الموضوع: أعمل طقم شنبر ولا لأ

المشاركة الأصلية كتبت بواسطة reamoz

ياباشا حط زيت تقيل وتابع مستوي الزيت بإستمرار
ومع الإستخدام الكويس تمشي بيها كدة سنين طالما الزيت مش بينقص يبقى لسة بدري جدا

فى زيت ممتاز اسمه bp 50 هتلاقيه عند النزينات بتاعت الغاز ب 40 جنيه هتحس بفرق كبير لان الزيت ده اساسا بتاع شركة بريطانية واحادى الدرجه 50 وتقيل وهو بيتحط فى محركات الغاز الطبيعى عشان يحميها من الاحماض ويخليها تكربن . جربه وعلى ضمانتى .

فى زيت ممتاز اسمه bp 50 هتلاقيه عند النزينات بتاعت الغاز ب 40 جنيه هتحس بفرق كبير لان الزيت ده اساسا بتاع شركة بريطانية واحادى الدرجه 50 وتقيل وهو بيتحط فى محركات الغاز الطبيعى عشان يحميها من الاحماض ويخليها تكربن . جربه وعلى ضمانتى .

طب هو كويس ليه او ححس بفرق فى ايه لو حطيناه ولا هو لمجرد حمايه الموتور فقط
وهو بيتغير كل اد ايه

المشاركة الأصلية كتبت بواسطة misoalex

طب هو كويس ليه او ححس بفرق فى ايه لو حطيناه ولا هو لمجرد حمايه الموتور فقط
وهو بيتغير كل اد ايه

جربه يا استاذ خميس وانت هتعرف الفرق ده اخر اكتشفاتى ، و بما انك من اسكندريه مش هتلاقيه غير فى مركز تحويل الغاز الطبيعى اللى بعد شركة النسر عند نادى سموحة .

المشاركة الأصلية كتبت بواسطة د.محمود صلاح

موضوع الشنبر ده علاج مؤقت ومالوش لازمه تقريبا

مين قال كدة ياباشا
انا ليا صحبى معاة لانوس موديل 2000 المكنة اول ما خفت عملها طقم شنبر
ودلوقتى بقالها اكتر من سنة وداخلة فى سنة ونص اهو المتور ماشاء الله جبار
ولا دخنت ولا قال بم يادوب الصيانات العادية ومن اول ماركب طقم الشنبر وهو بيعامل المتور على انة جديد ومن ساعتها لابيزود زيت والمياة زيها زى اى عربية مظبوطة.

على شرط صحبى دة من هواة الجرى والشد ومشية حرق على الغيارات وساعات بيقرص على المكنة بس مش عمال على بطال ومهتم جدا بالصيانات بالزات تغيير الزيت ........ يعنى لو فية اى حاجة كان زمنها دخنت تانى.
هو اللى ملهوش لازمة فعلا لما المتور يتعمر فى الكامل يعنى خراطة تغيير البساتم بقطر اكبر يناسب القطر الجديد بعد الخراطة لأن عمر ما الخراطة هتطلع مظبوطة زى المصنع وشوية وكأنك معملتش حاجة وفلوس على الفاضى .

اسمع الكلام ياصحبى وغير طقم شنبر بس هات الاصلى عشان طبعا هيفرق لو مضروب واللى هيشتغل فيها صنايعى دايس فى الموضوع وشاطر ولازم يعمل حاجة اسمها رودية من غيرها طقم الشنبر دة مش هيعمر وعامل المكنة كأنك بدأت صفحة جديدة وراعيها واعمل الصيانات فى مواعيدها وبالزات تغيير الزيت دة العامل الاساسى فى الموضوع ودة اللى هيحافظ على المكنة متأخرهوش ولو تقدر تقلبة مثلا بدرى 200او 3000 كيلو يبقى مصلحة وتغير فلتر زيت بالكتير مرة ومرة مع غيار الزيت وان شاء الله هتلاقى المتور رجع لشبابة زى الاول على الاق بنسبة 90% لو الشغلة اتعملت صح... على فكرة بعد ما صحبى عمل طقم الشنبر وبعد التليين بشوية راح قاس كبس المتور بستمين 95 وبستمين 93 .

بردو هضيفلك معلومة عشان تبقى على دراية كاملة لو لاقدر الله وفتحت المتور ولقيت الشنابر بهدلت البلوك وعملت تعتيب فى مجارى البساتم(ودة فى حالة انك ملحقتهوش بطقم شنبر فى اولها) ساعتها الميكانيكى هيقولك ياتعمر يا تجيب نص متور تحت اللى هو هيشمل منطقة البلوك بالبساتم والافضل تجيب متور كامل استيراد وزى ماوضحوا الاخوة الاعضاء المتور الاستيراد زى البطيخة يعنى ممكن حد يشترى متور ويطلع بردو محتاج طقم شنبر بس البلوك بتاعة تمام مفهوش الهوا (الموضوع دة بيصادف ناس كتير بردو بس ساعتها طقم الشنبر على حساب اللى هتشترى منة المتور) وممكن يطلع زى الفل وممكن يطلع مفوت وعايز عمرة ساعتها كأنك معملتش حاجة عشان كدة يفضل تاخد ميكانيكى معاك عشان يكشف عالية ويخدة على تجربة.
من الاخر يامان لما تفتح المتور ولقيت محتاج شنبر جيب طقم واتكل على اللة وبعد التليين تروح تقيس كبس المتورعشان تطمن على الشغلة .... لقيت البلوك عتب واتجرح من الداخل متعملش عمرة وجيب اخرة وبعدين غيرة بواحد استيراد .. بس نصيحة لوجة الله اعمل طقم شنبر عند صنايعى محترم

ويارب اكون افدك فى شىء وربنا يقدم اللى فية الخير

المشاركة الأصلية كتبت بواسطة mahmoodallam

انت راجل محترم وبتفهم وما بتبخلش عالناس بمعلوماتك الصح يا مان !

دلوقتى لما بحتاج حاجة وبسئل الناس فى المنتدى بلاقى اللى انا عايزة وزيادة يبا حق عاليا لما الاقى واحد محتاج معلومة او مساعدة وانا عارفها وواثق منها اكيد هساعدة بقدر الامكان والعكس لو حاجة معرفهاش او مش واثق من المعلومة اسيب اللى فاهم يتعامل وبردو هستفيد منة.

كمان موضوع الشنبر و العمرات عيشت فيهم اكتر من مرة فى عربيات صحابى لانوس 2000 طقم شنبر, جوليت 2002 او 2004 مش متزكر اوى تغيير نص متور تحت مع عمل طقم شنبر . ويوم الجمعة بعد صلاة الجمعة عربية لادابتاعت قريبى مستلمنهاكانت بتغيرة مكنة بعد عمل عمرة قبليها وقعدت اقل من سنة مكملتهاش ودخنت تانى . فاكل اللى فهمتة من اليلة دى ومع شوية استفسارات من المنتدى بخصوص الموضوع دة جمعت شوية المعلومات دى .