فرامل اللوجان فيها حاجه غريبة
السلاموا عليكم ياوحوش
امبارح الدنيا كانت بتمطر في 6 اكتوبر طول الليل. و بصراحه مقدرتش امسك نفسي علي الساعة 3 الصبح و الشوارع كده غرقانه ميه و مفيش جنس مخلوق ... رحت لابس الجاكت و قررت اختبر فرامل اللوجان
نزلت علي طريق المحور الرئيسي قدام المتميز طريق واسع 5 حارات و عملت كل حاجه كان نفسي فيها.
الاول كنت بشد لغاية 120-130 و اضرب فرامل و هاتك يازحاليق و دريفتات و سليدينج لحد الصباح الباكر باشقيق..
اللي بجد بقه مش فاهمه ان العربية دي بتاخد كل زحليقه و زحليقه و مبتلفش و لا بتعرض....
واللهي ياجدعان كانت بتزحف بتاع 10-12 متر من غير متعرض!!!
واللي انا اعرفه ان العربية ديه مفيهاش abs
و انا بصراحه كنت قارص علي المتور لغاية 5.5 - 6 rpm و العربية مؤشر الحراره متحركش عن رابع شرطه!!! انا بجد اتغابيت عليه و مش معقول لان الجو مكنش برد للدرجه ده يعني!!!
ياريت لو حد حصلوا مواقف مع فرامل او الحرارة بالوجان يحكي عليها....