سيراتو 2008

**ahmed_2009** · 20-01-2010 04:10 PM

عايز اعرف راى الكياوية فى سيراتو 2008

**ahmed_su** · 20-01-2010 04:37 PM

المنتدى مليان مواضيع عنها

شوف اللينك اللى فى توقيعى

**M.ABDEEN** · 21-01-2010 08:24 AM

العربية كويسة فعلا ومتينة وقوية وانا معاي 2008 وعاملة 14000 كيلو بس مخديتش حقها زي النيو والتوكيل القديم كان سبب في ذلك

**KoDaK_Gti** · 21-01-2010 11:49 AM

انا جربتها لمسافة تقريبا 200 كيلو
فعلا ماشاء الله ممتازة جدا

**ldsaklf** · 21-01-2010 04:09 PM

احب اقولك ان الشكل دا هو الي اقنعني بالكيا واشتريت النيو علي حسها

**EDC** · 24-01-2010 11:48 PM

عربيه ممتازه ممتازه جدا جدا وعلى فكره العربيه دي هي اللي علي حسها توكيل كيا رجع السوق تاني ولكن للأسف لم تأخد حقها في الأنتشار أو الدعايه الكافيه لأنها ما لحقتش تتنتشر في السوق لنزول الشكل الجديد والعربيه الحمد الله معايا وكل اللى ركبها ( وهم سائقين اصلا وعارفين يعني ايه عربيه) شكروا فيها جدا وقالوا انها احسن كتيير من عربيات تانيه لها اسمها في السوق

**romeo_6887** · 25-01-2010 02:00 AM

عربيه ممتازه طبعا
بس لاحظ انها الشكل القديم
يعني هتغلب شويه لما تيجي تبيعها

**EDC** · 26-01-2010 04:06 PM

المشاركة الأصلية كتبت بواسطة romeo_6887

عربيه ممتازه طبعا
بس لاحظ انها الشكل القديم
يعني هتغلب شويه لما تيجي تبيعها

هو طبعا كلامك صح بس لو الواحد فكر في كده ها يتعب ومش هايشتري حاجه لأن علي حسب معلوماتي ان كل خمس سنين تقريبا بينزل شكل جديد في الموديل يعني ممكن بعد ثلاثة أو أربع سنين من دلوقتي ينزل شكل جديد للنيو سيراتو وها تبقي سعاتها شكل قديم وغيره كتيير من العربيات (انا حتي سمعت اني في شكل جديد ها ينزل للألنترا مش عارف صح ولا أشاعه) ومعلش ها اخرج بره الموضوع شويه مش كل شكل جديد بيبقي احسن من القديم يعني مثلا انا شايف ان اللانسر الشكل القديم اجمل وكذلك الكورولا الشكل القديم اجمل وتحس ان له بريستيج خاص ودي وجهة نظري طبعا عموما انا شايف لو في حد عاجبه عربيه من ناحية الشكل والمتانه والكفاءه في التشغيل ومدي توفر قطع الغيار والصيانه لها يتوكل على الله ويشتري ودي راي المتواضع ولكم خالص احترامي