20100120/X5...E_54989927.jpg
برة الموضوع, اية الكلب اللى طالع من الفانوس الورانى ؟؟
لو خدت بالاك من العربيات اللى عندى, هتلاقى ان معايا Ibiza 1994 و مسقط فيها VR6 فا انت كدة جاى فى الحتة بتاعتى, انا بالمناسبة قعدت اقرا سنة عن المواتير دية قبل ما اعمل حاجة.
اولا, يا باشا دية عربية Ibiza موديل 1994 الى 1999 مش 2001.
ثانيا, الموتور اللى راكب دة الVR6 موديل 1993 الى 1995 و دة اول version منة و كان دفع امامى بس, اللى انا مركبة موديل 1997.
و هو مكانش محتاج نصين, النص الامامى كافى, و التابلوة مش لازم يتغير, علبة العدادات بس هى اللى بتتغير + عفشة ورا.
هو فغلا مفيش مستحيل, لو عايز تنزل مكنة 4Motion او Quattro بالبلدى, يبقى عندك حل من الاتنين:
- هتلغى الرباعى و هتشغلها دفع امامى بس.
- او هتقص فى العربية عشان تمشى الكرونة و هتقص مكان الاستبن و تقفلة عشان تركيب العفشة اللى ورا.
متابع معاك باهتمام و شكرا على التصحيح
بس ايه الفرق بين موديل 95 و 97 للمكنه vr6
ماهو حياخد العفشه اللي ورا و الضفيره طبعا بتتاخد كامله بالاضافه للطلمبه و التنك لان استحاله طلمبه 1000 سي سي حتبقى زي 2800 سي سي
بالنسبه لحكايه التقفيل ة مشكله الكرونه بامانه معرفش بس لازم ارفع العربيه علشان اتخيل الموقف ممكن يبقى فيه مجرى فينص العربيه اركب من خلاله عمود الكردان و الموضوع يتظبط
على العموم متشكر جدا على الاهتمام في الرد
وربنا يباركلك العربيه و يحفظك من شرها
اه الكلب ده كلب حراسه صغير كان بيتربى جوا العربيه
d:
انا مشغلها automatic زى ما هى عشان انا رايح جاى على كوبرى اكتوبر, مجرد انك تريح رجلك على البنزين مفيش حد هيمشى معاك.
انا جريت مع واحد صاحبى بال325 اتوماتيك بردة طالع منة مرتاح تانى و تالت.
و ال328 بردة نفس الموضوع.
العربية معاك straight lines وهم, بس مش هتعجبك اوى فى الغرز عشان بقت تقيلة من قدام (heavy nose) فا الresponce مش هيبقى زى زمان.
الميزة بردة لو ماشى محترم (يعنى تنقل على 2000 او 2500) ممكن توصل ل8.5 كيلو فى اللتر, بس لو هتتغابى عليها ممكن تخش فى 6 كيلو فى اللتر.
التنين واحد فى الاساسيات, بس الاختلاف فى نظام الكهرباء و الكنترول و الوش الفيبر اللى فوق.
ماهو العفشة العادية اللى ورا بتاعة العربيات الدفع الامامى بتركب عادى و انا مركبها و شغال على طنابير الVR6 و الجنوط 5 مسمار.
و طبعا الطرمبة لازم عشان بتاعة الVR6 كانت 4 bar لكن لو التنك بتاع ال96 و طالع ييشتغل عشان بيبقى بردة طرمبة داخلية, فا بتشيل طرمبة ال1000 و تحط بتاعة 2800.
مفيش مكان الكرونة تمشى فية, الdesign بتاع ال4Motion مختلف عن العربيات العادية و المكنة اللى هو مركبها دية دفع امامى فا هو معملش اى حاجة من الكلام دة.
بالمناسبة بردة, انا بقول الكلام دة عشان احنا بنسقط R32 دلوقتى فى عربية واحد صاحبى و بنعمل الحوار دة كامل و انشاء الله هنشغلها دفع رباعى.
طب هيانشاء الله حتتسقط في عربيه ايه
و شاري ايه لوازم التسقيط و بكام
بالنسبه لموضوع الغرز حاول تجيب العفشه الرياضي بتاعه التراكات حتنفع معاك اوي
شوفتها لما كان رامي سري بيغير العفشه بيها علشان سباق شرم الشيخ في المركز
Golf V
شارى عربية كاملة, بكام بقى الحساب مفتوح :_Alshmokh08[1]:
مش مشكلة عفشة, المشكلة ان مركز الثقل بتاع الموتور قدام محور العجل فا الsteering response مش زى العادى, ليها حلول تانية, زى مثلا battery re-location للشنطة عشان تخف شوية من قدام, ممكن بردة تشيل الsecondary air pump و دة اللى هنشتغل علية فى الفترة اللى جاية بعد لما قواعد الموتور الsport توصل على الاسبوع اللى جاى.
ممكن تشرحلي ايه الbattery relocation
و ايه الفرق بين قواعد الموتور العاديه و السبورت
و بتتعامل مع مركز ايه في التعديلات ديه
بتبقى علبة بطارية بتحطها فى الشنطة و بتتسبت بمساميرو بتحط فيها البطارية و بتاخدلها ال+ve من قدام و الارضى من اى حتة فى الصاج.
http://www.nilemotors.net/Nile/3872230464-post23.html
انا بعمل حاجتى عند محمد سمير, بس انا اللى بقرأ على كل حاجة فى الforums الاجنبى و غالبا الحاجات دية مش بتبقى موجودة فى مصر, فا انا بجيبها من برة و بركبها عندهم.
اسف كنت مسافر ولسه راجع
مبروك يا مان على تنفيذ الفكرة، وشكرا للرجالة اللى ادونا معلومات عمرى ما كنت افهمها، الله ينور يا رجاله.
بس بالنسبة للA4 اللى احنا بعدنا عنها، فأنا لا أرجح تسقيط المواتير وتيير معالم العربية لانك بتظبط حاجة على حساب حاجة ولو كان التعديل لازم يبقى تجيب الحاجات اللى بتنزل للفئات الأعلى من نفس السيارة.
عموما اللينك ده فيه بعض التعديلات للكار: SKODA TUNING SHOP for Octavia, Octavia II, Fabia, Roomster, Superb, Felicia : Skoda Tuning = superskoda.com
ولو عاوز تعديلات فى الشكل (فايبر) يبقى الحرفيين.
أيضا انا سألت على شوية حاجات النهارده فى arabcom ولاقيتها تمام (زينون، dvd جواه gps وكل حاجه.
بردو ارابكوم عنده جنوط جامده 17 بس ال 15 مش اوى ولو انى جبت منه ال 15 من فترة بس خامه ممتازة.
فى بردو موضوع الفلاتر السبورت بس انا شاكك انها هتعمر مع ال A4 وهطرح الموضوع للنقاش ان شاء الله.
الله يبارك فيك يا باشا.طيب الزينون ماشي .بس الdvd ممكن يركب فين عندي.أنا عربيتي 99 ( الطابلوه الكبير اللي عداداته لونها أحمر ) ومكان الكاسيت صغير مش عريض.بالنسبة للجنط أنا إشتريت واحد إيطالي إسمه PLATIN "16 و شكله جامد أوي علي العربية.هرفعلكم صورة ليه.
بالنسبة لفلتر السبورت أنا متابع معاك بإهتمام بس خلي النقاش هنا في الرابطة عشان الكل يستفاد يا مان.
شكرا على الافاده
وربنا يوفقك
كنت عاوز اعرف رايكم يا جماعة في تركيب فوجات في الهوايات اللي تحت خالص قدام انا عربيتي موديل 98 اللي عدادها احمر برضه
الهوايات كل شوية تقع مني واشتري غيرها لما زهقت .شوفت واحد في اسكندرية عامل مكان الهوايات دي فوجات وشكلها فاجر ممكن تقولولي ممكن اجيب الفوجات دي منين واركبها عند مين عشان توصيلات الكهربا..وكمان عاوز اركب جنوط 17 بس خايف عالعفشة فعاوز منكم توصيات لو سمحتم...وشكرا
شوف يا سيدي..بالنسبة للفوجات هتلاقي في الحرفيين .لو حضرتك عاوز الفوجات تركب علي توزيعة العربية الأصلية.يبقي الفوجات هتشتغل مع العدسات اللي في الفانوس(العدسات دي الفوجات الأصلية)بالنسبة للجنوط فنصيحة بلاش 17 عشان هتخسر العفشة بعد كده.ممكن 16 معقول وشكله جامد عليها أوي من وجهة نظري(أنا مركبه) ممكن أرفع صورة للعربية تشوفه عليها.
يا ريت وابقى شاكر ليك جدا
الصورة في التوقيع
الصورة في التوقيع
جزاك الله خيرا ..هي عربيتك موديل كام؟
عربيتي موديل 98 يا باشا
دي اخت بتاعتب بالضبط ونفس اللون كمان بس من غير فتحة سقف
قوللي جيبت الجنوط ال 16 منين وبكم؟ لاني فعلا عاوز اركبلها جنوط
انت عارف شوفت واحد في اسكندرية موطي العربية بس كان شكلها فعلا تحفة بس للاسف التوطية ماتنفعش في بلدنا دي اللي كلها مطبات وتكسير في الشوارع وبلاعات
ربنا يكرمك يارب على مجهودك معانا
ممكن تبقى تديني موبايلك عاوز ادردش معاك شوية بخصوص العربية عشان عربيتي احت بتاعتك حتى كمان نفس الموديل
رقمي يا باشا 0107702412 في أي وقت يا باشا
هاكلمك على بكرة الصبح ان شاء الله على الساعة 10 او 11
السلام عليكم يا رجاله
inspiron باشا صباح الفل
معلش سافت ورجعت تانى شغل بقى
المهم انت تمبارح ركبت body kit فى الحرفيين غيرت شكل العربيه خالص
حتى ابويا نفسه عجبته (ودا شئ عجيب فى خد زاته) المهم هى مش مالهاش زى لكن شكلجا على العربيه جامد اوى وكمان عملت فيها ليدات اختراع (مع انها قديمه ورخيصه جداّ) بس هرفع الصور واورىهالكو ان شاء الله بس مشكلتى مابغرفش اصور كويس
بالنسبه للزينون فى ارابكم ب1000 الفيليبس الصينى وفى نوع كورى جديد ب1450 وطبعا والمميز ضمان سنه على الsystem كله مش على الmodules بس
بالنسبه لل GPS عندهم ب1250 بس الشاشه صغيره 2000 و 2500 تقريبا غير الجراب ب130 تقريبا لمن فى كاسيت خطير بتاع ال A4 صينى فى GPS and car kit and DVD وعلى فكره ممكن حد يجيب الكاسيت بتفس الامكانيات والشاشه بتطلع sliding للى مكان الكاسيت عنده صعير.
على فكره الكاسيت ده بره فى حدود 1250 الى 3000 جنيه حسب الموديل والامكانيات.
الفوجات بقى الشبه جاجه بتاعة الاوبترا بيتفتحلها فى الهوايه وبتاع الفايبر بيسبتها بسهوله
انا بقى عندى مفاجأة بس عاوز حد يشجعنى عليها
ممكن نركب عدسه بتاعة BMW 3 series فى الفانوس اللى قدام
بس شويه كده لما افوق من مصاريف الجواز عشان قربت
ممكن اوصف للى عاوز فين وازاى (فى الحرفيين) اللى انا اعرفه اسمه (محمد جالهوم) والمفاجأة: تمن العدسات 400 جنيه واللى يجيبهم ارخص مصلحة وهو علشان حبيبى المصنعية 150 جنيه بس اللى عاوز يقوللى ابعته واكلمهولو فى التليفون او يستنانى بقى
عفوا على الاطاله
اولا شكرا جزيل على اهتمامك وانضمامك للموضوع
ثانيا حضرتك بتقول ركبت body kitفي الحرفيين ممكن تقولنا فين وعند مين وبكام التكلفة وارفعلنا صورة للبودي كيت
ثالثا: وكمان عملت فيها ليدات اختراع (مع انها قديمه ورخيصه جداّ)
ممكن اعرف برضه عند مين وبكام التكلفة ليهم
بالنسبة للزينون انا مركب زينون من سنتين تقريبا بس عندي لمبة اتحرقت h4 High ممكن اعرف سعر اللمبة لوحدها كام؟
رابعا: الفوجات بقى الشبه جاجه بتاعة الاوبترا بيتفتحلها فى الهوايه وبتاع الفايبر بيسبتها بسهوله برضه عند مين وبكام؟
واخيرا :ممكن نركب عدسه بتاعة BMW 3 series فى الفانوس اللى قدام من عند مين وبكام
من الاخر لما تيجي تروح الحرفيين تعمل الحاجات دي ممكن نتقابل ونروح مع بعض عشان عاوز اعمل الحاجت اللي حضرتك قولت عليها دي ان شاء الله وشكرا ليك
تليفوني
0122806153 مهندس مجدي
وشكرا
صباحك عسل يا معلم!!!!إيييه الشغل العالي ده بس.طيب حيث كده أنا كنت بفكر عشان خاطر المرور اللذيذ بتعانا أجيب اللمبة الفيليبس رالي اللي هي نفس كفاءة الزينون و مش ممنوعة في المرور.والطقم سعره 200 جنيه تقريبا.إيه رأيك ولا الزينون أفضل؟ ( ربنا يوفقك في الجواز يا رب )
استاذ احمد فهمي" AFTAM " اود ان شاكرك فعلا لتلبية طلبي بمقابلتي والرؤية سيارتك..وهي بالفعل يا جماعة بسم الله ماشاء الله عامل فيها شغل حلو قوي وانا اتفقت معاه انه يعرفني الناس اللي عمل عندهم الشغل ده لاني بصراحة غيرت منه وناوي اعمل زيه ان شا ءالله..حضرتك انسان محترم جدا جدا
حمد الله على السلامه يا باشا بقالك كتيييييير غايب
بص هو المرور مش هايعرف ان العربيه فيها زينون وللا لا الا لو شافك مشغله
فأنت كدا كدا اطفيه لو مالوش لزمه علشان تريح الاجهزة وعشان ميشوفكش
انا اتقفشت من 4 شهور كالتالى
1- زينون عالى وواطى
2- زينون فوجات
3- فاميه اسود خلفى (dark)
4- ستاير على كل الابواب
وبالطريقه اتكتبت ستاير و فاميه
ومن ساعه ماشلتهم زى الفل بس اللى خلاهم مسكونى انى ماكنتش عارف ان الفوحات ممكن توجع عنيهم قوى كده
بس بقيت بعد كده بطفيها وانا داخل كمين
ولو عاوز يغلس انا كدا كدا عندى سارينه وزينون وملصقات ولا يوحد طفايه والشاى بالياسمين اهم حاجه مايخلاش من جيبك وكله بيشرب الشاى بس بالطريقة
عموما انا رجعت للمرة الثالثة وركبت عالى وواطى زينون بس قلت الغالى ثمنه فيه
حبت نوع من عند ارابكم ب900 حنيه وعليه ضمان سنه "شامل اللمبات" والراحل اللى بيركب ظبطه وهو يخبيلك الالجهزه تحت الفانوسولو حدع طلعهم
ملحوظه: هو فكلى الفانوس، ماتقلقش وهات 6000 كلفن عشان ال8000 بيعمى ومش بيفرش على الارض لكن 6000 انا شايف كوبس والنور فارش 100% واللى قدامى مابيجيلوش انفصال فى الشبكيه وانا جربت بنفسى قبل ما اركب النور هيضايق حد وللا لا
بس لو هاتروح ارابكم قوللى الاول علشان اكلملك واحد هناك
الزينون زينون برضه يا مان
وربنا يكرم
انا مش عارف ارفع الصور بيكتب failed مع انى صغرتهم