في الرابطة دي ..لو أي حد عنده أي مشكلة في عربيته a4 و عاوز يستفسر عن أي حاجة ..يا ريت ميترددش في إنه يسأل و أكيد هيلاقي المساعدة في كل حاجة..ولا إيه ؟؟؟!!!:F_eyeb1[1]:
عرض للطباعة
في الرابطة دي ..لو أي حد عنده أي مشكلة في عربيته a4 و عاوز يستفسر عن أي حاجة ..يا ريت ميترددش في إنه يسأل و أكيد هيلاقي المساعدة في كل حاجة..ولا إيه ؟؟؟!!!:F_eyeb1[1]:
يا جماعة إستفسار عن كام حاجة كده..
1- بحس بخشونة في العربية وهي ماشية بس ده ساعات مش علي طول.هل ده سببه بلية العجل؟
2- إزاي أزود عزل العربية شوية.يعنني مسمعش أصوات وأنا قافل الازاز.
3- كنت كلت مطب لذيذ كده من مطبات شوارع المحروسة وكانت النتيجة ميل الدريكسيون يمين.هل يمكن ظبطه تاني؟؟
4- ألاقي فين الكنترول يونت(المسئول عن الزجاج والسنتر والمراية ) بتاع الباب الأمامي يمين لأن الي فيها باااااظ.و في حدود كام؟
- لسه في عندي كذا استفسار بس هقولهم وحدة وحدة بالراحة عشان معملش صداع.:Ob_mak1[1]:
مستني ردودكم
ايه يا جماعة..معقول مفيش ولا رد؟؟ ولا انتوا مش عاوزين الرابطة تشتغل و نستفيد:biggrin2:
نشكركم لحسن تعاونكم معنا :Zb_sor1[1]:
ممكن, امشى بسرعة و مور العربية و اسمع لو فية صوت خشونة, هى مش بتبقى واضحة على السرعات العالية.
لو بلية فعلا, يبقى روح غير ما تستناش لان هى دية اللى بتبقى رابطة العجلة بالعربية.
هى عزلها كويس اوى, مش محتاجة زيادة, جرب تركب عربيات تانية و انت تعرف الفرق.
يتظبط عادى, بس راجع على الزوايا احتياطى.
موجود استيراد عند ناس كتير بس معرفش سعرة كام.
الاير باج في a4 2003 بتتقفل ازاي ارجو الرد من حضرتك؟
يا جماعة أنا حاسس إن سحب العربية ضعيف عن الأول( نيسان صني 2003 طلعت مني ) و صوت الموتور عالي ممكن يكون إيه السبب..واحد بيقولي عايزة ظبط تاكيهات..يعني إييييه؟؟:120146b العربية أوكتافيا 98
انا بسمع صوت (تزيق عالى) فى المسعدين الى وره كل مامشى فى طريق مكسر او فى مطب
العربية وزنها من 1300 الى 1400 كيلو, يعنى مش خفيفة و الموتور ال1600 ضعيف عليها فا متقارنهاش بالsunny, لان دية عربية خفيفة و بتحرى كويس تحت ال100, بس فوق ال100 الالمانى يبتدى يبان فى السحب و الثبات. معندناش تاكيهات بتتظبط.
اكشف على عفشة ورا كاملة لان عندك جلب فى الدنجل ممكن تكون هى السبب.
باشا ألف شكر.بس ليا إستفسار.يعني إيه معندناش تاكيهات تتظبط؟ طيب إيه اللي ممكن أعمله يهدي صوت الموتور.
انا هاقولك الحل في موضوع صوت الموتور وابقى ادعيلي بعدها
غير البوجيهات بتاعة العربية للنوع الاصلي بتاعها ثمنه 160 او 170 جنيه عند فتح الباب وهاتحس ان الصوت اختفى ولو لسة فيه صوت يبقى من علبة البيئة وما انصحكش تغيرها..اه نسيت حاجة مهمة السير لا تنسى السير وتغيرها على حسب الكيلوا مترات
النهاردة وأنا ماشي بالعربية لمبة الزيت نورت و عملت صوت إنذار كده لمدة 5 ثواني و فصلت تاني.طبعا إتخضيت ووقفت فورا بالعربية.سيبتها مبطله ربع ساعة كده وقولت أشوف قياس الزيت.لقيته ناقص جدا (المقياس بيطلع مفيش عليه زيت خالص ) كان معايا علبة موبيل 1 فيها نص كيلو و حطيتهم وقيست لقيت نفس النتيجة أخدت العربية عند واحد بتاع زيت كشف وقالي دي ناقصة بتاع كيلو وشوية..!!!:L_bhuhhh[1]: طبعا مكنش عنده عبوات كيلوهات روحت محطة موبيل 1 إشتريت عبوة كيلو بـ 65 جنيه.و حاطيتها.وقيست لقيته مش واصل للعلامة...العربية دلوقتي ماشية عادي وصوتها طبيعي ومفيش حاجة.نزلت بصيت تحت لقيت زيت كده علي الكارتيرة من برة بس معرفش ده تسريب ولا إيه.علما بإني ركنتها ساعة و حركتها من مكانها ملقيتش زيت واقع منها.
السؤال بقي ..تفتكروا العربية كده بتاكل زيت ولا ده تسريب من منطقة معينة؟
وهل الكارتيرة اللي تحت العربية دي هي بتاعة زيت الموتور ولا الفيتيس ولا إيه (لونها فضي )؟
أنا آسف جدا حاسس إني طولت عليكم بس أنا بجد زعلان علي العربية جدا و مش عارف أعمل إيه.يعني عفشة عايزة تتغير وقولنا ماشي.كنترول يونت بتاع الباب اليمين عاوز يتغير و قولت ماشي.كاوتش ماشي..لكن مشاكل زيييت و كلام من ده لا حرام.
أنا آسف علي التطويل..
طيب أروح أسأل مين عشان يرد عليا..حد يعبرني يا جماعة
سعادة الباشا ركز في اللي هاقولهولك لانه ده الخلاصة
1- الزيت اللي جاي من تحت في الكرتيرة ده زيت فتيس وده بيسرب بسبب حاجتين
اولا: الجوان بتاع الكرتيرة بقى قديم فبيفوت من حتت وحتت تاني لا وبالتالي لازم تغيرة وما انصحكش تجيب التقليد لاني جربت 3 جوانات وما نفعوش هات الاصلي وخلص
ثانيا: علبة الكرتيرة اللي تحت دي ممكن تكون مخبوطة ..ولا قدر الله لو كانت كده ما انصحكش تستعدلها لانها مش هاتتعدل تماما..لازم تجيب واحدة استيراد وطبعا هاتسمع ارقام وهمية في العلبة دي 900 و 1000 جنيه بس ما تقلقش ابقى كلمني وهاقولك تروح فين تجيبها
ثالثا : انت المفروض تغير زيت الفتيس كل 70000 كيلوا فلو كانت عملت في العداد الرقم ده يبقى لازم تغير الزيت والا الفتيس لا قدر الله هايضرب ..
ثمن اللتر في زيت الفتيس الاصلي من 135 الى 145 جنيه
لا تشتري اي نوع تاني ويقولك الماني او تقليد اوعى بالذات الفتيس
وابقى كلمني لو عندك اي استفسار
مهندس مجدي
0122806153
مش عارف أشكر حضرتك إزاي.ربنا يكثر من أمثالك يا بشمهندس.أنا بصيت علي الكرتيرة اللي تحت دي لقيتها مش مخبوطة بس فيها حكة بسيطة كده.ربنا يسترها.هروح لميكانيكي كويس وأوافي حضرتك بالأخبار.
وانا في انتظار الرد وما تخليش اي ميكانيكي يلعبلك في العربية ...روح لواحد فاهم
ana ma3aya octavia 2003 3amla 66000 kilo we 3ayez 2a3melaha service law ro7t el tawkel 7ay3'ayar eih we bekam ?
إتفضل:
- تيل فرامل امامى 410ج(أصلي)
- تيل فرامل خلفي 300ج(أصلي)
- بوجيهات 120ج ( ngk)
- سير دينامو 75ج (أصلي)
- تربيط عفشة 25ج
- فيلتر هواء 65ج(أصلي)
- فيلتر بنزين مش فاكر بصراحة سعره.
- تغيير زيت وفيلتر إذا لزم الأمر 345ج.(10000 كم) (mobile 1)
- تنظيف دورة المياه وتغيير المياه 55ج ( red water )
أي خدمة
bas keda wala 7ay3'ayaro ser katina we zet gearbox we beliet katina we felter zet we felter gear we felter banzin
لا طبعا لسه بدري علي سير الكاتينة..وزيت الفتيس كل 77000 كم.وبالنسبة للباقي حضرتك إقرأ مشاركتي كويس..تحياتي
ma3lesh ya basha bas howa dah bas elly beyet3'ayar fi el tawkel we 7adfa3 el as3ar di bas wala fi 7agat zeyada fi el felos henak we el kalam dah we ra2yak aro7 any tawkel we ana saken fi fisal we ma3lesh ya basha ana lesa gedid fi el octavia
شوف يا باشا. من جهة نصيحة فأنصحك متروحش التوكيل لأنك مش هتخرج منه مبسوط.لأنهم بإختصار أهم حاجة عندهم الماديات بغض النظر عن رضا العميل.فأنا ممكن أرشح لحضرتك واحد محترف سكودا.الشيخ عادل في بين الثرايات.جنب أبو الحسن موزع سكودا.أنا شخصيا بتعامل معاه و مش بروح التوكيل و راجل نظيف جدا في شغله و بيتقي الله في رزقه وأحسن من التوكيل 100 مرة
تحت أمرك في أي وقت
thx ya basha we mesh 3aref 2a2olak eih we howa ba2a 7ay2oly el 3arabeya 3ayza eih bezabt sa7 ?
تمام يا باشا إن شاء الله وبإذن الله هيكون زي ما قولت لحضرتك.
isa thx ya basha
تمام تمام تمام
يا جحعان عاوزين نقوم الرابطة من جديد
سكاترا a4 تعمل كام تقريبا استيراد ؟؟؟؟
المشكله دى انا سئلت عنها كتير و ما لقتش حل خالص هيه انى لما بشيل رجلى من على البنزين من غير ما الحق بالدبرياج على طول العربيه بتتكلبش او بتترج كده و عملت البدع غيرت بوابه ما فيش فيده غيرت قواعد المكنه مفيش فيده غيرت الشداد بتاع الفتيس ما فيش فيده فلتر بنزين فلتر هواء فصلت حساس الشكمان و جربت قفلت الراجع بتاع الرداخ عشان لو المشكله منه تبان و جربت برضو مفيش فيده السؤال ممكن يكون طقم الدبراج يعمل كده ولا ده منطقيا مش معقول اصل انا معتش عندى تفكير غير فى حجتين يا اما الفتيس التروس بتعته تقيله فا لما بشيل رجلى من على البنزين بتكلبش العربيه يا اما طقم الدبرياج يا ريت تفدنى و شكرا
اه عايز اضيف حاجه معلش هيه انى لما بدى العربيه نقله عليا ما تستحقهاش "يعنى تبقا تستاهل سرعه التانى و اديها الرابع مثلا المشكله ما تبنش" لكن لو على سرعه عليا و تستاهل الرابع بتبان شويه بس مش اوى زى التانى و التالت على سرعه بسيطه
هل فية عضة في النقلات وتقل في الغيار لو كدة يبقي طقم دبرياج بس حضرتك كشفت كمبيوتر
عاليا النعمة انت برنس وشكرا لاستجابتك طلبي وربنا يشيفك ويعافيك وشكور مرة تانية حبيبي والهياقتباس:
المشاركة الأصلية كتبت بواسطة fadi ezzat
عاليا النعمة انت برنس وشكرا لاستجابتك طلبي وربنا يشيفك ويعافيك ومشكور مرة تانية حبيبي والهياقتباس:
المشاركة الأصلية كتبت بواسطة fadi ezzat
اشكرك على الاهتمام انا فعلا عندى تقل شويه فى النقله الاولى و التنيه بس بيجى سعات و سعات و سعات بسمع و انا بجيب التانى حك التروس فى بعضها بس قليل و اه انا كشفت كمبيوتر و كانت مسجله حساس شكمان و الراجل مسحوه و معدش سجلته تانى و على فكره الكهربائى فصلى حساس الشكمان خالص و جربت العربيه لقيت المشكله ذى ما هيه برضو و رجع ركبه تانى و معتش سجل ارورز
فرامل اليد عندى سبع تكات و الفرامل شويه ضعيفه بس شغاله يعنى بس لازم ادوس جامد ... و اعرف موضوع ماستر قافش ولا لا ده منين ؟؟ العفشجى قلى كل حاجه تمام بعد ما غيرلى الشداد و قلى تبقا مشكله ميكانيكا هل فى طريقه تبين حكايه المستر دى اختبار يعنى و شكرا لاهتمامك
روح لحد بتاع فرامبس خلية يشيك على رجلاش العجل الخلفى وخلية يظبطلك الفرامل ولو فية حاجة هيقولك
يعنى ياخدلك هوا من العجل ويشيك على رجلاش العجل الخلفى بس اعتقد انة مظبوط علشان خاطر فرامل اليد
بس يتاكد من رجلاش البلى الخلفى ممكن يكون محمل زيادة
وسوال كمان امتى ظهرت معاك المشكلة دى يعنى هل كنت بتعمل حاجة فى العربية ولا ظهرت لوحدها كدة فى يوم وليلة ؟