مطلوب رأيكم في بولو 95 2 باب

**m_sobh** · 21-01-2010 06:47 PM

السلام عليكم ورحمة الله وبركاته
معلش يا جماعة أنا معروض عليا بولو 1995 فابريكة ما عدا الأكصدامات رشة نضافة
زجاج كهرباء وتكييف وباور وسنتر
الموتور تم تغييره من سنتين تقريبا بموتور جولف 1600 إنجكشن جديد (على كلامه)
لم يتم تغيير أي شيء في العفشة من أول ما جابها ما عدا كوبلن (يعني ممكن تحتاج عفشة)

ممكن حد يقولي دي تسوي كام وهل من السهل بيعها ولا تقيلة في البيع
وهل ال2 باب تفرق عن ال4 باب في السعر وإعادة البيع ولا لأ
هوا طالب 36 ألف

وشكرا جزيلا مقدما

**M.Mostafa80** · 21-01-2010 06:57 PM

كتير عليها كونها مغيره موتور وكونها 2 باب بتبقى تقيله فى اعاده البيع العربيه دى من 28 الى 32 بالكتير

**m_sobh** · 21-01-2010 08:09 PM

المشاركة الأصلية كتبت بواسطة m.mostafa80

كتير عليها كونها مغيره موتور وكونها 2 باب بتبقى تقيله فى اعاده البيع العربيه دى من 28 الى 32 بالكتير

هوا شاريها من 7 شهور ب 33 وغير الكوبلن البايظ والسيور وأخره فيها 35
معلش سؤال
هوا موتورها أفضل من الموتور اللي راكب
أنا أعتقد العكس

**mesho_kimi** · 21-01-2010 09:11 PM

ذى ما محمد مصطفى ما قال العربيه المتسقطلها ماتور بينزل سعرها جامد ده ممكن ينزل عن 28 كمان صحيح هو أضافة لقوة العربيه بس الفبريكه فبريكه برضه بالنسبة للعفشة فا ده جسب حالة العربيه وديها عند حد كويس يكشفلك عليها

**m_sobh** · 21-01-2010 09:32 PM

المشاركة الأصلية كتبت بواسطة mesho_kimi

ذى ما محمد مصطفى ما قال العربيه المتسقطلها ماتور بينزل سعرها جامد ده ممكن ينزل عن 28 كمان صحيح هو أضافة لقوة العربيه بس الفبريكه فبريكه برضه بالنسبة للعفشة فا ده جسب حالة العربيه وديها عند حد كويس يكشفلك عليها

أنا مش عايز أبخسها لصاحبها
بس معقولة تكييف وباور وسنتر وفابريكة تكون بالسعر ده؟
ده الأونو موديل 93 لو مكيفة بيطلبوا فيها 30 ألف مع إن تكييفها زبالة والعربية محتاجة سدادات ودان وغنت سايق
يا إخواننا ياريت حد يتمن بجد علشان ماأظلموش

**original** · 22-01-2010 09:32 AM

المشكلة إن الأونو قطع غيارها متوفرة وأرخص من البولو وبعدين لو عايز يخلص ب 30 يبأا كسبان بس أشك إن موديل 95 يكون فابريقة وبعدين تغيير الموتور الألمانى يعنى إتهلك والكبالن بتاعة البولو معمرة جدا عشان ألمانى مش إيطالى زى الأونو!!

**m_sobh** · 22-01-2010 10:10 AM

يا إخواني مستني يقية رأي الخبراء حتى لا ظلمه ولا يظلمني
لأن معنى كلامكم إنه حتى لو وافق إن العربية مش سهلة في إعادة البيع وقطع الغيار
يا ريت لو حد عنده نفس العربية يقولي رأيه

**original** · 22-01-2010 11:56 AM

معايا بولو 98 1000 سى سى تكييف وباور بس 4 باب وعرفتنى على ناس كتير فى مصر كللها بسبب قطع غيارها..

**mesho_kimi** · 22-01-2010 12:01 PM

بص حقولك حاجه فى ناس كتير بتغلط بالذات فى الشراء بالنسبة للعربيات اللى مستقطلها ماتور وهى إنها تشترى بسعر عالى وبعد كده تخسر وده اللى عمله صاحب العربيه وممكن حد يجي يشترى منه بالسعر ده بس حيبقوا قليلين اوى و انت شوف السعر اللى يناسبك بس السعر اللى هوه عايزه صعب أوى وكمان صعب اوى انه تكون العربيه راشه نظافة بس دول سنين كتير اوى انت لو أخدتها بسعر معقول حتتباع معاك هواه أنما لو اخدتها بسعر قليل حتتباع معاك بسرعه لانه حيبقى السعر المعقول لعلمك أنا مره شوفت بولو 95 بتتباع ب 52 بس كان فيها ماتور مالوش حل وفرامل اى بى اس وفاتحة سقف و حاجات غريبه كده على فكره انا معايا تفس الموديل اللى حتشتريه بس اربعة باب وهى عربيه جميلة جداً ماشاء الله عليها وربنا يكرمك بعربيه كويسه

**ramzi** · 08-06-2010 08:08 PM

العربية 32 حلو عليها عشان 2 باب وطبعا الحالة هى اللى هاتفصل ... وبعدين تسقيط الموتور مايعبش العربية من وجهة نظرى .. لسبب بسيط
العربية موديل 95 يعنى لو موتورها ليسة راكب يبقى الموتور بقالة 15 سنة شغال . وكمان 1300 سى سى .. انما االموتور المتركب ممكن يكون موديل اعلى وكمان عامل كيلو متر اقل .. وكمان 1600 سى سى هايكون افضل للعربية فى السحب وفى تشغيل التكييف ... ...