عايز اعرف راى الكياوية فى سيراتو 2008
عرض للطباعة
عايز اعرف راى الكياوية فى سيراتو 2008
المنتدى مليان مواضيع عنها
شوف اللينك اللى فى توقيعى
محترمه و متينه و قويه و هاديه و ثابته و واسعه و مريحه انا معايا اختها بس 2009 ex الشكل القديم من 5 شهور و اكملت بها 6000 كم و راضى عنها كل الرضا و ديه شهاده من واحد عمره 50 سنه و مع 33 سنه قياده
العربية كويسة فعلا ومتينة وقوية وانا معاي 2008 وعاملة 14000 كيلو بس مخديتش حقها زي النيو والتوكيل القديم كان سبب في ذلك
انا جربتها لمسافة تقريبا 200 كيلو
فعلا ماشاء الله ممتازة جدا
احب اقولك ان الشكل دا هو الي اقنعني بالكيا واشتريت النيو علي حسها
عربيه ممتازه ممتازه جدا جدا وعلى فكره العربيه دي هي اللي علي حسها توكيل كيا رجع السوق تاني ولكن للأسف لم تأخد حقها في الأنتشار أو الدعايه الكافيه لأنها ما لحقتش تتنتشر في السوق لنزول الشكل الجديد والعربيه الحمد الله معايا وكل اللى ركبها ( وهم سائقين اصلا وعارفين يعني ايه عربيه) شكروا فيها جدا وقالوا انها احسن كتيير من عربيات تانيه لها اسمها في السوق
عربيه ممتازه طبعا
بس لاحظ انها الشكل القديم
يعني هتغلب شويه لما تيجي تبيعها
هو طبعا كلامك صح بس لو الواحد فكر في كده ها يتعب ومش هايشتري حاجه لأن علي حسب معلوماتي ان كل خمس سنين تقريبا بينزل شكل جديد في الموديل يعني ممكن بعد ثلاثة أو أربع سنين من دلوقتي ينزل شكل جديد للنيو سيراتو وها تبقي سعاتها شكل قديم وغيره كتيير من العربيات (انا حتي سمعت اني في شكل جديد ها ينزل للألنترا مش عارف صح ولا أشاعه) ومعلش ها اخرج بره الموضوع شويه مش كل شكل جديد بيبقي احسن من القديم يعني مثلا انا شايف ان اللانسر الشكل القديم اجمل وكذلك الكورولا الشكل القديم اجمل وتحس ان له بريستيج خاص ودي وجهة نظري طبعا عموما انا شايف لو في حد عاجبه عربيه من ناحية الشكل والمتانه والكفاءه في التشغيل ومدي توفر قطع الغيار والصيانه لها يتوكل على الله ويشتري ودي راي المتواضع ولكم خالص احترامي
بص ياباشا العربية معايا بقالها سنة و8 شهور واثبتت كفاءة تامة معايا وعملت بيها لغاية دلوقتى حوالى 30000 ك وانا مقتنع بيها تماما والحمد لله