قدرت أوصل باستهلاك البنزي 5.7 لتر لكل100 كم ياترى حد وصل لأقل من كده
قدرت أوصل باستهلاك البنزي 5.7 لتر لكل100 كم ياترى حد وصل لأقل من كده
6 لتر كنت على طريق سفر ( مسافر من القاهرة الى الشرقية ) وتقريبا ماشى 90 الى 100 معظم الوقت وبمور فى المنحدرات والملفات ولما اشوف زحمه (أنا اصلا سواقتى كده )
اعتقد أن الاستهلاك ده عالى شويه لان العربية لسه ملينتش وكنت عامل ساعتها تقريبا 600 كيلو
اقل استهلاك وصلتله كان 5.4 فى طريق مصر اسكندريه الصحراوى و كانت السرعه 80 الى 90 كيلو
4.8 ، فى عشرة كيلو على مصر اسكندرية الزراعى ..
لو على موضوع ممور وبحاول اوصل لققل رقم فنا وصلت لرقم محدش ممكن يتخيلة فى حوالى 10 كيلو و بلاش ققول احسن هههههههههههههه ممكن تشوفوه فى الصور هههههههه
http://img59.imageshack.us/img59/7695/img0847a.jpg
http://img707.imageshack.us/img707/3396/img0848ag.jpg
لكن لو هنتكلم على الطبيعى ف ممكن توصل ل 4.8 لتر وده بيكون على سرعة 80 إلى 90 و5.2 من 90 إلى 100 فى الحدود ديه
وكل واحد ممكن يخلى الإستهلاك ققل من كده هوة وشطرتة زى اللى فى الصور ديه هههههههههه
الرقم ده ممكن توصل له بأنك تكون ماشى على 130 مثلاً وتصفر العداد وتمور مع التصفير أطول مسافة ممكنة فهتبقى العربية ماشية من غير بنزين تقريباً لوقت طويل .. بس صعب رقم 2/100 ده يتحقق فى مسافة قدرها 10 كيلو.
على أى حال أنا متوسط الرقم الحقيقى بتاعى فى أخر 2000 كيلو (حوالى 3 تفويلات) هو 6.5 لتر لكل 100 كيلو مع العلم بأن المشاوير الصغيرة جوه البلد باطلع فيها بالعربية الـ 128 ومخللى لوجى للمشاوير الطويلة.
اقفش يا معلم
أنت اكيد قرصت على العربية جامد وبعدين رحت مصفر العداد وأنت بتمور فى نفس الوقت يعنى العربية ماشيه على 160 - وأنت اصلا قريص - وعدد لفات الماتور 500 لفه يعنى مفيش حرق بنزين خالص
بس أنت ليه مصورتش الشاشة بتاعة معدل الاستهلاك لكل 100 كيلو على طول بدل شاشه الى باقى لغاية انتهاء التنك وكانت شاشه الاستهلاك عامله كام ؟
لأ هوه وصل 10 كيلو ... :) وبين الصورتين كان فيه حوالى ديقتين يعنى حوالى 4 كيلو وانا مصفرتش العداد بينهم وكملت كده شوية :) ~
مجاش فى دماغى أصور العداد التانى لأن الرقم كان مغرى جدا بتاع 2623 ده هههههههههه
انا هقلكم عملتها إزاى هوة مبدئيا ولا كنت ماشى 130 ولا كنت ماشى 160 اعتقد انى كنت 100 او 90 كمان بس فيه منزل طويل قوى انا عارفة فصفرت العداد قبليه وكنت مفول قبليها على طول و بعدين طول منا ماشى يا لامس بنزين عشان تجمع 90 يا ممور لغاية متوصل 70 والمس لغايو متوصل 90 كدة وامور وهكذا هههههههه بس كده
بس اعتقد ان تقليل الاستهلاك مش هيفرق كتير من الناحية المادية ولا الاستطلاع من الناحية الفنية؟
أنا وصلت لاستهلاك 5 لكل 100 كيلو وده لمسافة 500 كيلو من القاهرة لشرم الشيخ و متوسط السرعة 96 كيلو فى الساعة.:S_thum1[1]:.السيارة 2010 و كانت عاملة فى بداية الطريق 75 كيلو.
يا جماعة عايزين كلام علمى يعنى مش فرقعة و خلاص
الكلام العلمى بتاع المصنع بيقول ان متوسط استهلاك اللوجان كالتالى :
فى الطريق السريع : 5.6 لتر لكل 100 كيلومتر
داخل المدينة : 10 لتر لكل 100 كيلومتر
مختلــط : 7.2 لتر لكل 100 كيلومتر
والكلام ده مظبوط على العربية بتاعتى لأن متوسط استهلاكى فى آخر 2000 كيلو كان : 6.5 لتر / 100 كيلومتر مقسمة إلى 75% سريع ، و 25% داخل المدينة.
فده هو المعيار اللى كل واحد المفروض يحكم بيه على استهلاك عربيته للبنزين.
انا كمان بردة متوسط الرقم الحقيقى بيكون من 6.5 ل 7.5 ونص بس بيكون فيهم جوة البلد بس الأكتر على الأوتوستراد و الدائرى
بس عاوز اسال علي حاجه انا كان فاضل عندي شرطه واحده في عداد البنزين وكان بيقولي باقي 80 كيلو لما تروح البنزينه المهم لما وقفت العربيه وشغلتها تاني يوم الصبح لقيت لقيت لمبه البنزين منوره اصفر وبرضو بيقولي باقي 80 كيلو لمل تروح البنزينه حد يقولي ايه ده هو العداد ده بيخرف ولا ايه
لا العداد مضبزط
بصوا يارجاله خلاه الكلام ان شاء الله
استهلاك البنزين يتحكم فىه شويه حاجات
سرعه العربيه ( احسن حاجه تمشى 100 كيلو )
حاله الطقس خارج العربيه ( اتجاه الرياح عكس ولا مع العربيه )
الضغط داخل الكاوتش
معامل الاحتكاك بين الكاوتش والاسفلت ( تقدر تقول الاسفلت الناعم او الخشن )
نوع الوقود نفسه
طريقه القياده
كفايه كده لحسن مش حنخلص
واللوجان من 5 ل 7.5 لتر كل 100 كيلو يبقى انت كده فى التمام
النهارده رحت حته بعد اسكندرية أسمها مدينة الحمام صد رد وطبعا معظم الطريق كنت ماشى على طريق طوالى بس فيه مسافة مش قليليه مشيتها فى حتت مكسره غير حوالى ساعه أمشى واقف كل دقيقه جبت الاول بتاع 100 مره فى الساعه ديه - وكنت هطلع من هدومى عشان ما بحبش الزحمه الفظيعه ديه - واقف على دخله الدائرى وأنا راجع ومتوسط الاستهلاك من ساعة ما خرجت من البيت لحد ما رجعت كان 5.7 لتر لكل 100 كيلو
فى ظل استهلاك مختلط بين 70 %طريق طوالى و 30 % على سرعات منخفضه
طبعا انبسط من الموضوع خالص عشان الاستهلاك حلو جدا مع ملاحظه أنه مش طريق طوالى بس
الأستهلاك ده عالى جدا جدا جدا
روح التوكيل لاعادة ضبط الأحتراق
إعادة ضبط الإحتراق :b4_592: يا ساتر العربية مكملتش 2000 كيلو
أخلص إمتحانات بس و طيران على إسكندرية و لما نشوف الإستهلاك يوصل قد إيهاقتباس:
مش عالى جداً ولا حاجة ..
المصنع بيقول ان الاستهلاك داخل المدينة بيكون متوسطه 10 لتر / 100 كيلو متر ..
فرقم 11.6 داخل المدينة مش مزعج .. خصوصاً لما تكون المدينة دى هى القاهرة ..
على أى حال ، قبل مشاوير التوكيل ووجع القلب ، اؤيد تنفيذ اقتراح بيشوى ..
داخل القاهرة عمرها ما زادت عن9 لتر لكل 100 لتر عشان كدة الأستهلاك ده عالى و بعدين ضبط الحتراق مالوش دعوة العربية عملت كام كيلو
يعنى كلنا بنتكلم فى حدود 5.5
حصل معايا موقف الأسبوع اللى فات ، عايز آخد رأيكم فيه ..
أنا باحط بنزين 90 أو 92 حسب المتاح ، والاتنين ماشيين زى بعض فى آداء العربية والاستهلاك ..
الأسبوع اللى فات لمبة البنزين نورت ، فأنا قلت يا واد خليك فى 92 المرة دى ، فمالقيتش غير 90 فى البنزينة القريبة منى ، فحطيت بـ 10 جنيه مؤقتاً ، وطلعت مشوار على الزراعى (طريق سالك) على أساس انى هامون 92 من بنزينة تانية بعد حوالى 15 كيلو ..
المهم صفرت عداد الاستهلاك ، والطبيعى انى على الطريق ده بيكون استهلاكى بين 5 و 6 لتر لكل 100 كيلو .. فوجئت بالاستهلاك عمال بيزيد لغاية ما وصل إلى 14 لتر لكل 100 كيلو .. بقيت مستغرب جداً .. قلت يا واد هيتظبط دلوقتى .. مافيش فايدة لمدة حوالى 10 كيلو .. فدخلت على أقرب بنزينة وفولت العربية بنزين 92 ، وطلعت بيها ، بعد حوالى 3 كيلو كده الاستهلاك بدأ ينزل لغاية ما بقى فى معدلاته الطبيعية ..
تفتكروا ايه الحكاية؟
البنزين كان مضروب و كويس انك حطيت ب 10 جنيه بس