الموضوع: بتستخدم برفان نوعه ايه؟

المشاركة الأصلية كتبت بواسطة ابو الوليد المصرى

حضرتك جبت العود بكام من عبد الصمد القرشي.
وهل هو فاتح في سيتي ستارز فعلا.

بص يا باشا التوله ب 380 او 480 مش مركز فعلا على ما اذكر واظن اليومين دول عندهم عرض التوله عليها نص توله هدية وعندهم زيوت تانيه حريمي ورجالي حلوه جدا واسعاره مش فارقه كتير عن السعودية على فكره التوله 12 جرام وممكن تاخد نص توله بس او تاخد نصين من نوع ونص من نوع تاني

المشاركة الأصلية كتبت بواسطة ابو الوليد المصرى

بس جراند حياة ده في اسكندرية.......ولا انا معلوماتي غلط ....يا ابو هاني.

لا ياباشا ده فى القاهره عندوكو

انا منصحش حد بعبد الصمد القرشى
لانك حتخش عنده هاتكره حياتك
ومهما اشتريت من عنده بكميات
هايبقى عندك شعور انك واقف فى كارفو وعايز بربع جنيه جبنه تركى
انا دخلت مره فرع سانستيفانو
بجد الريحه والمنظر يخض
بس الاسعار تموت

ده الفرع بتاع اسكندريه



وده سعر توله من التولات يعنى 12 جرام
تمناشر ألف جنيه بس بمناسبه عيده الماسى
فرصه والكل لازم يلحق بأسبقيه الحجز



ودى بقى التوله عشان الكل يبقى مستوعب
مش اللى ماسكها فى ايده لا لا لا لا
واحده من اللى موجدين على الميزان



يعنى الشويه دول يعملو 2مليون ولا حاجه
ده الواحد يشترى عماد متعب أرخص
وفى الاخر كل واحد عقله فى راسه يعرف خلاصه

نوع الدانل ده يا رجاله الى كان عندى ولقيت صورته على النت
ده كان جايلى من امريكا بس صناعه المانى
حد يعرف الاصلى منه فين و عامل كام ؟ لانى مالقيتوش فى المنصوره

السلام عليكم

موضوع البرفانات ده طبعا حكاية كبيرة جداً

هنا في السعودية فيه محلات أبو 5 ريال، فيها كل البرفانات المضروبة ويا عالم ايه اضرارها على الجلد، وفي نوع ارقى شوية ب 10 ريال.
احياناً بستخدمها، وميزتها في الهدايا وانا نازل مصر واهي بتنفع.

نعلى شوية، المحلات المتوسطة في الاسواق، وفيها البائعون بيقسموا ان البرفانات اصلية، وانا اشك في الكلام ده، وباعتقد انه تقليد نظيف غالباً من الامارات، واسعاره مثلا xs ب 90 ريال و لابيدوس 45 ريال، وبلو جينز 60 ريال، وهكذا.. وانت وشطارتك في الفصال، وفي حاجة غريبة جدا في المحلات ديه انه ممكن يبعلك البرفان بدون العلبة الكرتون وينزلك 5 ريال.

نعلى شوية، المحلات الكبيرة ذات الاسماء الشهيرة مثل المصباح، قزاز، faces، وخلافه ودي اسعارها فلكية غالباً زيادة من 50 : 80 % من المحلات من النوع المتوسط وده لنفس الماركة، وهنا مفيش فصال لكن ممكن يديلك هدايا جانبية، واعتقد ان المحلات ديه مضمونة كتير والمحلات ديه بتقسم المعرض الى اقسام حسب الشركة المنتجة من جي لاروش، دانهيل، باكو ربان، وخلافه، واحياناً كتيرة بيعملوا عروض في مواسم معينة خاصة مع نزول المتعاقدين في فصل الصيف، وأيضا من المحلات اللي من النوع ده محمود سعيد وان كان في كلام دلوقتي عن بضاعته وهل اصلية أم لا رغماً من ارتفاع اسعاره وبيقال انه بعتمد على الشراء من المناديب وليس من الشركة الأم مثل المصباح، وقزاز، و faces.

وهنا طبعا في العطور الشرقية، مثل شركة درعه، والقرشي، وخلافه، اشتريت مؤخراً عطر link من درعه 200 م ب 165 ريال في عرض، ميزة المنتجات ديه انك بتشتري من محل الشركة نفسه موش من موزع يعني المفروض انه اصلي 100 %.

ولكن يبقى المهم

1- هل البرفان اصلي؟ اصعب سؤال، ومحتاج خبرة كبيرة جداً، وثقة لا تنتهي في البائع.

2- هل البرفان مناسب؟ ده يختلف حسب نوع الجلد والبشرة والمناسبة والفصل ( صيف،شتاء،...)

3- هل السعر مكافىء للجودة؟