الموضوع: أنـت ... مع أو ضــد , أن بروتون تغلــى ؟؟؟

السلام عليكم ورحمة الله وبركاته

اولا يا رب تكون موفق فى الامتحانات وتنجح السنة دى على خير يا ايمن ان شاء الله

ثانيا بالنسبة لموضوع زيادة السعر اخشى ان يكون عندك خلفية عن حاجة مستقبلية زى دى من داخل التوكيل يا ايمن يعنى الموضوع مش مجرد تساؤل ليه؟؟؟؟؟
اى سلعة فى الدنيا ليها مزايا وعيوب وكل واحد بيقيم العيوب والمزايا دى ويقرر سواء يشتري او لا بعد ما يحط العيوب فى كفة والمزايا فى كفة ويشوف ايه اللى هيرجح

بالنسبة لبروتون لو بصينا لمزاياها باختصار كماليات عالية وامان وشكل وثبات بسعر مناسب وعيوبها برضه باختصار عيوب تقفيل بتظهر بشكل غير منتظم كل واحد ونصيبه وارتفاع نسبى لقطع الغيار بالاضافة لعدم انتشارها حتى الان بشكل كبير خارج القاهرة والاسكندرية اللى بياثر على سعر اعادة بيعها ومبيشجعش ناس كتير من الاقاليم انهم يشتروها ومش عاوز اقول ان فيه ناس كتير ميعرفوش لسه بروتون اصلا

طيب لو جيت وشلت من كفة المزايا ميزة خطيرة جدا زى السعر ويتنقل لكفة العيوب بمعنى انك تزود سعرها بدون اى اضافات تستاهل بمعنى زيادة سعر كده وخلاص ( بلطجة ) طب ايه اللى هيكونوا مستنينه خاصة ان الرقم على الرغم انه مش كبير اوى الا انه هينقل البروتون من شريحة سعرية لشريحة تانية خالص هتخلى ناس كتير هتضطر انها تدخل عربيات كتير فى مقارناتها مع بروتون عند شراها الصراحة مقارنة هتكون ظالمة لبروتون لانك كده هتقرب رسمى من الالنترا والسيراتو والصنى وهتلاقى واحد يقول طب ما احط الفين تلاتة كمان على تمن البروتون واجيب المضمون او اللى ماشى فى السوق او اللى ابيعه وما اخسرش فيه وده طبعا عمره ما هيصب فى مصلحة بروتون .

نجاح بروتون فى مصر حاليا وتقدمها النسبى كل يوم مبنى على معادلة متشابكة من كل مزاياها اللى ذكرتها مش على ميزة واحدة او اتنين بس لو شلت اهم عنصر من عناصر المعادلة دى وهو السعر ما تتوقعش خير طبعا انا مش خبير تسويق بس ده رايي المتواضع و قد يكون غلط او صح .

انا كل كلامى السايق فيما يخص الناس بشكل عام مش الناس اللى العربية دى تحديدا عشق ليهم ومش هتفرق معاهم الفين من تلاتة زيادة فى شراها وانا واحد منهم انما الناس اللى عاوزة تشترى عربية وخلاص وهم طبعا النسبة الاكبر بيحسبوها بطرق اخرى

يارب لو التوكيل بيفكر فعلا فى زيادة السعر يكون دارس الموضوع كويس جدا ومن كل الجوانب عشان ميجيش يوم نقول ياريت اللى جرا ماكان

سلامى للجميع

لأ طبعا دا هيقلل الاقتناع

انا بصراحة بحب امكانيات اي بروتون ويرا واجا جين2 وبيرسونا وساجا استجابة محرك وانظمة تعليق من لوتس وصاج وعوامل امان وحبيتها اكتر لما قريت موضوع واحد عمل حادثة بيها جين تو واتقلبت بيه 12 13 مرة وزحفت علي سقفها 60 متر وطلع سليم تقريبا ده لانه خد بيها غرزة علي 180 بس ومن سوء حظه وتقديره ان نص نقل لمسته او بمعني اصح هو لمسها تقريبا انا دقة قديمة شوية ممكن استغني عن زجاج كهربا وسعرها يرخص وانا مبحبش السرعة ولا التهور لكن يكون معايا عربية تسعفني في اي زنقة وما اكثرها زي مثلا عاوز تتخطي عربية نقل محملة وخايف حاجة منها تقع عليك وهكذا