الموضوع: ايهما تفضل ( النترا ام سيراتو ام كروز ) ؟

المشاركة الأصلية كتبت بواسطة tarekabosdera

مع احترامي لجميع اصحاب السيارات الاوروبية .

هناك خلط . فالبعض يعتقد انه بمجرد ان سيارته مصنوعة في دولة في قارة اوروبا اصبحت سيارة سوبر .

ليس كل الاوروبي سواء وليس معنى انها اوروبي انها تناطح البي ام دبليو والمرسيدس . وليس معنى انها مملوكة بالكامل لفولكس فاجن انها في نفس المستوى , شتان بين الاثنين . وكذلك مثلا تويوتا ودايهاتسو.

ان السيارات الكورية أصبحت الان الاكثر مبيعا في العالم وهذا يدل على ثقة الناس فيها وخصوصا هيونداي التي اصبحت الرابعة عالميا .

ان مقياس السيارة السيارة الممتازة هو مقدار ما تم دفعه من مال مقابل الجودة والاعتمادية والأمان اولا والتصميم الجيد ( أقصد الشكل الجذاب ) والكماليات ثانيا .

اما بالنسبة للمقارنة المطروحة :
اعتقد انها محيرة جدا وعايزة حسابات دقيقة شوية نظرا لتفوق كل سيارة في جوانب معينة . لكن رأيي الشخصي ان لو انا اتحطيت في المقارنة ده هطلع السيراتو وهيكون الخيار بين الالنترا والكروز .

اولا من ناحية الماكينة فالسيراتو مطابقة للالنترا .
ثانيا العفشة وهنا سبب رفضي للسيراتو لانها عربية تمنها غالي واغلى من الالنترا وعفشتها من الخلف بدائية جدا زي البومة ( لينك واحد من الخلف ). مما يعطى عدم الراحة في شوارع مصر .

ثالثا : عيوب التقفيل والصناعة كثيرة في سيارات كيا كما نرى في المنتدى وخارج المنتدى مما يؤدي للقلق عند الشراء. واعتقد ان هذا هو سبب الفارق الكبير بين مستوى شركة هيونداي وكيا في تقارير الجودة العالمية حيث نجد ان هيونداي متقدمة فقد تأخذ المركز الاول كما في الالنترا لسنة 2009 وتجد الكيا في اواخر القوائم رغم انها مملوكة لشركة هيونداي !

رابعا : الكيا بشكل عام لها اصدار محدود من فئات السيارات وليس كهيونداي التي تنتج جميع الفئات من اول i 10 الى الايكوس مما يعطي انطباعا انها شركة قادرة على منافسة كل المستويات وانه من اليسير عليها عمل سيارة من فئة الالنترا مثلا بجودة عالية جدا .

خامسا : جودة خامات السيراتو اقل من جودة خامات الالنترا والفرق واضح .

كلام زي الفل و ده رأيي في المقارنه بين ال 3 عربيات

المشاركة الأصلية كتبت بواسطة romeo_6887

برضه مفيش فايده في الكلام اللي يحرق الدم ده

عزيزى دى حقيقه ...
الالنترا مجرد صاج .. ولايوجد دعامات فولاذيه
يعنى اى خبطه لاقدر الله .. بقت علبة سردين....
دى وجهة نظرى وبلاش نضحك على بعض ونبص عالمظهر ونسيب الجوهر
امان مفيش ... زيروووو

المشاركة الأصلية كتبت بواسطة hosam_optrawy

كلام مش مظبوط ؟ هو بالعافيه :)

والله العظيم الكروز كورى 100 % مفيهاش مسمار مصرى وياريت لو تعرف حد عنده كروز يوريك الافراج الجمركى

مصنع شيفروليه 6 أكتوبر بيجمع اللانوس والأفيو وأخيرا الكابتيفيا

غير كدا الباقى كورى 100 %

برضه الدكتور حسن لسه مش مصدق ان الكروز كوري

المشاركة الأصلية كتبت بواسطة dr_hassan82

عزيزى دى حقيقه ...
الالنترا مجرد صاج .. ولايوجد دعامات فولاذيه
يعنى اى خبطه لاقدر الله .. بقت علبة سردين....
دى وجهة نظرى وبلاش نضحك على بعض ونبص عالمظهر ونسيب الجوهر
امان مفيش ... زيروووو

هو ده الامان بس في وجهه نظرك حضرتك
الصاج و بس
و مش مشكله ال abs و لا الايرباجز و لا اي حاجه تانيه
تعرف بقي
انا هكتب موضوع هثبتلك فيه ان الصاج الخفيف اللي مش عاجب حضرتك
افضل من الصاج التقيل اللي حضرتك مبسوط بيه

المشاركة الأصلية كتبت بواسطة romeo_6887

برضه الدكتور حسن لسه مش مصدق ان الكروز كوري

حبيبى الكروز تبع شيفروليه .. والمفروض تبقى امريكى ..وحتى لو .تقفيل كورى ...
ايه الفرق لما تتقفل فى كوريا الان وفى مصر مستقبلا كما مخطط له من منصور
... سيان من وجهة نظرى ...
محسسنى انها المانى ...
اضافه الى ان التقفيل الكورى للعربيات اللى بيتجى مصر يختلف كتير عن التقفيل ... للعربيات اللى بتروح امريكا واوروبا مثلا
لان الناس فرحانه انها باعت مش عارف كم مليون عربيه فى 2009 ....
لان الهيونداى بره مصر يستحق ان نشتريه .. مش فى مصر المحروسه

المشاركة الأصلية كتبت بواسطة romeo_6887

هو ده الامان بس في وجهه نظرك حضرتك
الصاج و بس
و مش مشكله ال abs و لا الايرباجز و لا اي حاجه تانيه
تعرف بقي
انا هكتب موضوع هثبتلك فيه ان الصاج الخفيف اللي مش عاجب حضرتك
افضل من الصاج التقيل اللي حضرتك مبسوط بيه

خلى الطابق مستور .. انا قلت اشير فقط الى الهيكل الخارجى للسياره والذى يعتبر خط الدفاع الاول
وبلاش نتكلم فى الحاجات التانيه ...زى Abs وebd tca esp وووووو
لان المنظر ساعتها مش هيكون حلو ...وهنضحك للصبح

المشاركة الأصلية كتبت بواسطة dr_hassan82

حبيبى الكروز تبع شيفروليه .. والمنفرض تبقى امريكى ..وتى لو .تقفيل كورى ...
ايه الفرق لما تتقفل فى كوربا الان وفى مصر مستقبلا كما مخطط له من منصور
... سيان من وجهة نظرى ...
محسسنى انها المانى ...

ربنا يباركلك في الليون بتاعتك
و خلينا في العربيات الكوري الورق بتاعتنا
تمام كده يا سعاده الباشا

المشاركة الأصلية كتبت بواسطة dr_hassan82

خلى الطابق مستور .. انا قلت اشير فقط الى الهيكل الخارجى للسياره والذى يعتبر خط الدفاع الاول
وبلاش نتكلم فى الحاجات التانيه ...زى abs وebd tca esp وووووو
لان المنظر ساعتها مش هيكون حلو ...وهنضحك للصبح

ماشي يا سيدي
العربيات الاوروبي افضل من الكوري
و الكوري ورق و مفيهوش عوامل امان
و الاوروبي صاجه ناشف و فيه كل عوامل الامان
تمام كده يا باشا