الموضوع: تسارع سيارتك من 80 الى 120 كم، شارك معانا

[QUOTE=semsem kane;3872380991]

المشاركة الأصلية كتبت بواسطة SAiF3S

لا ياباشا انا بس هاوضح حاجة صغيرة
دية ارقام سيارتى وانا مصور فى التقرير بتاع اقصى سرعة وانا جايب 260 كم
*السيارة بتاعتى سيفيك sir الهورس باور بتاعها 175 +فلتر اسبور بس دة كل اللى فى العربية يعنى تقريبا مزودلها 5 حصان عشان انا جايبة كامل والعزم 18.5 كيلو/جرام على المتر اوتقريبا 210 نيوتن
*فتيس مانيوال short shift gear 5 speed
*التسارع من 0الى 100 فى 6.5 ثانية
*عدد لفات الماتور 9000 لفة فى الدقيقة
*الريد زون بتاعها بيبتدى من عند 8200 لفة وعلى فكرة لو جيبت ال9000 لفة بردة هايزودلك عدد كيلو مترات بس اول ماالمؤشر يجى عند 9000 لفة كمبيوتر السيارة بيفصل اتوماتيك وبيرجعك الى 8500 لفة حفاظا على الماتور

*اقصى سرعة ليها متجربة 260 كيلو وجيبتها مرتين وكان معايا اتنين مش لوحدى
بعد تفاصيل السيارة اللى قولتهالك متهيألى الارقام دية صح
على فكرة دية سرعات السيارة
اخر الاول عند 8500 لفة وبيكون جايب من 65 الى 70 كم
اخر التانى 115
اخر التالت 140
اخر الرابع 200
اخر الخامس مش هاقدر احدد عشان انا جيبت 260 وكان عند 8200/8300 حاجة زى كدة بس فية واحد كان قال انة معاة نفس مواصفات عربيتى وجاب بيها 270

ياريت تقولوا ماشاء الله ولا قوة الا بالله
ومش ليا انا بس لأ لكل الاعضاء

ما شاء الله و لا قوه الا بالله
ربنا يبارك لك فيها
اللى عاوز اقوله ان عربيتك 2000 سى سى مو 99 يعنى بقالها كتير شغاله
اللى انا شايفه ان الرقم التانى اللى انت حسبته مش صاحبك ده اقرب للمعقول مع توقعى لحاله العربيه

المشاركة الأصلية كتبت بواسطة semsem kane

80-120 على الثالث :4.48.12 ثوانى
وكان صاحبى معايا وهو اللى حسب
هاجرب الباقى دة اللى عرفت اجربة
السيارة هوندا sir

المشاركة الأصلية كتبت بواسطة semsem kane

تمت التجربة الثانية للسيارة سيفيك sir
من 120-80 على السرعة الرابعة فى زمن 5.59.12 ثانية ومرة تانية جيبتها فى 6.12.08 ثانية والطريق واحد بس مرة وانا رايح والتانية وانا جاى

فانت عربيتك فى حدود ال 6 ثوان اكتر وليس اقل زى ما الاخ اللى قالك من السعوديه انك مش هتقدر تكسر 6 ثوان

المشاركة الأصلية كتبت بواسطة semsem kane

انا عملت الاختبار تانى انهاردة وارض مستوية وجيبت من 120-80 على السرعة الرابعة فى 5.12.02 ثانية بس المرة دية كان الطريق فاضى فدوست براحتى
وعلى السرعة التالتة من 120-80 فى 4.08.12 الحمد لله على كل شىء
اعتقد دة هيبقى اقل زمن اقدر اوصلة وان شاء الله هاصورها عشان الكل يتاكد من كلامى

الرقم ده اللى مش داخل دماغى خالص وانا بطلب منك تنفذ عرضك بتصوير تسارع العربيه من 80 -120 فقط لا غير بعربيتك و على ارض المحروسه
اما تصويرك لسرعه ال 260 فدى ممكن تيجى بعد 15 دقيقه وتحس انك جبت السرعه دى بعد 3 دقائق والصوره دى ليس لها محل من الاعراب فى الموضوع ده

انا عن نفسى ومع كل الامان و الثبات اللى فى العربيه لا أجرؤ انى اجرب بعد 180-200 ومره واحده او اتنين فقط جبتها و لم اجد مكان اخر يسمح بسرعه زى دى او اكبر منها
ما تزعلش منى لكن انا وثقت كلامى و بطلب ان كل واحد يوثق كلامه
انا ثبت حامل الموبيل بكاميرا الموبيل على عداد السرعه
واعتقد ان ده اصح من انك تبقى ماسك ستوب ووتش وسايق و مركز فى مائه حاجه
ربنا يحفظنا جميعا من كل شر و السواقه ليس لها كبير