كنت عايز اعرف ايى ال bi-xenon و هل هوا نفس ال hi/low xenon ولا اية؟
و حد جرب يشترى من على amazon او اى موقع تانى ؟
عرض للطباعة
كنت عايز اعرف ايى ال bi-xenon و هل هوا نفس ال hi/low xenon ولا اية؟
و حد جرب يشترى من على amazon او اى موقع تانى ؟
متابع عاوز اعرف يعني ايه برده :shyy:
وانا كمان متاااابع :)
منقول:
في السابق كان من الصعب إستخدام الزينون في الإضاءة العالية لأن الزينون يحتاج الى وقت حتى يحصل على الإضاءة القوية المطلوبة وهو ما يجعله غير عملي للإضاءة العالية ومثل ما نلاحظ عند تشغيل الزينون حيث يبدوا اولا كالفلاش وسرعان ما يبدأ اللون بالتغير.
والان أصبح استخدام الزينون ممكنا للاضاءة العالية بفضل تقنية الـ Bi-Xenon حيث تحتوي لمبة الـ Bi-Xenon على خطين (واطي وعالي) بداخلها عاكس يقوم بتحويل الاضاءة الى اعلى وبحركة سريعة وكمثال لذلك إضاءة الانفينيتي FX حيث يمكنك سماع صوت حركة اللمبة عند التغيير من الضوء الواطي الى العالي والعكس (الصورة التالية تشرح محتويات لمبة الـ Bi-Xenon )
http://www.nilemotors.net/Nile/110863-a.html
متهيالى الBI-Xenon يمكن بس استخدامه فى العربيات اللى أصلاً النور العالى و الواطى بتاعها لمبة واحدة ، العربيات ده لو انت مشغل الواطى و جيت ترعش حتلاقى الواطى اختفى و العالى ظهر و بتحس ان النور بيعلى معاك ( زى الi10) بعكس النور العادى ( اللمبتين)، ممكن تكون مشغل الواطى و تشغل العالى تلاقي نور جديد ظهر.
الBI Xenon تغلب على مشكلة احتياج الزينون فى العالى للشحن عشان هو حيكون مشحون على طوول مدام الواطى شغال بس مشكلاته انه اللمبة بتطله و تنزل بطريقة ميكانيكة يعنى فعلاً اللمبة بتتحرك و ده بيأثر على عمر اللمبة و بالذات الزينون.
فى نوع تانى بيكون لمبتين واحدة زينون و واحدة هالوجين عشان مثلاً الناس اللى مبتحبش الزينون فى اعالى بس هنا بيكون فعلاً فى لمبتين بس على جهاز واحد و ده مشكلتة الرئيسية انو لو لمبة بتظت يبقى لازم تغير الجهاز كله او تستنى لما التانية برده تبوظ
و الله أعلم:E_braces[1]:
يعني بالمنظر ده هيكون النور قوي جدا
شكرا للتوضيح
يعنى كدة ال bi-xenon زى ال hi-low xenon بس الاختلاف فى الميكانيزم
و واضح كدة انة مناسب اكثر للمبات ال h4
الزينون فى العالى، مهما كان لمبة واحدة أو ، Bi-xenon ، لما شحنه يكون على الآخر و ترعش بيه بتلاقى فى يرق قدام العربية و مهما كانت نوعية الهالوجين بالذات فى العالى مش هيكون زى الزينون، حتى لو قالب مراية الصالون حتحس ان النور لسه قوى.
أنا شخصياً مش بستخدمه عشان مثلاً عايز أعدى او أى حاجة بستخدمه فى التقاطعات عشان فعلاً بيبين للناس ان فى عربية جايه و طبعاً لما تلاقى واحد ماشى على طريق سريع بليل على 120 و مشغل الزينون بتاعه عالى و واطى و عامى خلق الله بعديه و بلزق فيه من ورا عشان يعرف غلطته:khd:
الhi-low xenon بيكون فى لمبتين واحده زينون للواطى و واحدة هالوجين للعالى.
زى الصورة ده http://origin-images.ttnet.net/pi/ep...228050-11b.jpg
الbi-xenon بيكون لمبة واحدة و بتتحرك عشان تدى عالى او واطى
زى الصورة دى http://www.fuelsaver.com.au/shop/ima...-Xenon%201.JPG
بس المشترك بين الاتنين انهم بيدوا عالى و واطى من نفس الجهاز.
حد طيب جرب يشترى حاجة زى كدة من على النت
الجمارك و كدة
يارب يسمحوا للزينون بدون مخالفة عشان نركبه واحنا مطمئنين
بصراحة الأضمن انك تشوف حد يكون فى امريكا او اوروبا و تشتريه من امازون بس تشحنه عليه و بصراحة أنا شخصياً مش شايف ان فى مصر ينفع موضوع الشراء بالانترنت فى الحاجات ده يعنى لو بارفان مثلاً عادى بس حاجة العربيات لأ عشان مثلاً فى الزينون حتشتريه ارخص بـ500 ج من لو اشتريته من مصر بس فى نفس الوقت انت مش ضامن التركيب ظروفه عاملة ازاى، لو مشتغلش حتلف حوالين نفسك عشان تعرف ترجعه و كمان لو باظ مالوش توكيل. ممكن اللى فى مصر أغلى و أقل كفاءة بس مثلاً لو ركبته عند hidالرحاب حتاخد ضمان و بعد الضمان انت عارف لو باظ حتروح فيين.
انا مركبه بقالى سنة و شوية و وقفونى فى 100 كمين و عنر ما حد اتكلم على الزينون، بص المشكلة بتحصل لما تكون داخل على الكمين و مشغلة و أصلاً المفروض و انت داخل على الكمين، نور التلبلوه بس اللى تنوره بس الناس اللى بتدخل على الكمين و ضارب عالى و واطى و فوجات زينون طبيعى انو ياخد مخالفة.
و بصراحة فى البلد ده لو على المرور، حيمنع ركوب العربيات أصلاً، خايفين من الزينون و مش خايفين من كل الميكروباصات و التكاتك ( جمع توكتوك) و العربيات اللى اكل الزمن عليها و شرب و نام كمان. ربنا يكفينا شر المرور و اللى بيطلع من المرور:ma(30):
اللى راكب عندى HID كان جايللى هدية من بورسعيد 3 أطقم عالى و واطى و فوجات. و ما شاء الله النور تحفة، طول الوقت ماشى بالفوجات بس حتى فى الشوارع الضلمة لو طريق سريع و ضلمة بشغل النور الواطى عشان انا رافع الرجلاش بتاعه شوية عشان يفرد لبعيد بس لو فى عربية قدامى ممكن يضايقه عشان كده بكتفى بالفوجات. العالى مشكلته انو بياخد وقت لحد ما يشحن بش أول ما يشحن بيبقى دماااار شامل. أنا بصراحة مش فاكر نوع اللمبة عندى h4 ولا h7 بس متهيألى الموضوع بيكون اكتر الموديولاتور كام كلفن عشان هوه ده اللى بيفرق بين درجات الزينون المختلفة.اللى عندى متهيألى 4800 و بيدى نور أبيض لما تزود حتلاقى النور ابتدى يدى على ازرق و صدقنى الأبيض هو اللى بينور أقوى بس الأزرق حسيته اكتر بيدى منظر للعربية بس مش بيدى وضوح للرؤية زى الأبيض. نصيحتى خليك من 4000 لحد 6000 بالكتير اوى. كمان اول ما ركبته كان عامل مشاكل فى كهربة العربية عشان انا الكهربة مش مضبوطة و 3 أطقم زينون حمل على العربية و كانت الفيوزات بتسيح عشان كنت موصل الواطو و الفوجات على زرار واحد بس بعد كده ضبطت الامور و خليت كل واحد على زرار و ركبت لكل طقم كتاوت منفصلة و من ساعتها و الحمد لله ماشى زى الفل.
لو حتجيب من تركيا حاول تجيب البوش الأصلى محمفور على صنع فى ألمانيا، كده تبقى انت عديت :S_thum1[1]: بس لو لاقيته غالى اوى ( البوش الأصلى فى مصر ممكن يوصل لـ10000) ممكن تجيب Osram أو HID . الHID له توكيل فى الرحاب فلو لقيته بنفس السعر اللى فى تركيا يبقى هاته من الرحاب أحسن عشان بيديك ضمان و بيركبه صح و عنده ناس بتفهم و مبروك عليك الزينون مقدماً
نسيت أرفع الصورة اللى بتبين الفرق بين درجات الزينون:Oc_sun1[1]:
http://www.xenonexpert.com/images/temperature.jpg
طيب هو العمر الافتراضى لاحسن نو من الزينون يبقى اد ايه
وايه اسن الانواع والاسعار بتبقى فى حدود كام
تحياتى
اولا الف شكر ليك على الرد الوافي ده ياباشا
بالنسبة للhid اللي في الرحاب انا كلمتهم لاقيتهم قفلوا
بس في حاجة الناس كلها بتقولها وهي نوع الزينون hid
لكن ده مش النوع ده اختصار كلمة High-intensity discharge
وممكن حضرتك تقصد اللي متركب عندك في العربية hid plus ياريت تتاكد وتقول لي والف شكر ليك ياباشا :hlopaet_prv:
العمر الإفتراضى: على حسب الاستخدام بس المفروض أطول من الهالوجين بس بيقل جامد فى حالة انك بتستخدمه غلط ( مثلاً الترعيش بالزينون غلط و طفى العربية و النور شغال غلط بالذات فى حالة الزينون) بس بوجه عام المفروض انه معمر أكثر من الهالوجين.
أحسن نوع لو حتشتريه من مصر هو HID توكيل الرحاب بس الأسعار معرفش أفيدك بس حتلاقيه فى حدود 700ج للطقم. نصيحتى هات فوجات و واطى بس إلا لو نظام اللمض عندك bi-xenon ساعتها ممكن تجيب عالى و واطى نفس اللمبة زينون او تجيب hi-low xenon العالى هالوجين و الواطى زينون
الله ينور ياستاذ ahmedyehia515 .. ردود وافيه ومفيده جدا
معلش ياجماعه ... هأسأل سؤال بس محدش يضرب
ايه هو h4 , h7 , ......
وكمان فى الفحص هل لازم اشيل الزينون ؟
وهل عمر حد بيطلب فى الكماين انى انورله النور العالى والواطى ولا لأ؟
وجزاكم الله خيرا
يا باشا انت تؤمر
بص ، الH4 و الH7 هى نوع اللمبة اللى بتكون راكبة فى عربيتك يعنى الموضوع بيختلف من عربية للتانية.
يعنى لو جبنا الحكاية من الأول, الH1 كانت سنة 1962 و كانت عادة للنور الواطى أما H3 فبدأت سنة 1964 و كانت للنور العالى. الH2 فشل لأنه كان عمره الأفتراضى قليل و كان بيحتاج تعديلات فى شكل الفوانيس.
الاختراع كان سنة 1971 و هو الH4 أول لمبة هالوجين تشتغل عالى و واطى.
الغريب انو كل اللمض الهالوجين كانت ممنوعة فى أمريكا لحد سنة 1971 و لحد دلوقتى الH4 لسه ممنوعة بس اللى مش ممنوع لمض اسمها sealed beam,فى اللمض ده اللمبه و العاكس و العدسة بيكونوا حاجة واحدة يعنى لو اللمبة اتحرقت، لازم تغير الفانوس كله.
ده صورة الH1http://www.servicelighting.com/catpics/eiko/40124.jpg
صورة الsealed
http://parliamentcoach.com/osc/images/H6054.gif
الH4http://www.easybizchina.com/picture/...131C5D66B8.gif
الH7
http://image.made-in-china.com/2f0j0...ow-Yellow-.jpg
بص المفروض قانوناً انو محدش له الحق انو يقلك نور النور الواطى و العالى فى الكمين بالذات لو انت داخل صح على الكمين و طافى النور كله ماعدا التابلوه. و برده مينفعش فى كمين يقولك افتحلى الكابوت عشان يشوف الأجهزة بتاعت الزينون موجودة ولا لأه إلا طبعاً لو معاه تصريح من النيابة. بس كل ده تحت بند "المفروض" بس اعرف انو لو قالك قلبلى النور و افتحلى الكابوت و الكلام ده فهو ناوى على نية سودا و حيتلكك على أى حاجة ساعتها حيعملك مخالفة على أى حاجة.:beatdeadhorse5:
بس بأمانة أنا بقالى بتاع سنة ماشى بيه و محدش قاللى حاجة رغم انى عديت من كماين كتير.
بخصوص الفحص معنديش أى فكرة بس أنا شخصياً يوم الفحص بس حفك الموديولاتور ( العلبة المربعة اللى بتشغل لمبة الزينون) عشان المهندس هناك بيتلكك على اى حاجة و حسيب اللمض راكبة أو حتى ممكن أركب اللمض الأصليه و بعد ما اليوم الرهيب ده يعدى حركبه تانى و خلاص و الموضوع حيكلفنى 50 ج عند أى كهربائى. بس برده ممكن حد من الأعضاء يبقى عنده فكره على موضوع الزينون فى الفحص
جزاك الله خيرا ياباشا .... وربنا يبعد عن حضرتك وعنا كل سوء باذن الله