الاوكتافيا تشيكي ك صاج
انما ك مكونات عفشه هي هي الالماني اودي وفولكس
وكمان السيات تصميم اسباني انما مكونات العفشه والمحركات برضو الماني
اساسا معظم قطع العربيات دي مطبوع عليها شعار الشركات دي
عرض للطباعة
الاوكتافيا تشيكي ك صاج
انما ك مكونات عفشه هي هي الالماني اودي وفولكس
وكمان السيات تصميم اسباني انما مكونات العفشه والمحركات برضو الماني
اساسا معظم قطع العربيات دي مطبوع عليها شعار الشركات دي
طبعا أولا حمد لله على سلامتك و خروجك بخير من العربية و بعد 13 قلبة و سرعة 180 ........ و لسة بخير .
================================================== ======
أما رأيك في العربية فهو رأي يجب أحترامه و لكن يحب توضيح بعض النقاط
حضرتك قلبت 12 مرة ............ و على سرعة 180 ............... و طلعت بخير .............
فيه أهم من الأمان في العربيات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
أما بخصوص بقية الحاجات اللي حضرتك علقت عليها ............ فدي انا مش هاتكلم فيها لأني برضه زي ركب و قارنت و شوفت و أستخدمت عربيتي لمدة أكتر من سنتين
و العربية دي ............................... مشعشعة في دماغي بعد مقارنات كتيرة مع عربيات أغلى منها .........
كفاية أنك راكب عربية أساسات قمة في الأحترام ............. قمة في الجودة .
أساسات محترمة .................. و لا تابلوه جلد .......... و فرش جلد ........... و ساعة ما تقلب على 180 ............... تتفعص جوه العربية ؟
على فكرة يا أستاذ أحمد :
موضوعك ده شهادة في صالح الجين 2 .......................... مهما كان رأيك في الخامات الداخلية
اللي أنا أقدر أقول أنها خامات ممتازة مقارنة بالسعر و الكماليات و عوامل الأمان و قوة السيارة .....
هو أنا عايز أيه من الخامات أكتر أنها تكون مناسبة
و بعدين أكثر مقارنات حضرتك بعربيات غالية قوي زي ما أنا شايف مرسيدس و بي أم ......
أنت عايز عربية 90 ألف جنيه .................. تكون زي خامات داخلية لعربية فوق 200 ألف جنيه ؟؟؟؟
أهم حاجة شاسيه قوي ........ و حضرتك أثبت ده بالحادث ....
صاج و مقصورة شديدة التحمل ( قلبت على سرعة 180 حوالي 12 أو 13 قلبة .......... و العربية لسة بحالها ...... و السائق طلع سليم )
بالاضافة لمكونات العربية عالية الجودة ( زي أنظمة الفرامل من شركة بوش - مش تيل ... المنظومة كلها ....... كمبيوتر من شركة سيمنس ..... تكييف من شركة سندن اليابانية ........ الخ )
الف شكر على السؤال
والحمد لله على كل حال
خلاص يا ابوحميد انت بتحب البروتون طيب بتحب الكرولا؟؟
http://www.nilemotors.net/Nile/115697-a.html
و صدقني العيب مش كرولا لان الصح العربيه لما تتقلب الاير باج متتفتحش
الف سلامة عليك يابشا والله
وانا دلوقت اطمنت على نفسي مع الجين تو وكده أنت ريحتنى فى قراري إنى أغير و أجيب جين 2011 ألف شكر ليك
ومره تانيه ألف سلامه ليك
تحياتى
و ادي حادثة على سرعة صغيرة لعربية ألماني أوروبي : أوبل فكترا
Three people were killed when their car crashed into a garden wall during a police pursuit in Greater Manchester.
A fourth person in the Vauxhall Vectra was badly injured in the crash, which happened in Middleton Road, Chadderton, near Oldham, in the early hours.
http://newsimg.bbc.co.uk/media/image...e292d2bfd4.jpg
و شوفوا الصور دي لعربية ياباني من موضوع للأستاذ محمد الطويل على المنتدى معانا :
http://i48.tinypic.com/2i8itz8.jpg
العربية قلبت 3 مرات بس ....... على سرعة 110 كم - س .......... و كمان الأيرباج مفتحش !!!!
فيه حاجة في تصميم العربيات لما العربية تتقلب على الجنب ...... الأيرباج الأمامي ميفتحش ........ و برضه الله أعلم
أولاً حمد الله علي سلامتك
أما بالنسبه للإنتقادات والمقارنات أعتقد يا جماعه إن كل حادثه وليها ظروفها يعني مينفعش نقارن الچين ٢ مع الكورولا ولا السيراتو ولا الأوبل ونقول دي إتقلبت علي ١٨٠ ودي إتقلبت علي ١٠٠
وبعدين نقارن بالصور ونقول شوف دي حصلها إيه لأن كل حادثه وليها ظروفها
أما بالنسبه للأمان أعتقد إن لو بروتون شايفه إن چين ٢ هتاخد ال ٥ نجوم كانت دخلت العربيه في إختبارات الأمان الأوربيه .. وعلي فكره إختبارات الأمان ليها مقاييس مختلفه وبيتحدد نقاط الضعف في كل سنتيمتر من العربيه
وعلي فكره أنا بحب الچين ٢ جداً ومقتنع بيها بالمقارنه بسعرها ( وبفكر بجديه إني أشتريها )،، بس بصراحه يا جماعه دفاعكم المستميت عنها إبتدي يكرهني فيها ٫٫ إنتوا حسستوني إنها بعد الحادثه دي إنها لو دخلت إختبارات الأمان هتاخد ٧ نجوم من ه
وأعتقد إن معظم أعضاء المنتدي متفقين إن العربيه مناسبه جداً مقارنه بالسعر اللي بتتباع بيه
٫٫٫٫٫ ولكن الچين ٢ مش سوبر كار ياجماعه
ومحدش بقي يشتري جولف عشان الحادثه دي
YouTube - VW Golf 5 Crash
الدفاع كان علي الهجوم غير المببر بس
ثم المفروض ان جين2 واخده 3 نجوم الكلام ده من الناس المالزيين الي قابلتهم في الايفنت بتاعت التوكيل بس لحد دلوقتي محدش بعتلي الفيديو
علي العموم انا لسه باعت ايميل حالا و مستني الرد
بس حتي يتم الرد هنعتبر الجين2 مدخلتش الاختبار بس بالدليل المادي العربيه مستوي الامان فيها مرتفع
المقارنه بين العربيات التانيه كانت لان كل شويه حد يقول ان العربيه ماليزي بس هل هي اوحش من الاماني في مستوي الامان
انا شايف انكم سبتوا كل حاجة وبتتكلموا بس في ان الايرباج ما فتحشي لييييييييييه بالرغم من ان الراجل طلع سليم والحمدلله وهو ده بيت القصيد من وجود الايرباج اصلا
انا من رايي ان العربية دي كتر الف مليون خيرها انها بعد كل اللي حصل لها ده الراجل طلع منها سليم ودي حاجة في صالح العربية مش ضدها زي الكورولا اللي كان مكتوب عنها في المنتدي هنا قبل كدة
يعني الراجل ماشي علي 180 وخد غرزة ووارد جدا ان يكون في اخطاء من سواقين كتير حوالينا ولازم نكون عارفين كدة كويس واي عربية عادية مش خارقة كان هايحصل فيها كل ده ويمكن اكتر كمان
بلاش نتحامل علي العربيات ونطلب منها انها تطير بينا او تمشي علي الحيط مثلا
احنا في طرق مصرية يا جماعة يعني حتي لو كن ماشيين لوحدنا في الشارع لازم يكون عندنا يقين اننا ماشيين في طرق مصرية مالهاش اي معالم يعني ممكن جدا بدل ما تفاجأ بسواق نص نقل يخبطك من ورا زي ما حصل في الحالة دي تفاجأ ب مطب محترم يا تشربه يا تيجي تفاديه تتقلب بيك العربية وساعتها ما نلومش الايرباج انها ما فتحتش لأ لازم نلوم نفسنا اننا مشينا بتهور زيادة وما ادركناش اننا ماشيين علي اربع عجلات منفوخين هوا
!!!
الف سلامة علي حضرتك!!!!!!!!!!!!
فعلا حضرتك اثبت فالموضوع دا ان الجين 2 عربية امنة جدا.... مش فاهم انتا مصدوم اوي كدا ليه؟؟؟؟؟؟؟؟؟؟؟
و مش فاهم برده المنطق الغريب الي الناس بقت بتتكلم بيه دا.... بجد مش عارف اقول ايه,,,
ألف حمد لله علي سلامتك. بس غريبة جدا موضوع ان الأيرباجز مفتحش! أنا لو مكانك مسكتش بصراحة, دة انا اقلب الدنيا و اجيب عليها واطيها و حماية مستهلك و قضية و بلاوي! بس ربنا يعوض عليك و ألف حمد لله سلامتك مرة تانية.
لا حول ولا قوة الا بالله.....
ماشي علي 180 و........ حماية مستهلك
مين قال أن الجين 2 عربية سوبر ؟؟؟؟؟؟؟؟؟؟؟؟؟
و مين قال أن الجين 2 عربية خارقة ؟؟؟؟؟؟؟؟؟؟؟؟؟
و مين قال أن أحنا بنقارن العربية و الحادثة بحادثة تانية ؟؟؟؟؟؟؟؟؟؟؟؟؟؟؟؟؟؟؟؟؟؟
أنا اللي أرفقت الصور ........... و مكنش قصدي أقارن بعربية تانية بمعنى وضع عربية قصاد عربية و أقول أن الجين 2 أحسن من العربية الفلانية .
مفيش دفاع مستميت و لا حاجة .......
هو اظهار مميزات الشئ أصبح دفاع مستميت !!!!!!!!!!!
أنا راكب العربية بقالي فترة كبيرة ....... و مش بدافع عنها دفاع مستميت أنا بقول تجربتي مع العربية .......
و العربية و الحادثة اللي حصلت دي
واحد بيقولك كان ماشي 180 ................. و العربية قلبت 12 قلبة ............. و بص شوف منظر العربية عامل ازاي ؟؟؟؟؟؟؟؟
أعتبر يا أستاذ فادي أن العربية مدخلتش أختبارات الأمان الأوروبية . ( و هي فعلا مدخلتش ) و أحنا منعرفش ليه بروتون مدخلتش العربية أختبارات الأمان ...............
و لكن كلامنا عن متانة العربية تم أثباته بالدليل ........... القاطع ........ و الأكيد
سرعة 180 و غرزة ........ و العربية ثابتة جدا و بعدين تتقلب بسبب عربية تانية تخبط فيها 12 قلبة و العربية لسة و الحمد لله سليمة .
المرة الجاية الناس تشتم في حاجة كويسة ....... و أحنا علشان نبان مش بندافع دفاع مستميت ........ ندخل نقول أمين .
اول حاجة احمد الله علي سلامتك و سلامة من معك .. ربنا كتبلك عمر جديد .
بس معلش انت جاي علي العربية زيادة عن اللزوم يعني كنت ماشي علي 180 كم و بتاخد غرزة علي الصحراوي و كمان ضربتك عربية نص نقل ... يا راجل حرام عليك .:_Alshmokh08[1]:. الحمد الله انها جت علي اد كده .. بس انا شايف مع السرعة ده و كل اللقلب ده و كذا مرة و لكن الصالون محتفظ بقوته و ماطبئش لي تحت و القوايم ماسكة نفسها شوية !!!!
المهم حمدلله علي سلامتك و ارجوك العمر مش بعزئة ملهاش لازمة الجدعنة و السرعة حتي لو معاك بي إم .:majd(4):
استاذ momo انت جبت من الاخر الحادث ده هو احسن اثبات علي جوده الجين 2 من ناحيت الامان حتي لو بروتون نفسها اكدت ان العربيه مش كويسه
احب افكر الناس ان الاميره ديانا و دودي الفايد ماتوا في حادث عربيه مرسيدس s و تقريبا كانوا علي نفس السرعه .
حاجه اخيره بالنسبه للair bag انا اتوقع ان العربيه اتقلبت كام مره قبل ما تخبط من الامام و ده معناه ان الكهربه بتاعت العربيه فصلت او الكنترول فصل و في الحاله ديه الair bag مش هتفتح . الكلام ده هيحصل هي السيت و الBMW الاودي و كل العربيات لان تصميم الAir bag كده لا تعمل في مثل هذه الظروف . ده تقدير شخصي و مش يحبطك ولكن من الجانب القضائي اولا السرعه العليه 180 هتكون مشكله بالنسبالك ثانيا موضوع القلبات الكتير و فصل الكهربه
و حمد لله علي سلامتك
وشكرا
بدون الدخول في تفاصيل أ/ توت أنا مقتنع بالچين 2 أكتر من حضرتك ولكن في مقابل سعرها
أما بالنسبه للحادثه دي لو جينا حللناها هتلاقي العربيه متقلبتش علي الــ 180 لأسباب كتييييير وأفتكر الموضوع ده قُتل بحثا في موضوع بتاع حادثه السيات ليون علي 180 في قسم سيات .. يعني مش أنا ولا الأعضاء اللي معانا في المنتدي مع إحترامي للجميع اللي نقدر نقول العربيه أمان ولا لأ لأنها مش بقوة الصاج وإلا بقي ال بيچو الـ 504 تبقي من أفضل العربيات في إختبار الأمان لأن في مؤسسات كامله مهمتها إنها تحلل مستوي أمان العربيه
لكن الحاجه اللي نقدر نقولها إن الچين أحسن من الهيونداي مثلا في قوة الصاج الخارجي يعني الچين 2 عمليه أكتر في الشوارع الجميلة بتاعتنا والخبطات الخفيفه
لكن مقدرش أقتنع غير بحاجة واحده وهي EuroNcap في معرفة مستوي أمان العربية
وده ميعيبش في الچين 2 ولكن للأسف بشوف ناس من كتر حبهم في العربيه بيقولوا إنها أحسن من الأوكتافيا والمازدا 3 و واحد يقول أنا لسه مقطع چيتا وكلام كتيييير بسمعه .. وبمجرد إن حد يقول فيها أي حاجة نلاقي عليه هجوم رهيب
وعلي فكره أنا أعرف ناس معاهم چين 2 مش من المنتدي وبيشتموا في سحب الأوتو ..
وبكرر تاني أنا من أشد المعجبين بالچين 2 وبفكر بجديه إني أشتريها .
حمد الله على سلامتك وربنا يكفينا شر الحوادث جميعا يارب
بصراحه عن خبره اكتر من 15 سنه فى قيادات السيارات والسفر انت تحمد ربنا انك طلعت على رجليك من الحادثه دى .
انت عارف وزن العربيه كام على سرعه 180 ؟
عارف الخبطه فى التانك ممكن تعمل ايه فى عربيه على السرعه دى ؟
ربنا يستر طرقنا جميعا
رغم ان متاكد من حبك لجين2 وممكن ماردش لكن عشان انا الى قلت كده :shyy:
بس معلش ...هارد على حضرتك من غير هجوم خالص... والصفه الجديده الى اديتها للبروتونيه
انا فعلا طلعت من جيتا اكتر من مره ...وده حقيقه واقعه وممكن اجربها تانى وتالت لانى انا قلتها من قبل كده ومتاكد منها ...:_Alshmokh08[1]: وعربيتى اوتو 2006 يعنى مش زى مااصداقاءك بيقولو لك :majd(4):
ربنا يوفق
الكاتالوج بتاع العربيه موجود فيه الحالات اللى الايرباج مبتفتحش فيها و من صور العربيه واضح ان الخبطه موصلتش لل sensor بتاع اليرباج
السلام عليكم ورحمة الله وبركاته
سيدى الفاضل هذه اول مشاركة لى فى المنتدى
فى البداية الف حمد الله على سلامتك وربنا يحفظك ويحفظ الجميع
واريد ان اقول لك فى البداية لا تغضب فى الكلام اللى هقوله
وفكر فيه بموضوعية
السرعة اللى حضرتك كنت ماشى بيها دية ابعد ما يكون عن السرعة القانونية والسرعة اللى اى انسان بيحترم اللى حواليه يسوق بيها لان كده حضرتك مش بتحافظ على نفسك ولا على اللى حواليك مهما كنت محترف قيادة وحضرتك بشر معرض انك ترتكب خطاء زى ما اللى بيسوق النقل بشر وأخطأ
وثانيا حضرتك كنت راكب العربية لمدة سنة ونصف ومشفتش العيوب اللى فيها غير بعد ما اتحطمت العربية وبسببك انت قبل العربية النقل اللى خبطتك
ثالثا العربية اللى بعد اللحادثة دية اللى على سرعة 180 وتخرج منها سليم تستحق اننا نشكر شركة بروتون عليها لانهم يتقون الله فعلا فى صناعتهم ولولا ذلك لحدث لك ....الكثير لكن الله سلم والحمد لله
بالنسبة لمستوى الخامات الداخلية ياريت تفكر فى حاجة لو كانت الخامات الداخلية جيدة والصاج مثل خفيف كنت سيادتك انتهيت تماما لكن الخامات المهمة فى العربية وهيا الشاسيه والصاج هما اهم مية مرة من التابلوه وتقشيره
وحضرتك ركبت فورد فوكس ومرسيدس وحاجات اوروبى جامده اخر حاجة
فا ياريت تقارن أوربى بأوربى
لكن حضرتك بتقارن ماليزى بأورربى
ارجو من حضرتك عدم الزعل منى لانى والله افكر فى الامر بموضوعية فقط
وعلى فكرة انا معنديش بروتون ولا حاجة انا حتى لسه النهارده هبتدى اجمع معلومات عنها لكن انتقاد حضرتك العنيف للسيارة وبرضه السرعة الرهيبة هو اللى خلانى اشارك فى موضوع حضرتك
وفى النهاية ارجو من كل الاخوة محبى السرعة ان يتقوا الله فى نفسهم وفى من حولهم
Needforspeed
احييك....
ياااااااااااااااااااااااا اااااااااااااه كل الرغى ده خلونا بقى فى المهم و الكلام الفنى الموزوووووووووووون :U_thin1[1]:
الأول الحمد لله على سلامتك و ربنا ما يوريكش ده تانى إن شاء الله و يغفر لك بيه.
حضرتك كنت ماشى على 180 و أخدت غرزة عديت فيها فى الغالب من جنب النصف نقل البطىء و قربت منه جدا و بتطبيق قوانين ديناميكا الموائع اللى منها الهواء فى الغالب الراجل محدفش عليك لكن إنت اللى جذبته ناحيتك لما حصل تفريغ للهواء بين عربيتك و عربيته و لأن إحتكاك الكاوتش بالأرض عالى عربيته مازحفتش ناحية عربيتك و خبطت فيها غير عند نهاية طرفها و ده الجزء الأول من الموضوع.
نيجى بقى للوسائد الهوائية اللى ما فتحتش:
طبقا لصور حضرتك المرفقة للسيارة فى الصورة الأخيرة الصدر الصاج خلف الإكصدام الفبر فى مكانه تقريبا و ده يدل على إن ما فيش أى صدمة مباشرة قوية جت فيه و كده حساس فتح الوسائد الهوائية محصلوش تشغيل أو Not Activated .
نيجى بقى للخامات الداخلية اللى ما لهاش علاقة بالموضوع :
- الكاسيت بلوبانكت ماركة مترمة.
- خامات التابلوه بلاستيك ردىء زى معظم السيارات اللى فى نفس الفئة بس العدادات شكلها جميل و ثورى فى التصميم.
- فرش الكراسى قماش مثل معظم السيارات فى نفس الفئة و فئات أعلى كمان.
- التقفيل مش قد كده بس مش وحش !!
- العفشة ناشفة معاك حق فيها بس ده فى عربيات كثير غيرها و بيعتبروها ميزة !
- المحرك عنيف و ده طبيعى فى سيارة رياضية.
- الباور تقيل !!!
فى النهاية أرجع و أقولك الحمد لله على سلامتك و بعدين يا راجل حد يحط لوجو بلاى بوى على عربيته ده بيشير لإيه بالظبط :majd(4):
و ربنا يسترها مع الجميع
I told him before about the playboy...
السلام عليكم ورحمة الله وبركاته
فى البداية تحياتى ليك يا اخى ابو عبد الرحمن
فيه بس عتاب بسيط لحضرتك
انك بتقول فى اول ردك ( كل الرغى ده وخلينا فى الكلام المهم الفنى الموزون)
اعتقد ان كلامك ده معناه ان الكلام اللى بنقوله عبارة عن رغى وبس وملوش اهمية وليس له وزن من الناحية الفنية
ارجو منك انك تراعى اخوانك اكتر من كده شوية فى تعليقك لان الكلمة الطيبة صدقة
ولا أنسى أن اشكرك على وجهة نظرك فى الموضوع
وجزاك الله خيرا
ألف سلامه عليك والجمد لله انك طلعت منها سليم
موضوع الايرباج اللى مفتحش ده يقلق اوى
انا شارى العربيه لان فيها 2 ايرباج ودى كانت اهم حاجه فى العربيه
ربنا يستر
حمد لله على السلامة و قدر الله و ما شاء فعل
الحمد لله انك خرجت منها بالسلامة
حمد الله ع السلامة
ماشى 180 بعربية ماليزى ؟؟؟؟
ربنا ستر
I told him before about the playboy