و يا ريت مع ذكر الاسباب بطريقه عمليه عشان يكون الاستفتاء ده مرجع لكل الناس اللي محتاره بين ال 3 عربيات دول
عرض للطباعة
و يا ريت مع ذكر الاسباب بطريقه عمليه عشان يكون الاستفتاء ده مرجع لكل الناس اللي محتاره بين ال 3 عربيات دول
انا شخصيا مبحبش التلاتة بدون سبب
الالنترا من غبور
والسيراتو شكلها حلو بس مش مرتاح لها
والكروز مش بحب شيفروليه نهائي
اعتقد الموضوع مفيهوش حيره رغم ان التلاته ممتازين لكن كل واحده لها مميزاتها عن التانيه
يعنى مثلا الالنترا هى الأرخص فى السعر يليها السيراتو ثم الكروز اغلى واحده
فاللى بيبص للسعر هايجيب النترا
اللى بيفكر فى الشكل الحديث هايفكر فى الكروز والسيراتو مش الالنترا خاصة ان هاينزل منها شكل جديد على اخر السنه دى
اللى بيبص للاوبشنز هايختار سيراتو لان موجود فيها تجهيزات وكماليات مش موجوده فى العربيتين التانيين
اللى بيبص للامان هايختار الكروز ثم السيراتو ثم الالنترا
اللى بيبص للموتور والسحب هايختار الالنترا والسيراتو واخيرا الكروز
اللى بيبص للانتشار يبقى الالنترا ثم السيراتو ثم الكروز
اللى بيبص للوكيل والخدمه هايختار كيا ثم شيفروليه ثم هيونداى
اللى بيبص لقطع الغيار وتوافرها واسعارها يبقى النترا ثم سيراتو ثم كروز
الكروز والاسباب
1- الشكل ازواق ( بس رأيى الكروز مرسيدس)
2- الامان (5 نجوم فى الكروز)
3- الاداء رغم انه 107 حصان لكن الفتيس ال 6 سرعات مخلى اداءها افضل من السيراتو ال 124 حصان مع مراعاة فرق الوزن
4-ثبات (ممتاز فى الكروز )
5- عدم انتشار فى رأيى ميزه للكروز
ارتياح نفسى شخصى طبعا للكروز جدا
طبعا ده رأيى الشخصى
المنافسة في صالح الكروز مع اني شايف ان في تهريج في السعر .. ولو وسعت الدايره شوية ممكن تجيب فيات لينيا او مازدا 3 وتبقى اتنقلت لفئه تانيه من صناعة السيارات وهي الياباني والاوربي
الكروز بقت بتخطف انظاري لما بشوفها في الشارع, بجد عجبتني...
الكروز افضلهم
معايا النترا اوتوماتيك 2008
وان شاء الله هاجيب سيراتو وكروز
........................................
محمود عينو
سيراتو رغم الأقاويل
الإلنترا مبحبهاش مش عارف ليه
الكروز مفيش أمان abs ebd إلا في أعلى الفئات (فمحدش يقولي أمان و٥ نجوم) ده غير إن توكيلها عم منصور -الي شفت معاه الويل-
الالنترا أوفر لك
شوف فيات لينيا ساعتها هتكره الثلاثة عن تجربة
سيراتو
بالنسبة للكماليات
وكيل
رائعة
ولا وحده
الاولى كورى تعبان وبتضرب فتيس ... والتانيه شكل من بره بس ومن جوه يعلم الله
والثالثه ايضا تقفيل فى مصر فى 6 اكتوبر واى حاجه بتتقفل فى مصر لاتسوى شىء
والثلاثه
من الداخل تقفيل بلاستيكى بحت من عند الهلال والنجمه الذهبيه
والصراحه انا اتعودت على الاوروبى .. ومش بطيق الاسيوى شكلا ومضمونا
مع احترامى ليك ياريت لما تقول حاجه تبقى متأكد منها لان فى الاف الاعضاء بيقروا كلامك وممكن يصدقوه
الالنترا كورى تعبان وبتضرب فتيس ؟ عمرى ماسمعت شكوى واحده من فتيس الالنترا او السيراتو
السيراتو شكل وبس ؟ كلام مش مظبوط طبعا
الكروز بتتقفل فى 6 اكتوبر ؟ الكروز كورى 100 %
والتلاته بلاستيك من الهلال والنجمه ؟ بصراحه كلام يضحك
مش معنى انك اتعودت على الاوروبى ومش بتطيق الأسيوى تقول كلا مش مظبوط
اولا الفتيس الكورى اللى مش عاجبك فى عربيه زى الكروز مثلا
فتيس اوتوماتيك تبترونيك 6 سرعات من جنرال موتورز وبينزل كمان فى الاوبل استرا 2010 وبعض العربيات اللى احنا مانحلمش نشوفها فى مصر
عربيتك الاوروبى ( الليون ) فتيسها ايه ؟ فتيس عادى مانيوال 5 سرعات
موتور السيراتو 124 حصان وموتور الانترا 121
عربية حضرتك الاوروبى ( الليون ) كام حصان ؟ 102 باين ( الفيرنا تعلم عليك مستريح )
هيونداى سنة 2009 باعت 3 مليون و 106 الف و 762 عربيه
سيات باعت كام عربيه ؟
الكورى فى مصر صيانته سهله وقطع غياره متوفره ومش غاليه ولما تيجى تبيعه يجيب فلوس
الليون اخبارها ايه فى الكلام دا ؟؟؟
ارجو بلاش تعصب لعربيات معينه
احنا عارفين ان الاوروبي افضل
بس منتكلمش عن الكوري بالطريقه دي
و حضرتك محسسني ان الناس اللي بتشتري العربيات دي مبتفهمش
و بعدين ال 3 عربيات متقفلين في كوريا و خاماتهم كويسه
ارجو مره تانيه بلاش تعصب و يا ريت طريقه الحوار تكون افضل من كده
تاني dr hassan هو حضرتك مش عاتق ولا برافو ولا أي عربية واولهي كرهتني فـأم الليون محسسني إنها فراري وهي ولا حاجة
لو عايز مانيوال بص على الفيات لينيا
لو عايز اتوماتيك بص على رينو فلونس الجديده
دول لو العربيه هتعد معاك اكتر من 4 او 5 سنين
لو العربيه هتعد معاك أقل من كده شوف انت ميال لانهي واحده من التلاته الل حضرتك ذكرتهم
وان كان راي ان الالنترا بدأت تبعد شويه بشويه عن المنافسه مع الاتنين التانيين
ياعم انا بقول وجهة نظرى ... انت مالك بس
حاجه عجيبه والله
هتحجر عليا كمان وتمنعنى اقول رأيى
انا مجبتش سيرة الليون خالص ...فى ردى الاولانى اما امرك عجيب اوى
انا بتكلم على الاوروبى عموما ..
وبعدين تحس انها فيرارى لامبورجينى استون مارتن... انت حر ..
هى عاجبانى .. مانيوال .. وبالفتيس dsg كمان ...
Dr.Hasan
يسعدنى الرد على خضرتك فى المواضيع الساخنة دى :36_3_10[1]: ... بهزر مع حضرتك متزعلش بس ليا تعليقات ...
فتيس الليون Dsg سبع سرعات واول مره ينزل الشرق الاوسط .. اختراع شركة فولكس
فتيس الDSG مش إختراع الفولكس فاجن ولا حاجة .... الفتيس ده إختصار لDirect Shift Gearbox ... و هو بيعتمد على فكرة 2 إسطوانة دبرياج ... و النظام ده إسمه Dual Clutch Transmition
و ده العديد من الشركات بتنزله .. مش إختراع فولكس ولا حاجة , إخترعه عالم إسمه Adolphe Kégresse فرنسى الجنسية ...
و الفتيس ده بينزل فى السوبر كارز من زمااااااااااااااااااااااا اااان ... مش إختراع ولا حاجة ..
و الفتيس ده بتنزله عربيات كتير جدا ... حتى هوندا و هيونداى ... فى عربيات معينة ..
ثانيا الليون مش هتعلم على عربيات كتير لمجرد ‘نه نزل فيها DSG ... مجرد هيفرق فى التسارع كسور من الثانية ... مش أكتر ... يعنى الليون الMPI بتجيب ال0-100 فى 11.7 ثانية .... الdSG هيخليها تجيبهم فى 11.2 ثانية مثلا ... لكن مش هيخليها يعنى تجيبهم فى 5 ثوان!!! .... دى قصة الDSG كلها ...
ثانيا ... حضرتك بقيت العربيات إللى بنفس سعر الليون تقريبا نفس التقفيل ... الليون مش إسطورة يعنى ... الليون عربية ب143 ألف جنيه ... مش 600 ألف!!
تقفيل البى إم دبليو و المرسيدس فى مصر مع إحترامى لحضرتك قمة فى التقفيل و فعلا فعلا مايفرقش عن الألمانى حاجة ... حتى لو فرق ده لازم إللى يطلعه يبقى خبير شغال أصلا فى مجال تقفيل العربيات عشان يقول الفرق ... لكن مستوى التقفيل ممتاز ...
و التقفيل المصرى فعلا حلو فى عربيات كتير ... أعترف فعلا ...
ثانيا الكروز كورى 100% .... مافيش مصرى منها ... حضرتك جيبلى مصدر المعلومة منين ... لأن مافيش أى مصدر على الإنترنت بيقول إن التقفيل فى حته تانية ... كوريا و أمريكا و روسيا و تايوان و أستراليا ... مافيش مصر أصلا ....
نرجو من حضرتك التأكد من المعلومات عشان متضللش مشتريين تانيين ... :majd(4):
الكروز واخدة 16\16 فى التصادم الأمامى فى إختبارات السلامة الأوروبية ... شيفروليه أبدعت فى العربية دى فعلا ... على فكرة مصممين العربية دى أمريكان من شيفروليه مش مجرد كوريين بس ... يعنى شغل أمريكانى عالى ....
رأيى بقى فى العربيات الكورى إنها عربيات ممتازة بالنسبة لسعرها جودة و خامات و تؤدى الغرض و تدينى إللى أنا عايزة بسعر حنين على الجيب ...
الكروز طبعا
بحس انها فئة تانية غير السيراتو
كروز أفضل ... على الأقل تبقى متينة وجبارة وتتحمل الأسية.
Doctor hassan is intolerable pathetic european car biased gentle man.. though.. he's just pissin' him self for nothing.. n Hosam_Optrawy whom i guarantee that he knws much more than that " doctor " a million times neiled him by his amazing convincing way.. God Bless u Hosam.. n u doctor.. Stay the way u r wid ur super car " Seat Leon " MISERAVBLE n LONELY
انا مصدقك من غير حلفاناقتباس:
واحد صحبى والله جابها وضربت فتيس معاه بعد 3 ايام ... وراح للتوكيل وعملهم فضيحه ..
وكانو عايزين يغيرولو الفتيس .... بس هو مصر ياخد وحده جديده
بس يمكن مايكونش الواحد ده مقياس بس عربيه زيرو تضرب فتيس بعد 3 ايام جديده دى صراحه
بس دى حاله فرديه ووارد جدا تحصل فى اى عربيه حتى لو اوروبى
ودور حضرتك فى المنتدى هاتلاقى بى ام جابت موتور بعد 5 الاف كم وأمثله تانيه كتيره
فاحنا المفروض مانمسكش على الحاله الفرديه احنا ناخد بالنسبه الاكبر
والنسبه الأكبر ماشيه عادى بدون مشاكل
اقتباس:
ده وجهة نظرى انا شفت تقفيلها من الداخل وكله بلاستيك فى بلاستيك .
. وخامات رديئه ..جدا
وجهة نظرك تحترم طبعا ومعنديش اعتراض عليها
انا اعتراضى على المبالغه فى وصف الرداءه والبلاستيك والهلال والنجمه والحاجات دى لان دا مش حقيقى
اقتباس:
كلام مش مظبوط بتتقفل فى مصانع منصور شيفروليه فى 6 اكتوبر
وروح شوف البى م لما خدتها البافاريه وبقت تتقفل فى مصر قد ايه بقت مليانه عيوب
وبنتكلم عن بى ام فما بالك بشفروليه منصور
كلام مش مظبوط ؟ هو بالعافيه :)
والله العظيم الكروز كورى 100 % مفيهاش مسمار مصرى وياريت لو تعرف حد عنده كروز يوريك الافراج الجمركى
مصنع شيفروليه 6 أكتوبر بيجمع اللانوس والأفيو وأخيرا الكابتيفيا
غير كدا الباقى كورى 100 %
اقتباس:
فتيس الليون Dsg سبع سرعات واول مره ينزل الشرق الاوسط .. اختراع شركة فولكس
على عينى وراسى انا بس حبيت أوضحلك ان العربيات الكورى بقى بينزل فيها حاجات حديثه ومتطوره وبتنزل فى عربيات المانى مش اى كلام
اقتباس:
احنا مش داخلين سباق فورميولا .... ورغم كده الليون تعلم على كل دول بالشورت جير وبالفتيس الجديد Dsg
معاك حق اخنا مش فى سباق وانا مش من هواة الجرى بس كل واحد وليه اهتماماته وطرية تفكيره ممكن واحد يقول ازاى اشترى عربيه ب 150 الف جنيه موتورها 102 حصان
اقتباس:
مش مقياس .. انت عارف الشعب المصرى بيحب يقلد بعضه ...
وفيه عادات سيئه كتير فى السوق المصرى وده شىء معروف وبديهى
اقتباس:
والله ده حسب المشترى ...
فيه واحد يجيب العربيه يفكر فى الفلوس لما يبيعها .. وده راجع للسوق المصرى الغريب .. فى اتجاهاته
وفيه واحد يفكر يجيب عربيه محترمه يركبها يتمتع بكل مميزاتها من ثبات وامان
اوك دى وجهة نظرك
اقتباس:
ركزلى او على كلمة امان اللى يعتبر زيرو فى كل العربيات الكورى وده مش فيه اى نقاش ولف ودوران اكيد
بدون اى نقاش ولف ودوران ؟
واضح انك مش متابع
ياريت تدخل موقع الاختبارات الأوروبيه EuroNcap او تدخل الموضوع اللى فى توقيعى
هاتكتشف ان الكروز ( الكورى ) معديه عربيات مرسيدس وبى ام وأودى وأوبل وفولكسفاجن فى الأمان
وطبعا مش انا اللى عامل الاختبارات دى ولا مزور فيها دى أفضل وأقوى وأصعب اختبارات معترف بيها فى العالم كله
فمعلومة ان الأمان فى الكورى زيرو دى معلومه خاطئه 100 %
برضه موضوع قطع الغيار المعمره دا مبالغ فيهاقتباس:
بصرف النظر عن الفلوس .. وبعدين كل برغو وعلى قد دمه
اما بخصوص قطع الغيار فكل اللى فى السوق تايوانه مضروب
اما قطع الغيار الاورويه .. بتكون معمره وتستحمل.. وليست استهلاكيه ..زى الزوالزيت ولسكر
لان لو تيل الفرامل الكورى اللى بيقعد 30 الف كم
مستحيل تيل الفرامل الالمانى يقعد فى العربيه 100 الف كم مثلا
مع احترامي لجميع اصحاب السيارات الاوروبية .
هناك خلط . فالبعض يعتقد انه بمجرد ان سيارته مصنوعة في دولة في قارة اوروبا اصبحت سيارة سوبر .
ليس كل الاوروبي سواء وليس معنى انها اوروبي انها تناطح البي ام دبليو والمرسيدس . وليس معنى انها مملوكة بالكامل لفولكس فاجن انها في نفس المستوى , شتان بين الاثنين . وكذلك مثلا تويوتا ودايهاتسو.
ان السيارات الكورية أصبحت الان الاكثر مبيعا في العالم وهذا يدل على ثقة الناس فيها وخصوصا هيونداي التي اصبحت الرابعة عالميا .
ان مقياس السيارة السيارة الممتازة هو مقدار ما تم دفعه من مال مقابل الجودة والاعتمادية والأمان اولا والتصميم الجيد ( أقصد الشكل الجذاب ) والكماليات ثانيا .
اما بالنسبة للمقارنة المطروحة :
اعتقد انها محيرة جدا وعايزة حسابات دقيقة شوية نظرا لتفوق كل سيارة في جوانب معينة . لكن رأيي الشخصي ان لو انا اتحطيت في المقارنة ده هطلع السيراتو وهيكون الخيار بين الالنترا والكروز .
اولا من ناحية الماكينة فالسيراتو مطابقة للالنترا .
ثانيا العفشة وهنا سبب رفضي للسيراتو لانها عربية تمنها غالي واغلى من الالنترا وعفشتها من الخلف بدائية جدا زي البومة ( لينك واحد من الخلف ). مما يعطى عدم الراحة في شوارع مصر .
ثالثا : عيوب التقفيل والصناعة كثيرة في سيارات كيا كما نرى في المنتدى وخارج المنتدى مما يؤدي للقلق عند الشراء. واعتقد ان هذا هو سبب الفارق الكبير بين مستوى شركة هيونداي وكيا في تقارير الجودة العالمية حيث نجد ان هيونداي متقدمة فقد تأخذ المركز الاول كما في الالنترا لسنة 2009 وتجد الكيا في اواخر القوائم رغم انها مملوكة لشركة هيونداي !
رابعا : الكيا بشكل عام لها اصدار محدود من فئات السيارات وليس كهيونداي التي تنتج جميع الفئات من اول i 10 الى الايكوس مما يعطي انطباعا انها شركة قادرة على منافسة كل المستويات وانه من اليسير عليها عمل سيارة من فئة الالنترا مثلا بجودة عالية جدا .
خامسا : جودة خامات السيراتو اقل من جودة خامات الالنترا والفرق واضح .
مش فاهم يعنى ايه مش كل الاوروبى
الاوروبى هو الاوروبى .... من غير لف ولا دوران او كلام مرسل
يكفى ان الالنترا صاج ورق .. ومستوى امان زيروووووووو
اضافه الى ان الهيونداى اللى بره مصر حاجه واللى فى مصر حاجه تانيه
شتان الفارق
وانا شايف ان الانترا بعيده عن المنافسه
المنافسه بين الكيا .... والكروز ..
انا شايف ان الالنترا اتحرقت خلاص فى السوق
وانا شايف ان الكروز احسن الوحشين .....
بسبب مستوى الامان بتاعها ... الذى يعد حاله استثنائيه ونادره فى الكورى عموما