هل هذه مشكلة اسطونة دبرياج ؟؟

**Ahmed Hamdy** · 13-12-2007 04:31 PM

سلام عليكم ..
سؤال تانى يا جماعة ..
العربية كان سحبها كويس وكانت بتجيب الـ 100 بسهولة ..
من فترة كده بدات أحس ان سحب العربية بقى ضعيف ولما بتوصل لـ 60 صوت الماتور بيبدأ يعلى وكل ما احاول أزود ينزين صوته يعلى أكتر وبتجيب الـ 80 بالعافية ..

رحت لميكانيكى قالى دى اسطوانة وبمعنى أصح طقم دبرياج ..
لكن انا جربت الطريقة اللى قريتها هنا فى المنتدى عن اختبار اسطوانة الدبرياج وحاولت اطلع بالعربية من الرابع بطلت .. يعنى سليمة زى ما الاستاذ سبعاوى قال فى مشاركة سابقة ..

ناس تانية قالتلى دى ممكن تكون كهربا .. بوجيهات أو أبلاتين ..

رأيكوا ايه .. ؟؟
ولو كانت اسطوانة دبرياج فعلا هل أغير اسطوانة بس ولا اغير كمان ديسك وبلية ؟؟

ِشكراً ..

**paladin** · 13-12-2007 08:24 PM

90% yes
change them all

**paladin** · 13-12-2007 08:26 PM

also to make sure
if you have rpm in yout car check if it goes up and the speed is the same or the speed is moving slowly then it is 100% the clutch

**tutankhamoun** · 13-12-2007 08:40 PM

لو طقم درياج بايظ كنت هاتلاقي العربية مش عايزة تأخد غيارات و بتصفر
أما الكلام اللي حضرتك بتقول عليه ممكن يكون Ecu علشان حصلت معايا
بس هي عربية حضرتك نوعها أيه ؟؟؟؟؟؟؟؟؟؟؟؟ و موديل كام ؟؟؟؟؟؟؟؟؟

و طبعا المشكلة واضح تقريبا أنها مشكلة كهرباء ...... يعني حضرتك تغير البوجيهات و سلوك البوجيهات كمان ......... و تظبطها كهرباء كويس
و الأفضل أنك تأخدها تكشف عليها بالكمبيوتر في التوكيل أو أي مركز خدمة قبل ما تعمل أي حاجة علشان متكلفش نفسك تكاليف على الفاضي
هو الكشف على الموتور في مركز النيل الهندسية بتاع فيات بيتكلف 40 جنيه
و ربنا معاك

**ahmed1981** · 14-12-2007 11:54 PM

في طريقة للتأكد

هتمشي بالسيارة عادي لغاية التالت مثلاً
وتمشي مهدي على التالت وفجأة دوس للآخر
لو صوت السيارة علي جامد بدون مقابل في السحب والسرعة
يبقى طقم دبرياش بدون نقاش

**karmouty918** · 14-12-2007 11:58 PM

هو اية نظام مركز النيل دة ؟الصيانة بتاعتو احسن من التوكيل ولا لأ؟

**tutankhamoun** · 15-12-2007 06:59 AM

المشاركة الأصلية كتبت بواسطة karmouty918

هو اية نظام مركز النيل دة ؟الصيانة بتاعتو احسن من التوكيل ولا لأ؟

شركة النيل الهندسية هي التوكيل السابق لفيات في مصر و عندهم مركز خدمة في أبورواش
و هم كويسين و أسعار العمالة عندهم معقولة جدا .... أما قطع الغيار فمثلهم مثل أي توكيل
و لكن هما بيقبلوا قطع غيار من خارج المركز و لكن لا تأخذ عليها ضمان
و عنوانهم كالتالي
و أنت ماشي على طريق مصر أسكندرية و بعد كارفور تدخل يمين بعد البنزينة اللي بعد كارفور و تفضل على اليمين بتاع الطريق هاتلاقي القرية الذكية على الناحية التانية على الشمال ........ هاتكمل حوالي 2 كيلو أو كيلو و نصف الكيلو و بعدين هاتلاقي المركز على أيدك اليمين و لو سألت هناك الناس هاتدلك