انت مين من السائقين ؟؟؟؟؟؟؟؟؟؟؟؟؟؟؟؟؟؟؟؟؟؟

**vwmk** · 19-01-2010 06:42 PM

فيه 3 اسباب للموضوع ده:
اولا واهم نقطه """الكوسه""" رخصة القياده بتتعمل وانت آعد فى البيت حاطت رجل على رجل مفيش غير انه يروح يتصور وخلاص وتلاقيه اتلايمله على قرشين كويسين ويروح يجيب عربيه زيرو و يخبط فى الناس ولا هامه وهو مش عارف يسوق ولا قوانين المرور ولا حتى اشارات المرور وتيجى تقوله كده غلط ميعجبوش...
ثانيا ""عقد نقص"" كل واحد ركب زيرو يبقى خلاص ركب صاروخ ويدوس على الناس""طبعا مش كلهم ..اللى عنده عقده نقص"" ويبص للعربيات القديمه باحتقار ويزنق عليه او ياخد منه غرزه ويقولك مش هيقدر يجيبنى...ميعرفش ان العبد لله مسقط 1800 ويجيبه من شعره واعلمه عفه النفس واديله درس فى السواقه وانه ما يستهونش بالقديم....طبعا فيه ناس راكبه زيرو وفى منتهى الاحترام والاخلاق ...انا بتكلم على الناس اللى شايفه نفسها ومش بتراعى ربنا.
ثالثا """السيدات""" لا تعليق

طبعا المشكله الرئيسيه هى الكوسه...""لا تعليق""

**Atrees** · 19-01-2010 06:47 PM

المشاركة الأصلية كتبت بواسطة mohamedezat

مين قالك انها حاجه وحشه بس تعالى اوريك حاجه انت عايش فيها ومش واخد بالك منها

انا هاسال وانت جاوب

الشارع اربع حارات من المفترض لما عربيه تقف (عربيه واحده ) يبقا فى 3 حارات شغالين تبص بقا تلاقيهم واقفين ليه ؟

الساعه 4 الفجر وفى اشاره ضوئيه وشغاله ومع ذلك تلاقى حادث تصادم . ليه ؟

حادثه تصادم او خناقه او تصوير فى جزء بسيط من الشارع مش هاقولك نفس الاتجاه تلاقيه واقف لا لا لا الاتجاه التانى واقف ليه ؟

الاشاره واقفه وانا عاوز ادخل يمين ايه ذنى اقف لما الاشاره تفتح . ايه السبب ؟

بينى وبين العربيه اللى ادامى 3 متر ليه الاقى عربيه حشرت نفسها وباقا صراع ؟ واللى ورايا مش راضى يرحمنى كلاكسات ونور فيما معناه سد الفجوه اللى ادامك بدل ما انت فاتحها سبيل ؟

طريق واسع وبعد كده تلاقى الطريق انقسم لجزئين جزء منهم ارضى وجزء مطلع كوبرى وفاضى خاااااااااااااااااالص والتانى زحمه وانت عاوز تطلع الكوبرى اللى فاضى
ياترى ايه اللى معطلك انك توصل ليه ؟

ياريت تجاوب علشان لو جاوبت عليهم واقنعتنى باردو مش هامشى قانونى الا لما الميكروباص والتاكسى وامين الشرطه يتلغوا

على فكره انا مش ضد الميكروباص او التاكسى بس ضد السائقين من الفئه دى تماً حتى الكويس لانه عنده النيه يبقا زيهم

هههههههههه ماشي عندك حق في كل كلمة وانا معديش رد طبعا لاني مش عارف لية

بس حقولك حاجة - انت كدة كدة دمك محروق صح ؟

جرب انت تمشي صح وتستني عربية تانية تعدي او توسعلة - حاتلاقية شكرك وانت حتبقي مستريح اكتر و كمان اهدي بكتيييير - علي فكرة انا عصبي جدا في السواقة - بس لما جربت امشي قانوني - الناس بداءت حوالية تشكرني و كمان يحلف اني اعدي الاول -

جرب بس وبعدين لو منفعش ابقي تعالي زنق عليا انا يوم بطولة وفش غلك

**أبو إياد** · 19-01-2010 07:01 PM

المشاركة الأصلية كتبت بواسطة Atrees

هههههههههه ماشي عندك حق في كل كلمة وانا معديش رد طبعا لاني مش عارف لية

بس حقولك حاجة - انت كدة كدة دمك محروق صح ؟

جرب انت تمشي صح وتستني عربية تانية تعدي او توسعلة - حاتلاقية شكرك وانت حتبقي مستريح اكتر و كمان اهدي بكتيييير - علي فكرة انا عصبي جدا في السواقة - بس لما جربت امشي قانوني - الناس بداءت حوالية تشكرني و كمان يحلف اني اعدي الاول -

جرب بس وبعدين لو منفعش ابقي تعالي زنق عليا انا يوم بطولة وفش غلك

على فكره انا مش بلطجى بالعكس انا هادى جدا فى السواقه ومش بحب العند نهائى وملتزم جدا بالقوانين بس موضوع الحزام بما انى مش مقتنع بيه مش بلبسه الا فى اوقات معينه لكن بالتزم بالاشارات والسرعات والانتظار
ها ........... عاوزنى اعمل ايه تانى انت تآمر وكمان استيكر المنتدى موجود على العربيه بس امنيتى اشوف عربيه عليها الاستيكر قبل ما اموت انا طريقى كوبرى 15 مايو جامعه الدول احمد عرابى السودان كورنيش العجوزه شارع فيصل بس اشوف واحد بس

هههههههههههههههههههه انت غيرت توقيعك ليه ؟

**eng.m7md.ali** · 19-01-2010 07:22 PM

المشاركة الأصلية كتبت بواسطة mohamedezat

:u_thin1[1]::u_thin1[1]::u_thin1[1]::u_thin1[1]::u_thin1[1]:

انا قصدي يعني ان بتوع البوما متهورين شوية:b4_048:

**أبو إياد** · 19-01-2010 07:32 PM

المشاركة الأصلية كتبت بواسطة felix

انا قصدي يعني ان بتوع البوما متهورين شوية:b4_048:

وبتوع الواجا باردو متهورين ومتسرعين
فما بالك بقا بالناس اللى عاوزه تشترى دودج رام . نقوله ايه ؟؟؟

**Atrees** · 19-01-2010 07:42 PM

اية يا رجالة صلوا علي النبي - بلاش التعميم في ملاك السيارات دا الموضوع لية علاقة بالسواق مش نوع العربية -

شكلنا كدا حنروح القسم ولا اية - بلاش ليقبوضوا علينا بتهمة التعميم دا احنا كلنا ناس زي العسل

**Atrees** · 19-01-2010 07:45 PM

المشاركة الأصلية كتبت بواسطة homos99

انا والله بحس ان لو حد عمل كدا بحاول اقف واخليه يعدى ممكن اكلكس فى بعض الاحيان لاكن السواقة مش خناقة بحس ان لازم يكون فيه احترااااام يعنى لو الطريق واقف وكمان انا فى اليمين وفيه فتحة يمين حد جنبى عايز يدخل يمين بقف واسيبو يعدى وبالذات الستات والبنات والرجالة الكبار واللى أكبر مننى بحس ان لازم يكون فى احتراااام

الله ينور يا باشا - ايوا كدة - بس هوا عندي سؤال - هيا صورة ال بي ام دي بتعتك - اصلها لو بتعتك انا حمشي قدامك اوسعلك السكة من العربيات

**Mohamed.Ramah** · 19-01-2010 09:10 PM

موضوع جميل وفعلا لما الواحد بيصبر ويعدى حد مستعجل طبعا على حسب ظروف الطريق بيبقى اهدى ولا بيشتم ولا بيتعصب وكمان اللى بيجى قدامة او بيعدية بيشكرك وطبعا مع اختلاف المناطق زى مصر الجديدة الرحاب الشروق مدينة نصر

-

-

مشاهدة نتائج الإستطلاع: لو حد زنق عليك - غلس عليك - كسر عليك بدون اي سبب واضح تعمل اية ؟

الموضوع: انت مين من السائقين ؟؟؟؟؟؟؟؟؟؟؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

إلى السائقين الماهرين

أخلاق السائقين أصبحت سيئة

دى نتيجة برنامج تبادل السائقين بين المانيا و مصر

أخلاق السائقين المصريين ؟؟؟؟؟؟؟؟ إنعدمت تماما

الكلمات الدلالية لهذا الموضوع

المفضلات

المفضلات

ضوابط المشاركة