YouTube - ‫ط§ظپط±ط§ط. ط§ظ„طµط¹ظٹط¯‬‎
عرض للطباعة
يالهوى دة لو واحد اتمسك بس بفارغ طلقة فى جيبة بيتنفخ
همة بيجيبو السلاح دة منين يخربيت كدة
بس بصراحة عجيبنى قوى الحتة الى الاول دى الى لونها سيلفر
لا واية مش حتة المعادى لا
دى روسى كلاش على ابوة
دى تلاقيها بالشىء الفلانى
الا هوة تمنة كام صحيح
والله انا اخر حاجة مسكتها كانت البندقية الرمسيس الرش نمرة 2 حاجة عظمة كنت بطفش بيها الصقور اخرى
يانهار اسود دة في وسط سكن
افرضوا بقي الرصااص دة جة في حد
همة فعلا بيضربو بغشومية بس برضة رافعين السلاح لفوق
يعنى صعب طلقة تييجى فى حد واكيد قدامهم حتة فاضية همة مش غشم للدرجة دى
انا الى مستغربلة همة الحكومة مبتعديش خالص وتشوف المناظر دى ولا اية
وبعدين دة الالى دة اساسا ممنوع ترخيصة فى اى حال وحتى الحراسات الخاصة بتبقى متسلحة بطبنجة مش آلى
انما بالمنظر دة محسسنى انهم شايلين بندقية رش نمرة 2 مش سلاح آلى
لا وشايلين حتت بنت لاذينة يعنى مفيش واحد وهوة بيضرب كدة طلقة كدبت منة ولا السلاح عطل لا عادى شغال طاخ طاخ طاخ
الالي بيترخص يا باشا لحمايه الاراضي الزراعيه تقريبا علي ما افتكر
وغير كده كميه السلاح الموجوده في الصعيد دي من ايام حرب القناه
لما كانو بيحطوا الاسلحه في براميل ويسيبوها تعوم لحد الناحيه التانيه
وكان فيه براميل التيا بيرميها علي الصعيد
وكل بيت صعيدي فيه اسلحه كتير
وعيب اوي هناك انك متشيلش سلاح
الناس تبصلك علي انك ولامؤاخذه يعني
غير كده بقي الحكومه هناك ليها وضع تاني
لان بيوت الصعيد كلها مترابطه جدا
ويعتبروا قرايب فصعب ان الحكومه تجبرهم علي حاجه
غير ان جزء كبير من افراد الحكومه هناك هما من اولاد البلد والصعيدي مش بيعض في اخوه
ولما بتيجي الحكومه تلم السلاح كل عيله بتطلع حتتين تلاته خربانين وبيقولوا دا السلاح اللي عندنا
اية الفرح السيس دة ؟ مفيش حد فرقع ولا قنبلة واحدة توحد ربنا
قمة التخلف والجهل:dontudear::::dontudear::dontudear::dontudear:::
يا رب ارحمنا
انا لما بشوف كده و الله شويه الامل اللى عندى بيروحوا
ليه حق يقعد 30 سنه و يجيب ابنه و قرايبه كلهم و لينا حق يخصل فينا كده
ارحمنا يا رب
افراح الصعيد حاجه تانيه غير الافراح الي نعرفها .. ضرب نار و فرح 3 ايام و دبيح العجل و لحمه بالكوم ..
تحس أطفال صغيرة شايلين مسدسات و مرسوم على وشهم ابتسامة مالهاش معنى
بس ألف مبروك
انا سألت عن اآلى دة مش بيترخص فعلا
الى بيترخص علشان اغراض الحراسة والاراضى والكلام دة هوة البندقية الخرطوش ام روحين دى انما سلاح آلى ممنوع ممنوع
السلاح دة مابيبقاش موجود غير فى الداخلية والجيش فقط غير كدة بيبقى ممنوع نهائى
على فكرة الكليب دة فى اسيوط فى حتة اسمها البدارى
انا كان معايا واحد زميلى فى الجيش من البلد دى البدارى
كنت تحط ايدك على عنية ويفكلك السلاح حتة حتة ويركبة ابن العفريتة فى ثوانى اقولة اية يابنى دة
يقولك عادى يا ابو عمو دة حدانا فى البلد حدانا العيل الصغير بيتعلمة من صغرة يفك ويركب الحتة
صاحبى دة عندهم بيجو 7راكب بيقولى انا رابطة تحت الكرسى فى البيدو (الى هية البيجو بس بينطقو الجيم دال مش عارف لية )
لا وكل واحد شايل شنطه العده على كتفه ميكنوش بيلعبوا عسكر وحراميه مع بعض
لاحول ولا قوة الا بالله دى حرب مش فرح
انا من اسيوط علي فكره
والبداري طبعا مشهوره بس مش كل الكلام الي حضرتك قلته صح
او بمعني تاني وسعت من صاحبك الي كان معاك في الجيش
لان السلاح مش لعبه لدرجة انه يكون مع عيل صغير كده
الافراح دي بتكون بتاعة العائلات الكبيره وكله يطلع الحته الي معاه ويجامل بيها
ودول مش غفر لان الغفر مبيرخصش ألي
وبعد الموضوع ده علي طول لازم تلاقي الشرطه جات بس طبعا مفيش حاجه بتبقي موجوده
كله بيختفي
بس لازم حد من النقطه يجي يثبت حاله يعني علشان الصوت ده كله
ومش اثبات حاله وبس بيجي علشان معرفة الناس الكبار دول وعلشان كمان بياخد الي فيه النصيب وهوا ماشي وبيتعمل معاه احلي واجب
لانه فرح بقي
الافراح الي بيبقي فيها ضرب نار معظمها يستمر تلات ايام وفي افراح اسبوع
اول يوم قران ودبح طبعا ومحدش يعدي من قدام الشارع الا لما يدخل الفرح وياخد واجبه (مش اكل وبس لانه بيبقي في حاجات تاني كتير) حتي ولو كان غريب
تاني يوم مدح النبي واشهر واحد طبعا عارفينه ياسين التهامي وبرضه بيبقي فيه دبح
وتالت يوم ده بيبقي فيه الدخله من بعد المغرب
ومن المغرب ولغاية اخر الليل طبل بلدي وطبعا بتبقي فيه النقطه
وبتوصل النقطه في الافراح دي لاكتر من 60 و 70 الف جنيه وساعات اكتر وبتعدي الـ 100 الف لو الفرح اسبوع
A.Yakout
هو حضرتك شايف إن إطلاق الرصاص و الأعيرة النارية في وسط تجمع سكني قمة في التحضر و التقدم ?
ههههه
حرب دي ولا ايه؟
والله يا نبستر انا كنت بقول كدة برضة الواد دة شكلة كان بينخع عليا بس
عادى بقى خلى صدرك واسع اسمع من هنا وطلع من الناحية التانية
:dontudear: محدش يضرب نار .. .............. !! :wink:
إنذار بمخالفة القاعدة 9 فقرة أ
أرجو مراجعة قوانين و قواعد المنتدى
مشرف الإجتماعي 2
انا مش عارف مشاركتي اتحذفت ليه .. مفيهاش اي شئ مخالف ... اول مرة اخد انذار ... عموما شكرا للادارة
لو سمحت بلاش الردود الصغيره دي
انا طلبت منك تفسير لردك
دخل ايه الناس دي بحسني وحاشيته و 30 سنه
معاك انه تصرف مش سليم
ايه علاقته بقي بقعاد حسني وانه يورثه ولا ميورثوش
ولا احنا بنعلق دايما سلبياتنا علي شماعة الناس التانيين
ان كان علي كلامك ده السبب فالشعب كله مشترك في كده بسلبيته
مش بسبب كام واحد بيضربوا نار(يابيه)
ليه دايما بنخلط الامور ونخلط الورق كده؟؟
وفي اي وقت نقول اي كلام علشان نثبت اننا جدعان وبنفهم
رحمتك يارب
A.Yakout
ردك مش كويس
انا ارد مختصر او مش مختصر ديه حريه ليا انا
بس انك ترد باسلوب بتاع عشان نثبت اننا جدعان و اسلوب الحوار اللى من النوع ده فده غير مقبول و اسلوب اقل ما فيه ان هوه استفزازى
انا بقول حاجه انا شايفها و حاسس بيها و انا حر فى رأيى حضرتك طلبت تفسير و انا رديت رد مقتضب عشان مش عايش ادخل فى مناقشه مالهاش لازمه بالنسبه ليا دلوقتى - و ده انا حر فيه بس تتكلم عليا و تقول
"مش بسبب كام واحد بيضربوا نار(يابيه)
ليه دايما بنخلط الامور ونخلط الورق كده؟؟
وفي اي وقت نقول اي كلام علشان نثبت اننا جدعان وبنفهم
"
ايه يا بيه ديه؟!!!! و مين قالك ان فيه خلط للاوراق؟!!
الصعيد عايش فى جهل و الريف فى جهل برضه لما يبقى اسلوب الاحتفال بتقاليد باليه عفا عليها الزمن و الناس فى اديها سلاح الحكومه ماتعرفش عنه حاجه و سايباهم عشان مصالح مشتركه يبقى اللى بيتعمل فى مصر ده طبيعى عشان الناس اللى بتحكم البلد عارفه ازاى تسيطر على الناس و تدى لكل واحد المساحه اللى بيلعب بيها
ناس بتضرب نار بالطريقه ديه و الاموال دى كلها مصروفه على سلاح عمره ما هيضرب بيه طلقه فى اى حاجه غير فرح و يبقى هوه ده الاساس
فى ظل غياب متعمد من الحكومه عشان الناس ديه ماتثورش ولا تقول اى ولا بم
يعنى هيه بتسيبهم بمزاجهم و شغل مجلس شعب و نواب المجلس و تضمن الناس ديه فى جيبك على طول و عمرهم ما يفتحوا بقهم و اكتر من شويه مخدرات و سلاح تحت عين الحكومه برضه هما مش عايزين
ولما حد منهم يخرج على النص ينسفوه و يخلوه عبره
و يخرج العائلات تصافح نواب المجلس و يوزعوا التركه على بعض
و ده كله وسط طناش عام بحال الدوله اللى هما فيها و اكتر من مبارك يزورهم كل كام سنه و لا حد من الوزرا و خلصت على كده
ده صوره عامه لمصر موجوده فى الفيديو ده
و الصوره ديه اللى خلت فيه واحد يحكم مصر 30 سنه و يورثها لابنه و احنا ساكتين
و لو سمحت لما تتكلم اتكلم باسلوب كويس و انا مارضتش اصعد معاك الكلام عشان فى العموم انا متابع مداخلاتك و فى الاغلب بقراها و بتبقى عاجبانى
طالما الللى حصل من ضرب نار ثقافة أهل الصعيد تحترم و بلاش نفرض ثقافتنا على الآخر .
مثال صغير : تقدر تشرب شاى حبر و عليه تقريباً كيلو سكر زى الناس هناك ؟؟
على فكرة الصعايدة دول اجدع ناس
كفاية ان الحكووومة بتاعتنا مش عارفة تاخد معاهم حق ولاباطل
وهو دة اللى يمشى مع الحكومة بتاعتنا تخاف متختشيش
وعلى فكرة الناس دى مبسووطة كدة ومش مدايقة من البلد ولا حاجة بالعكس الصعيدى يتغرب يتغرب وفى الاخر يرجع يبنى البيت بالمسلح فى البلد ويقعد فية .ولا فارقة معاهم جهل وتحضر وكلام المثقفين بتاعنا دة
احنا اللى مدايقين من البلد عشان ببساطة بناخد على قفانا واحنا ساكتين
كفاية انهم فى اى انتخابات بيبقو صوت واحد للى عاوزين يرشحوة ولا ممكن حد ينجح بدون رغبتهم عشان هو من الحزب الفلانى او تبع علان
احنا بقى اللى الانتخابات منعرفش عنها حاجة وكدة كدة اللى عاوزاة الحكومة هو اللى بينجح
:36_1_37[1]::36_1_37[1]:
اللى عايزينه هوه دائما مرشح الوطنى
و تظبيت التعيينات بتاع المحليات و العمد و التعيين و انتخابات مجلس المدينه و عيش بقى فى الفساد المدارى ده للركب
و هما مش فارقه معاهم
احنا هنا اللى بنتحرق عشان مصر مش كيان واحد
و احلى حاجه اللى قلته انهم لا فارقه معاهم جنيه اتعوم ولا فارقه اللى بيحصل هنا معاهم على الرغم انهم قوى مؤثره فى استقرار الاوضاع اللى احنا فيها ديه
عشان انت لما تتكلم و لا غيرك تتكلم مش عارف تاخد تأييد من الشعب عشان فى الاخر هييجى الراجل الكبير يقوم نازل هناك و كله يتلم و يهتف و خلصت الحكايه و دول شعبى حبيبى و هنعملكم كوبرى و ترعه و مصنع و تسقيف و اشوفكم الانتخابات الجايه
دة فرح دة ولا مذبحة المماليك؟
حضرتك احرجتني بالذوق
متستحقش الا اني ارفعلك القبعه احتراما (بغض النظر عن اي تجاوز في رد حضرتك)
انا اسف يمكن ردي جه كده بنوع من العصبيه لاني انا الي وسط الناس دي
حضرتك يمكن بتتكلم كده لانك مزورتش الصعيد
لاكن انا بدعوا حضرتك استضيفك عندنا كام يوم
الكام يوم دول هيغيروا فكرتك تماما عن كل فكره واخدها عن الصعيد
الصعيد مش الناس دي وبس
والصعيد مش هوا ضرب النار وبس
والصعيد مفيهوش مرشح الوطني وبس
الصعيد مش شوية فلاحيين وراكبين حمير وبس
الصعيد برضه مش هوا الشاي الحبر ابو كيلو سكر
زي ما عندكم يا اهل بحري في مدينه ومراكز وقري
ده نفس الحالي دلوقت في الصعيد
المدن بتاعة الصعيد لا تختلف في اي شيء عن مدن بحري والي جه وزار قنا واسيوط واسوان هيعرف انه لما كان عايش في القاهره مكنش عايش فعلا
نضافه و بلد منظمه مفيش بعد كده
وموضوع السلاح ده مش متساب مصالح مشتركه ولا علشان فلان ولا علان
والسلاح ده ليه فايده بره الفرح للناس الي عندها حيازات واراضي بمساحات مهوله
وعلي فكره معظم حتت السلاح دي مش مدفوع فيها قرش
لاني مفيش واحد هيشتري حته روسي اقل واجب تعملها 15 ولا 20 الف وتزيد كمان
ومعظم السلاح الي في الصعيد جه من سينا زمان
وحاليا مفيش جديد
يعني الي معاه حتة سلاح بيحافظ عليها ومش بيبيعها
بالنسبه بقي لنقطة انها فارقه او مش فارقه مع اهل الصعيد
زي ما انتا عندك نخوه علي بلدك اهل الصعيد زيك بظبط ويمكن اكتر منك (وده مش معناه انتقاص من نخوتك او وطنيتك)
بس المشكله في الشعب ككل و حالة التخدير الي عايش فيها الشعب كله مش اهل الصعيد بس
احنا في نفس الدوله وفـ مركب واحده وزي ما تعويم الجنيه هيفرق معاك هيفرق معايا
علي العكس انتا ممكن بعض السلع تكون عندك ارخص من عندي لان انتا المصنع جمبك
انا هتبقي عليا اغلي بحكم ان في مصاريف نقل واوقات بشتري سلع اغلي من سعرها الي في السوق (بس دي حالات قليله)
بس في المعظم لان الحياه ابسط شويه فالحياه ارخص شويه ومش معني كده برضه ان الرفاهيه هنا اقل من بحري
ومش احنا يا استاذ طارق الي بنهيص في الهصيه ونجري ورا الي هيعملنا كوبري ولا الي يعملنا ترعه لان الصعيد اكبر من كده دلوقت
A.Yakout
فيديو تاني لنفس الفرح
YouTube - ‫ط§ظپط±ط§ط. ط§ظ„طµظˆط§ظ…ط¹ظ‡‬‎
A.Yakout
الضرب كان شـــــــديـــد شــــديــد
الافراح من النوعية دي يا ما قلبت بمآتم
[overline][/overline][overline][/overline][overline][/overline]
[overline]
................................
[/overline]
لما نسمع ان واحد روحو طلعه بسبب ضرب نار في فرح يبقي قمه التخلف والجهل
لما ناس تموت في الافراح بسبب السلاح وضرب النار يبقي قمه التخلف واجهل
لما نستخف بحيات الناس يبقي قمه التخلف والجهل
لما نضرب نار في الهواء وانت عارف الطلقه تمنها كان بدون فائدة يبقي قمه التخلف والجهل
لما نزعج الناس بضرب النار ومتعرفش مين مريض ومين بيزاكر ومين نايم يبقي قمه التخلف والجهل
لما حتت عيل وراجل شحط كبير يمسك سلاح يضرب بيه في الهواء لمجرد الضرب في الهواء يبقي قمه التخلف والجهل
......................
- لقد تحول الحوار القائم إلى شخصنه وصراع شخصي وقد خالفتم بذلك القاعدة رقم (13) من قواعد المنتدى، لذا
فقد استحققتم انذار لمخالفة قواعد المنتدى.
يرجى مراجعة قواعد المنتدى
مشرف القسم 3