الموضوع: سؤالين مهمين جدا برجاء الرد من عنده الإجابه-يرجى سرعة الرد

المشاركة الأصلية كتبت بواسطة elgawy10

شوفت عربيه جيب شروكي 1993 ، وخليت إتنين ميكانيكيه يشوفوها وقالوا إن العربيه حالتها كويسه ونظيفه ، والموتور نظيف ، هيه فيها عيوب بسيطه زي شوية سمكره ودوكو في الباب ممكن تتصلح ومش هتأثر على أداء العربيه
العربيه موديل 1992، 4 سلندر، ومغير لها شوية حاجات من فتره صغيره زي البطاريه والسير

رحت النهارده معاه علشان وطلعنا شهادة بالمخلفات وروحنا نعمل توكيل بالبيع بس الموظفه قالت لازم شهادة بيانات من المرور وروحنا وإتأخرنا على الخزنة كانت قفلت الساعه 1 الظهر، فعملنا عقد بيع إبتدائي بيني وبين البائع وإديته المبلغ ناقص 3000 جنيه هأديهم له عند عمل التوكيل في الشهرالعقاري وخدت منه العربيه
العربيه بصراحه شكلها نظيف وأطمأنيت من كلام الميكانيكيه كانوا بيشكروا فيها قوي
المهم بكره عيد الشرطه علشان كده الموظفين واخدين أجازه - علشان كده البائع هيروح يوم الثلاثاء وهيعملي التوكيل بإذن الله

على فكرة الشهر العقاري مش بيطلب شهادة بيانات عند عمل التوكيل
لأني شغال في الشهر العقاري
شهادة البيانات بتتطلب في حالة ان الرخصة منتهية او فيه بيان ناقص في الرخصة زي الموديل مثلا

بس فيه سؤال لو حد يعرف الإجابه عليه

طب ليه بدل مايعمل لي توكيل مهو أحسن على طول يعملي بيع وشراء في الحاله دي إيه لزمته التوكيل وأسجل على طول في الشهر العقاري؟
انت ممكن تخليه يسجل ليك مباشرة و تريح نفسك من التوكيلات
او لو هتعمل توكيل اتاكد انه هيتكتب فيه البيع للنفس او للغير و توكيل الغير ( عشان لو حبيت تبيع العربية بعد كده ) و لو الرخصة مش باسم الراجل اللى هيبيع اتأكد من تسلسل التوكيلات
و ربنا يبارك لك في العربية إن شاء الله