عربيتى فورد اسكورت 1300 سحبها وتجميعها يخنق

السلام عليكم
انا عندى عربية فورد اسكورت 1300 موديل 1998 عاملة 65 الف كيلو
العربية بصراحة زى الفل تحفة بجد انا كنت شاريها فى 5-2009 عاملة 42 الف كيلو(ومش قالبة عداد)
المشكلة عندى ان احيانا بلاقى العربية سحبها وتجميعها سئ جدا مش عارف ليه
علما انى غيرتطقم دبرياج كامل بعد ماشترتها بشهرين وغيرت البوجيهات وفلتر الهواء وظبت الهوا والتكيهات وفككت الكاربراتير كله ونضفته ولاتزال نفس المشكلة موجودة
ملحوظة: المشكلة دى مش دائما يعنى احيانا بحس ان العربية فايقة وتحفة فى مشيتها وجريها واحيانا بتنرفزنى لما تتكتم كدا خصوصا ان انا كل مشاويرى اصلا على طرق سريعه وسفر
ياريت لوحد قابلتة مشكلة زى دى يفيدنى

تقريبا ده بيتوقف على نوع البنزين اللى بتحطه

نوع البنزين ده سبب
نوع البوجيهات و سلوك البوجيهات بيفرق جامد في اداء العربية ديه
لو مركب نوع بوجيهات عادي ممكن تغيرة ليها نوع مخصوص اسمه موتور كرافت سعرة في حدود 120 جنيه بس عمرة طويل قوي

مابحطلهاش غير بنزين 92
وطقم البوجيهات موتو كرافت والسلوك والفلاتر كله من التوكيل مش من برة

بص ياباشا علي الموضوع دا كدا يمكن يفيدك تقريبا زي مشكلتك
http://www.nilemotors.net/Nile/103679-a.html

اقتباس:

---

المشاركة الأصلية كتبت بواسطة wkisho2005

بص ياباشا علي الموضوع دا كدا يمكن يفيدك تقريبا زي مشكلتك
http://www.nilemotors.net/Nile/103679-a.html

---

شكرا لك يا wkisho انا حاكشف على علبة البيئة دى وربنا يسهل وتتحل المشكلة وحاحدث الموضوع اول ماعرف احل المشكلة بس ياريت لو فى حد تانى عنده فكرة المشكلة دى ممكن يكون سببها ايه تانى يقول
ودى لينكات بتتكلم عن علبة البيئة دى يمكن تفيد حد
http://www.nilemotors.net/Nile/6109-a.html
http://www.nilemotors.net/Nile/56104...converter.html
Catalytic converter - Wikipedia, the free encyclopedia

الصراحة حاجة غريبة انتا عامل الصح في العربية بس العيب لسة موجود حاجة غريبة

اقتباس:

---

المشاركة الأصلية كتبت بواسطة egytamer

الصراحة حاجة غريبة انتا عامل الصح في العربية بس العيب لسة موجود حاجة غريبة

---

ماهو دا اللى مجننى:majd(4): .. انا مدلعها اخر حاجة:s1[1]: وبردو خنقاانى دا انا لو حسيت بحاجة فيها حاتبدأ تزمزأ برميها واجيب غيرها على طول والميكانيكى بقى يتخنق منى من كتر الحنتفة و اصحابى بيستغربو من كتر نضافتها حتى فيها خبطات هبلة قوى رحت لسمكرى عشان يعملها حسيت انه مفقوع عشان حايشتغل فى حاجة ملهاش لازمة ولما باجى احط بنزين بيبقى هاين عليا اكشف عليه الاول لايكون مغشوش مش عارف اعملها ايه ناتى:stink[1]::stink[1]::stink[1]:

طيب سحبها بطيء بس في الاخر بتجري ولا مش بتجمع سرعة اصلا
علشان لو علبة البيئة هاتلاقي العربية مخنوقة و مش عاوزة تجري يعنى مثلا توصل لسرعة 50 و شكرا

اقتباس:

---

المشاركة الأصلية كتبت بواسطة ayabooy

طيب سحبها بطيء بس في الاخر بتجري ولا مش بتجمع سرعة اصلا
علشان لو علبة البيئة هاتلاقي العربية مخنوقة و مش عاوزة تجري يعنى مثلا توصل لسرعة 50 و شكرا

---

لا هيا بتعدى ال 50 طبعا
هيا تجميعها بيقل وبس انها مخنوقة يعنى بتجمع سرعتها فى وقت اكبر
لما بتكون فايقة بتجيب معايا 160 165 عادى وبحس انى عاوز اطير بيها عن كدا كمان لكن لما بتكون مخنوقة بالعافية بتوصل 140 وصوتها بيعلى شوية

أظبط تاكيهات وشوف محطة من اللي بتظبط الكربراتير على الكمبيوتر وهتلاقي فرق كبير في السحب وإستهلاك البنزين

اقتباس:

---

المشاركة الأصلية كتبت بواسطة reamoz

أظبط تاكيهات وشوف محطة من اللي بتظبط الكربراتير على الكمبيوتر وهتلاقي فرق كبير في السحب وإستهلاك البنزين

---

انا ظبطت تكيهات مرة وروحت عند ميكانيكى تانى عشان يظبطها قاللى التكيهات مظبوطة
ومش فاهم ايه ظبط الكربراتير عالكمبيوتر ياريت تشرحهولى ولو تعرف بنزينة كويسة بتعملو تدلنى عليها

اقتباس:

---

المشاركة الأصلية كتبت بواسطة freewill

لا هيا بتعدى ال 50 طبعا
هيا تجميعها بيقل وبس انها مخنوقة يعنى بتجمع سرعتها فى وقت اكبر
لما بتكون فايقة بتجيب معايا 160 165 عادى وبحس انى عاوز اطير بيها عن كدا كمان لكن لما بتكون مخنوقة بالعافية بتوصل 140 وصوتها بيعلى شوية

---

طيب انا كدة استبعد موضوع علبة البيئة ديه
جرب موضوع ظبط كهرباء و كاربرايتر على الكمبيوتر بس اتاكد الاول من جدوى او نفع الموضوع ده مت متخصص الاول
عموما لو انت قريب من مصر الجديدة التعاون بتاعت المطار عندهم و اول عباس بس منصحش بيهم في اي حاجة و كالتكس تقاطع عباس العقاد و مصطفي النحاس عندهم برده

اقتباس:

---

المشاركة الأصلية كتبت بواسطة freewill

انا ظبطت تكيهات مرة وروحت عند ميكانيكى تانى عشان يظبطها قاللى التكيهات مظبوطة
ومش فاهم ايه ظبط الكربراتير عالكمبيوتر ياريت تشرحهولى ولو تعرف بنزينة كويسة بتعملو تدلنى عليها

---

ياباشا جهاز الكمبيوتر ده بيكون جهاز تحليل للغازات اللي في العادم بتاع العربية
بيحط خرطوم في الشكمان ويطلع نسب الغازات على الكمبيوتر
والراجل بيظبط الكربراتير من مسمار الهواء لحد مايوصل لأقل نسبة من أول أكسيد الكربون وبكدة بيكون وصل لأحسن نسبة خليط هواء وبنزين وأفضل حرق ممكن تحقيقة

متشكر ليكو يارجالة

متشكر ليكو يارجالة
انا حاعمل موضوع ظبط الكربراتير بالكمبيوتر وادعولى زوبة تفوق معايا وحاحدث الموضوع اكيد عشان لو ممكن يفيد حد عندة نفس المشكلة
وصحيح مبروك لمصر ماتش الكاميرون وادعو يارب عقبال ولاد .... اللى بعديهم

صحيح عاوز اعرف انت ظبط تكيهات عند مين و مقاس الظبط ايه و كان على السخن ولا البارد

اقتباس:

---

المشاركة الأصلية كتبت بواسطة ayabooy

صحيح عاوز اعرف انت ظبط تكيهات عند مين و مقاس الظبط ايه و كان على السخن ولا البارد

---

انا بتعامل مع حمدى فورد اللى ورا السراج مول ومش متأكد هوا الظبط كان على كام بس تقريبا 0.5 وهوا ظبط عالسخن

اقتباس:

---

المشاركة الأصلية كتبت بواسطة freewill

انا بتعامل مع حمدى فورد اللى ورا السراج مول ومش متأكد هوا الظبط كان على كام بس تقريبا 0.5 وهوا ظبط عالسخن

---

اه كدة مظبوط