و إنت بتسخن بدوس بنزين؟؟لو آه بتطلع rpm لحد فين ؟
على الأقل دقيقة
أنا شخصياً بعد لف و دوران و سؤال و تجاوب وصلت للطريقة ده فى التسخين
بدور العربية و أنزل أشيك على اللمض و الكاوتشات و أبص كده لو فى اى حاجة فى العربية، باخد بتاع 30 ثانية، و بعدين بستنى 3 دقايق بالظبط و بعدين ببتدى أتحرك و بخلى الار بى ام تحت 2.5 لحد ما مؤشر الحرارة يوصل للنص و بعدين ببتدى ازود الار بى ام يعنى 10 دقائى كده بنقل على 2.75 و بعدين 10 بنقل على 3 و بعد كده بنقل على حسب الطريق و الشد و الحاجات ده.
لو ناقشنا الموضوع بالعقل ، أول ما تدور العربية، الموتور بيبتدى يلف و أول كام دقيقة بيكون مفيش زيت خالص و دول أخطر حاجة و بعدين بيبتدى الزيت يطلع و يخش دورته. سواء العربية ماشيه أو واقفة الموتور شغال بس الفرق انك مستحيل تمشى على ار بى ام 1 و العربية على السلانسيه بتكون على 1 و هى بارده و بعد كده بيقل و بما ان أول كام دقيقة هما اخطر حاجة فمن المنطقى ان الموتور يكون على أبطئ ما يمكن و هو السلانسيه و بعدين اول ما الزيت يبتدى يخش للموتور نبتدى نتحرك عشان مع حركة الموتور الزيت حيتوزع أحسن.
موضوع الار بى ام بياخد قد إيه عشان ينزل تحت الواحد ، انا فل الفابيا ال1400 بياخد بتاع 3-5 دقايق عشان ينزل بس فى عربية والدى الباسات 2000 كان بياخد بالضبط 30ثانية و كان بينزل و تلاقى صوت الموتور اختفى مره واحدة
والله يا جماعة أنا عاجز عن الشكر جزاكم الله خير
ايه العلاقة بين التسخين ونزول ال ار بى ام
شوفو الأكيد ان التسخين مش حيضر بالعربية
يعنى مش مشكلة انك تستنى دقيقتين تلاتة وبعدين تمشى عقبال متشيك على العربية
بس الأكيد ان عند التدوير الصبح الموتور بيكون بارد والزيت لزج جدا واكيد انك تدور وتمشى حيضر بالموتور
والله المستعان
لا يوجد علاقة بين مؤشر الحرارة ودرجة حرارة الزيت
مؤشر الحرارة بيكون على الرداتير أما الزيت فله دورة تانية
جميع السيارات الحديثة من خلال الكتالوجات بتاعتها بتوصى بالمشى بالعربية على الهادى لحد ما ترتفع درجة حرارة العربية قرب درجة التشغيل العادية (90 درجة) وبعد كده ممكن تسوقها وتضغط عليها زى ما إنت عايز .
ونصيحة لكل الناس اللى عندهم عربيات حديثة توصى بإستخدام بنزين 95 وبيحط 92 أو حتى بيحط 95 إنه يحرق فى الغيار كل يوم لمده 3 -4 دقايق عشان الكتاليزر (الجزء الخاص بتخفيف انبعاثات غاز ثانى أكسيد الكربون للجو والمسئول عن تنقية العادم) ما يبوظش عشان لما ما بتحرقش أو تفتح الموتور زى ما بيقولوا بيبدأ الكربون بيترسب ويتجمع بصورة كبيره في الكتاليزر وعلى المدى الطويل هايسبب مشكلة وخلل في الكتاليزر نفسه ، وهتلاقى العزم بيقل ولمبة تشك إنجن هاتنور وهاتخش فى السيف مود وساعتها لازم تغير الكتاليزر واللامبدا سنسور (حساس العادم الثانى اللى بعد الكتاليزر) .