الموضوع: رابطة مشاكل و استفسارات أوكتافيا a4

المشكله دى انا سئلت عنها كتير و ما لقتش حل خالص هيه انى لما بشيل رجلى من على البنزين من غير ما الحق بالدبرياج على طول العربيه بتتكلبش او بتترج كده و عملت البدع غيرت بوابه ما فيش فيده غيرت قواعد المكنه مفيش فيده غيرت الشداد بتاع الفتيس ما فيش فيده فلتر بنزين فلتر هواء فصلت حساس الشكمان و جربت قفلت الراجع بتاع الرداخ عشان لو المشكله منه تبان و جربت برضو مفيش فيده السؤال ممكن يكون طقم الدبراج يعمل كده ولا ده منطقيا مش معقول اصل انا معتش عندى تفكير غير فى حجتين يا اما الفتيس التروس بتعته تقيله فا لما بشيل رجلى من على البنزين بتكلبش العربيه يا اما طقم الدبرياج يا ريت تفدنى و شكرا

اه عايز اضيف حاجه معلش هيه انى لما بدى العربيه نقله عليا ما تستحقهاش "يعنى تبقا تستاهل سرعه التانى و اديها الرابع مثلا المشكله ما تبنش" لكن لو على سرعه عليا و تستاهل الرابع بتبان شويه بس مش اوى زى التانى و التالت على سرعه بسيطه

المشاركة الأصلية كتبت بواسطة omaranes77

هل فية عضة في النقلات وتقل في الغيار لو كدة يبقي طقم دبرياج بس حضرتك كشفت كمبيوتر

اشكرك على الاهتمام انا فعلا عندى تقل شويه فى النقله الاولى و التنيه بس بيجى سعات و سعات و سعات بسمع و انا بجيب التانى حك التروس فى بعضها بس قليل و اه انا كشفت كمبيوتر و كانت مسجله حساس شكمان و الراجل مسحوه و معدش سجلته تانى و على فكره الكهربائى فصلى حساس الشكمان خالص و جربت العربيه لقيت المشكله ذى ما هيه برضو و رجع ركبه تانى و معتش سجل ارورز

المشاركة الأصلية كتبت بواسطة fadi ezzat

فرامل اليد عندك كام تكة واخبار الفرامل تحت رجليك عاملة اية يعنى الفرامل عموما عاملة اية
احتمال كبير اوى يكون فية ماستر قافش على التيل بيخلى التيل ميرجعش
واحتمال يكون رجلاش الفرامل زيادة او رجلاش البلى الخلفى

فرامل اليد عندى سبع تكات و الفرامل شويه ضعيفه بس شغاله يعنى بس لازم ادوس جامد ... و اعرف موضوع ماستر قافش ولا لا ده منين ؟؟ العفشجى قلى كل حاجه تمام بعد ما غيرلى الشداد و قلى تبقا مشكله ميكانيكا هل فى طريقه تبين حكايه المستر دى اختبار يعنى و شكرا لاهتمامك