الموضوع: نسخة مفتاح مشفر

هاقول لحضرتك الموقف عندنا في ميتسوبيشي وبالتأكيد كل الماركات زي بعض :

- الأول العربيات اللي مفتاحها بدون تشفير بيكون مفتاح عادي للباب والكونتاكت (بغض النظر فيه ريموت كنترول يفتح الباب ولا لأ) وده بيطلع منه نسخه عادية رخيصة من بتاع المفاتيح والنسخة تفتح الباب وتدور المحرك من الكونتاكت

- نيجي للعربيات اللي مفتاحها بشفرة او مفتاح متشفر او تسمى ايموبيليزر ، ودي بيكون الغرض منها منع العربية من السرقة بحيث ان فيه شفرة معينة ترسل من المفتاح الى وحدة خلف الكونتاكت فاذا كانت الشفرة واحدة فان العربية هتدور واذا كان المفتاح مش مشفر أو فقد الشفرة اللي فيه فالمفتاح هيفتح الأبواب انما مش هيدور العربية

- وبالتالي انت لو عملت نسخة عادية في اي محل مفاتيح هتفتح الأبواب انما مش هتدور الكونتاكت لأنها هتكون مش مشفرة.

- طيب عاوز نسخة تانية مشفرة :

عندنا في التوكيل مثلا لازم تجيب اثبات شخصية انك صاحب العربية ومن الرخصة لازم يظهر ان معلهاش حظر بيع (لأن العربية اللي عليها حظر بيع بيكون المفتاح التاني في البنك اللي التقسيط تبعه واذا تم تغيير الشفرة مفتاح البنك مش هيدور العربية)

اللي بيتم هو وضع شفرة جديدة للمفتاح الجديد + الكونتاكت + المفتاح القديم وده بيكون بتكلفة عالية شوية في التوكيلات

- فيه محلات او مراكز مفاتيح بتعمل المفاتيح المشفرة بتكلفة اقل ، وفيه موضوع في خدمات نايل موتورز للأعضاء خصم خاص عند احد هذه المراكز

http://www.nilemotors.net/Nile/24919-a.html

أرجو تكون الصورة وضحت لكل الأعضاء