الموضوع: اجيب ايه في حدود 20 الف

بص برضة على شاريد

من الاختيارات اللي حضرتك حاطتها ارشحلك الريجاتا ... لية
ماتورها جميل ولا كبير اوي ولا صغير اوي
الفتيس 5 سرعات يعني الجديد
مكان الاستبن لوحدة تحت فرش الشنطة يعني زي الجديد
سحبها علي الطريق جميل


لكن لو عايز حاجة حضرتك مش كاتبها وفي حدود ال20000 جنية فية كتير
1- بيجو 504 او 505 بس خد بالك من الكرونا ( الدفع خلفي)
2- فيات 132 وبردو بص كويس علي الكرونا
3- ماروتي 1998 موديل جديد بس صغيرة
4- فولكس جولف 1979 او 1980 بس خد بالك من توافر قطع غيارها


ارجو اني اكون افدتك والقرار النهائى طبعا ليك

متشكر جدا لسيادتك بس المازدا يمكن داخلة دماغي اكتر مش عارف ليه ، هل هي ليها عيوب ؟

لو ينفع تزود 5 وتجيبلك أنو أو بونتو موديل 94 كده هيكون أحسن من كل ده من رايه

العفو علي اية... احنا علشان نساعد بعض ونفيد بعض
بص يا سيدي العربيات الياباني عموما جميلة جدا بس لو حالة العربية كويسة
المازدا 323 اللي داخلة دماغك كويسة وفي منها بتكييف وهي ماتورها 1300 سي سي يعني كويس ولا كبير اوي 2000 سي سي ولا صغير اوي 1100 سي سي
هي عربية واسعة شوية من جوة وناعمة شوية في سواقتها وفي منها هاتشباك و في منها بشنطة
وهي جر امامي يعني كبالن يعني مفيش كرونا ودة صيانتة احسن واوفر من الخلفي
بس معرفش معدل استهلاك البنزين قد اية بالضبط
تعتبر كويسة نسبيا بس زي ما قلتلك في الاول لو حالتها كويسة
وعلي فكرة في ياباني موديلات ثمانينات بالثمن دة ومش مازدا ... لو انت عايز ياباني
1- ميتسوبيشي جالانت
2- نيسان داتسون

بس خلي بالك من توافر قطع الغيار واسعارها
وعايز اقولك حاجة الفيات بكافة موديلاتها موجودة قطع غيارها لكن المازدا صعب شوية
ولو تعرف تزود فلوس كمان ياريت تبعد عن الموديلات القديمة


وبردو القرار الاخير ليك

هي استهلاك البنزين بتاعها موفر جدا وانا عندي خبرة بجميع موديلات الياباني القديم والجديد كمان يعني اصلي مهتم شوية بالسيارات وكمان معايا علي فكرة ميتسوبيشي لانسر 1991 حكااااااااااااية كانت زيرو بمعني الكلمةن ولكن بعتها علشان ظروف قاهرة المهم اني بعدها مش هاعرف اركب غير ياباني ولو قديم والمازدا مناسبة بالنسبة للسعر اللي معايا خاصة ان ده اخري 20 الف بس اللي مخوفني منها حاجة واحدة لو حد طمني عليها هاجيبها ان شاء الله وهي
(المتانة) لأن بيقولوا عفشتها ضعيفة وكبالنها مش هاتتحمل

لو عاوز تسال عن مازدا 323 اسالني انا عشرة سنتين ونصف والحمد لله قطع غيار عند البقال وصيانة كويسة وكمان استهلاك بنزين كويس ما احتاجتش اعمل لها مصروف زي باقي العربيات وعلى فكرة انا لما اشتريتها كانت نصيحة من المنتدى الغالي دة ووعربيتي ياباني تمانينات وبفكر ابعها علشان جيب حاجة جديدة وواله العظيم صعبان علي عشرة زقزوقة عربية ماشاء الله عليها وبالنسبة لي غلاوتها زيادة اصلها البكرية عقبالك