سيدى الفاضل دكتور حسن ..
مشاركاتك كلها شتيمة فى فيات ... و بعيد عن الموضوع الأصلى .. و شتيمة فى البرافو ... ليه حضرتك مدخلتش فى الموضوع علطول و شرحت مميزات السيات ؟؟؟ بالعكس ده شكل حضرتك شغال فى سيات بقى ... مش فؤاد إللى شغال فى فيات ... ليه النفسنة دى على البرافو؟؟؟ محدش جه جنب السيات فى حاجة .... فنتمنى حضرتك تتلزم بالموضوع نفسه حتى لا تفقد مصداقيتك فى المنتدى ... حضرتك معاك ليون إكتب كل خير عنها محدش فينا شتمها ..
فمبدئيا كلامك كله تحيز من غير تفكير ولا تجربة للبرافو لأن واضح إن حضرتك مجربتهاش و بتتكلم كده و خلاص ..
ثانيا .. السيات مش ألمانى .. السيات أسبانى .... هتقول موتور فولكس ..
هقولك البرافو موتور الفاير .... , و نفس الموتور إللى بينزل فى ألفا روميو .... و طبعا مفيش مقارنة بين ألفا و فولكس أصلا .... الألفا فئة أعلى و أفضل بكثير تنافس فى البى إم دبليو و المرسيدس و الأودى ..
نيجى بقى لفتيس الdSG إللى الناس فرحانة بيه و يقولو فولكس إخترعته .. لا فولكس ولا غيره ... دى أصلا إختراع عالم فرنساوى أيام الحرب العالمية الثانية ... و نزل فى الثنانينات فى الفيرارى و البورش ....
و فيات بتنزل فتيس Dual Clutch System و مماثل للDSG ... فالفتيس مش هيعمل حاجة ده مجرد مساعد للموتور ... ثانيا حاليا فتيس السيلسبيد من أفضل الفتيس التبترونيك فى العالم و تسارعه جبار كمان ... بالأرقام مثبته ... فمش هنعد نرغى فى الفتيس الأسطورة ده ..
رابعا بقى جودة تقفيل السيات عادية جدا نظرا لفئتها السعرية (حقيقة لا جدال فيها) .. نفس مستوى الفيات و الهوندا و التويوتا ... تقفيل يعتبر عادى ... و لا يتميز عن غيره ..
حضرتك جبت ليون .. على عينى و راسى و ربنا يباركلك فيها ... إشرح مميازتها ... من غير ما تشتم فى العربيات التانية ...
المفضلات