يا ريت يا ابو صلاح لما ترجع تقولنا اللى حصل معاك
عرض للطباعة
كفاية يا مستشار انتا هتقول اية اكتر من كدة يا عمنا والله احنا مش قصدنا نعيب الراجل ولا حاجة . بس دي وجهات نظر محمد عبدة كان عايز يا خد مني مبلغ كبير في طقم الشنبر مصنعية انا مرضيتش اقولك بس انا قولت علي المنتدي نص المبلغ دة وانتا قلتلي غالي علي المصنعية مش اكتر من كدة احنا بنحبك في الله وربنا يعملم بكدة وبنفذ اللي انتا بتقول علية بالحرف الواحد ويا ريت ان دة يكون اختلاف في وجهات النظر يا جماعة ولا يتعدي ذلك ابدا والله نفسي اشوفكم جدا
كلكم واتعرف عليكم وعايز رقمك ياباشمهندس ممدوح ان امكن .
ربنا يخليكم يا جماعة و انا فعلا مش زعلان من حد بس انا اتعلمت ابص للحاجة من زاوية الطرف الاخر و لان انا ليا خبرة - حتى لو كانت صغيرة - فى شغل الميكانيكا (شغل بالايد يعنى مش معرفة نظرية) فا اقدر افهم شوية فى تقدير المجهود و الشغل و اعرف فى التفاصيل الصغيرة اللى مبيعرفهاش الا اللى شغال بايدة فعلا
و على فكرة الامثلة دى مش بتاعت ناس معينة بعينها لكن دى امثلة لحالات حصلت فعلا و عبدة حكالى عليها او مواقف حصلت قدامى فى الورشة او عربيات شوفت حالتها بعينى و عرفت بعدها ان اصحابها كانوا مستكترين الفلوس او مستقلين الشغل اللى اتعمل
عموما كل واحد له وجهة نظرة و انا احترم وجهة نظر الجميع
MMamdouh
نعماقتباس:
عموما كل واحد له وجهة نظرة و انا احترم وجهة نظر الجميع
ولا حيلة فى الرزق
ولا شفاعة فى الموت
ممكن يا استاذ ممدوح تقولي الشغل ده يتكلف كام وبعدين لو تحب اناقشك فى اللي كتبته عن عبده
تغيير فلاتر وبوجيهات وسلوك وموبينة وجوان غطا تكهيهات وتضيف مانفولد وايدل وتركيب تيل امامي ورجلاش تيل خلفي
على فكرة الشغل ده انا عملته عند ميكانيكى كان شغال فى التوكيل فى السعوديه وبيشتغل فى الدايو والهيونداى والافيو والاوبتر ا
الشغل دة يخشلة فى حسبة 60 الى 80 جنية
MMamdouh
اسمحلى يا محمد ادلى بدلوى :))
كلامك صح جدا
بس فى نقطة بسيطة
محمد بيتعامل معاك انت بطريقة و احنا بطريقة بطبيعة علاقتك بية من زمن و بطبيعة ان احنا زبائن بالنسبة لية
كان زمان معايا كدة برضة بس دلوقتى اعتقد ان الاسلوب اتغير
و بقيت احس بنفس الاسلوب الى ناس هنا كتبت عنة
و انا لما قررت وقف التعامل معاة كان بسبب حسن الكبير مش عبدة
ممكن اعرف تكلفة تغير طقم كستبانات و بلية كتينة كام علشان مكنش ظلمتة برضة
لو السعر ده اللي بيتعامل بيه عبده
اعتقد انه مش كتير بشكل مبالغ فيه
وبرضه يا محمد بيه انا والله مش بتكلم على فلوس مطلقا
ارجع وأؤكد انا بتكلم عن صنعة وعن حرفيته
يعني عايز اللي يقول رأيه يبقى في الصنعة بس
انا لما جبت العربية اللي معايا دي كنت فرحان بيها غيرت طقم سيور وبوجيها ورجلاش فرامل خلفي وغسيل موتور دفعت 100 ج هو كان طلبه 80 ج رحت سايبله 20 علشان كان لسه فاتح الورشة جديد وعارف ان ده كتير جدا بس كنت بحس ان شغله مش بطال
اكيد فيه فرق فى المعاملة بس بشكل مختلف.. انا لما بعمل عندة شغل بقولة عايز كام بيقوللى كذا بديلة و امشى من غير ما افاصل لانه عارف انى مش بتاع فصال و بالتالى هو مش محتاج يقول 10 قروش عشان توصل 7 ولا 8 قروش فى الاخر... و عارف برضة انى لو حسيت ان الاسعار مغالى فيها مش حفاصل... حدفع و امشى و مش حاجى تانى الورشة و دى خسارة كبيرة له اكبر من 20 او 30 او 100 جنية مصنعية فى اى شغلانة
الخدمة اللى بيخدمها لى بتبقى فى الشغل الرفيع... يعنى اخر مرة روحت غيرت الماسورة السوستة و قاعدة فتيس و رجلشت فرامل يد و مدفعتش حاجة... لكن لما بروح اغير طقم كاتينة مثلا بدفع 80 الى 100 جنية زى باقى الناس
و انا لما قفشت معاه زمان كان بسبب حسن بس انا موقفتش التعامل عشان انا عارف ان الراجل فاهم شغلة و من احسن الناس اللى موجودة... انا ببساطة مبتكلمش فى فلوس الا مع عبدة ول بفتح فى شغل الا لو هو موجود او جاى فى الطريق... و بقولهالة صراحة فى التليفون... لو انت مش موجود انا حاخد عربيتى و امشى فا ساعات كتير بيجيلى مخصوص حتى لو هو عامل حسابة مينزلش الورشة فى اليوم دةاقتباس:
و انا لما قررت وقف التعامل معاة كان بسبب حسن الكبير مش عبدة
معرفش فى النوبيرا بكام بس احنا بنتكلم فى فك طقم الكاتينة و عامودين الكامة و الكستبانات دا غير فك البلى بتاع الكاتينة للتغير... تغيير طقم الكاتينة لوحدة بيعدى 100 جنية و باقى الحاجات الاضافية دى تزيد على كدة كمان... يعنى حسبة متقلش عن 150 الى 160 جنية فى تقديرى الشخصىاقتباس:
ممكن اعرف تكلفة تغير طقم كستبانات و بلية كتينة كام علشان مكنش ظلمتة برضة
MMamdouh