أولا حمدا لله على سلامتك
ثانيا مقدرش ماقولكش إنك حرام عليك السرعة اللى كنت ماشي بيها مهما كنت مستعجل ... وحتى لو ممكن مايبقاش حرام يبقى مش في طريق مزدحم زي مصر إسكندرية ... لأن في ناس تانية ممكن تتأذئ بسببك وتشيل إنت ذنبهم حتى لو ماكنتش خبتطهم بعربيتك ... أققل حاجة إن الحادثة بتاعتك أكيد عطلت الطريق ووقفت ناس تانية وراك ممكن قوي يكونوا مستعجلين برضه أو حتى فزعت ناس جنبك على الطريق بالسرعة العالية جدا دي
ثالثا .. في فرق كبير جدا بين سرعة 100 وسرعة 140 وسرعة 180 كم ... لأن كل سرعة من دول العربية بيبقى ليها وزن على الطريق غير التاني ومقاومة للهواء مختلفة في كل مرة سواء في ديناميكيتها أو قوتها وضغطها على أجزاء العربية المختلفة ...
على سرعة 100 ممكن الحادثة دي تتلم وماكنتش تحصل في عربيات كتير .. وحصلت معايا أنا شخصيا كذا مرة
على سرعة 140 بيبقى صعب لكن لو سائق محنك وعربية كويسة جدا سواء في مقاومتها للهواء أو التكنولوجيا اللى بتتعامل بيها ممكن يتفادي حصول ده لكن يبقى الوضع صعب جدا
بعد الـ 160 في كتالوجات عربيات كتير بتحذر من بلوغ السرعة والإستمرار عليها فترة كبيرة أو المناورة بالعربية أثناء القيادة على هذه السرعة أو الأعلى منها ... وعربيات مش رخيصة
لية تعليق صغير على الإيرباج
اقتباس:
المشاركة الأصلية كتبت بواسطة sout_sout
يا جماعه العربيه اتخبطت خبطه مباشره من قدااااااااااااااام والله
هههههههه
مش مصدقين
لما اتقلبت على سقفها اتخبط تانى على وش العربيه
ده الاكصدام اتبطط
والاكصدام الحديد دخل لجوا خالص
إنه حتى لو إتخبطت مية مرة من قدام وحتى لو الخبطة وصلت للسنسور بتاع الإير باج ماكانش هايفتح برضه طالما العربية إتقلبت الأول
إنت تحمد ربنا إن الإير باج مافتحش لأنه لو فتح كان ممكن يكون سبب في موتك لا قدر الله مش نجاتك
... هوة ليه ماحدش واخد باله من المشاركة دي اللى بتحسم أمر الإير باج وبرضه بتسألوا هوة ليه مافتحش
اقتباس:
المشاركة الأصلية كتبت بواسطة aelhossan
thus, your frontal air bags should not deploy in side impacts, rear impacts and rollovers where there is no significant deceleration from front to back.
Other examples of crashes where your air bags should not generally deploy include:
• minor frontal crashes
• most impacts to the undercarriage of the vehicle, such as when crossing a railroad
• impacts with animals such as deer or dogs
• impacts with street curbs or parking blocks
• driving on rough roads, including those with large potholes, gravel or bumps
"
معنى الكلام ده إن الإير باج الأمامي مش بيفتح في حالة إن العربية تتقلب
وعلى فكرة كمان الكلام ده في كل العربيات أيا كان نوعها ... منظومة الإير باج الأمامي كلها بتفصل بأوامر من الكنترول بتاع العربية بمجرد ما العربية تتقلب لأن الإير باج الأمامي لو فتح في وش السائق أو الراكب الأمامي والعربية مقلوبة بيسبب إصابات ممكن توصل للقتل والكلام ده مكتوب في كل الأماكن اللى بتتكلم عن الإيرباج بالتفصيل
أنواع الإيرباج الوحيدة اللى بتفتح لو العربية إتقلبت هي الستائر الجانبية والسقف إن وجدوا ... فقط