شكرا يا جماعة بجد على المشركات ديه عرفتنى قوة العربية و عيبوها. ده غير الفكرة الاساسية للموضوع ان ليه العربية ديه انتشرت.بس بجد الموضوع ده مفيد جدا.
معلش يا جماعة دخولى نادر عشان انا ثانوية عامة ادعولى
عرض للطباعة
شكرا يا جماعة بجد على المشركات ديه عرفتنى قوة العربية و عيبوها. ده غير الفكرة الاساسية للموضوع ان ليه العربية ديه انتشرت.بس بجد الموضوع ده مفيد جدا.
معلش يا جماعة دخولى نادر عشان انا ثانوية عامة ادعولى
أكيد عشان شكلها الحلو وسعرها فى متناول الكثيرين وكمالياتها حلوة
بالفعل بقت كتير قوى و لكن هذا ليس علاقة بأنها بها مزايا كتير أو غيره و لكنه مرتبط ارتباط وثيق بعادات و سلوكيات العربية كويسة و ناس كتير بيشتروها يبقى الأسهل من غير تعب و لا دراسة حاتوجع دماغك ليه زينا زى الناس زى السفينة اللى مالت على جنبها اليمين قليلاً و هى فى عرض البحر فنادى ربان السفينة و قال على بعض السادة الركاب الاتجاه الى يسار السفينة لعمل اتزان المركب فذهب جميع السادة الركاب الى اليسار فغرقت المركب
السلام عليكم :
انا معتقدش ان معظم الناس اللى دفعت 115 الف ( متوسط سعر السيراتو) دفعتهم مجرد تقليد . لان على فكره ده مش مجرد موبيل جديد عجبنى شكله او سمعت الناس بتقول انه كويس
يا جماعه دى عربيه زى اى عربيه فيه ناس كتير اعجبوا بيها وكل واحد
عجبته من وجهه نظره ( شكل - امكانيات - اداء - ....... الخ )
انا واحد من ملاك هذه السياره كنت عارف عيوبها ومميزاتها من الموقع ومن مقالات اخرى ومع ذلك اقدمت على الشراء لانى متأكد ان الكمال لله وحده حتى ولو فى الالمانى
وعلى فكره عربيتى مبتحدفش شمال ولا يمين
وربنا يوفق الجميع ويكفينا شرهم .
من الاخر
كيا نيو سيراتو = نيو لانسر بوما
لان كل ما ينطبق علي اللانسر البومة من تلات اربع سنين ينطبق علي النيو سيراتو دلوقتي:
-الشكل الجميل
-المتور القوي
-التجهيرات و الاوبشنز
-تعدد الفئات
-السعر المناسب
-التوكيل الشاطر
و فوق كل ده سمعة الجنية الدهب
حمدا لله على سلامتك يا دكتور احمد ....
عودا حميدا ... كنت متوقع لحد ما تعليقك على السيارة
قدر الله وما شاء فعل ... تمنياتى بانتهاء عملية اصلح السيارة باقل قدر من الازعاج
حمدا لله على سلامتك مرة اخرى - بس ابقى رد على الموبيل
الف سلامة ليك يا دكتور احمد حمد لله علي سلامتك انتا والله ليك وحشة كبيرة جدااااااااااا مع اني زعلان منك بس خلاص
دكتور احمد سامى
حمدا لله على سلامة حضرتك , اول ما شفت مشاركة حضرتك فرحت اوى و طلعت بعينى فوق بسرعه اشوف تاريخ المشاركه لقيتها "اليوم" فرحت اوى ان حضرتك بخير و رجعت تدخل على المنتدى تانى
حمدالله على السلامه يادكتور أحمد
والله مشتاق ووحشانى اووى مشاركاتك هنا
وان شاء الله العربيه ترجع زى مكانت وربنا يعينك على التصليح والحمدلله قدر ولطف المهم انك بخير
بخصوص السيراتو زى مقال الدكتور احمد مش اكتر من كده
رغم كل الناس اللى بتهاجم العربيه دى ورغم كل الناس اللى مش عجباهم عشانها كورى
والناس مقبله عليها بشكل غير طبيعى
بكره لما النيو النترا تنزل الناس برده هتقطع فى فروتها وتطلع القطط الفطسانه فيها
وتقول دى السيراتو بعينها وعارفينها انما الالنترا لسه جديده (واخد بالك ياحسام باشا؟)
والله احنا شعب زى العسل وطيب اوى :ma:
ومع ذلك وكل الأراء دى سواء فى صالح العربيه او ضدها
انا قدرت اعقلها واحسبها صح واشوف هنا واشوف هناك لقيت ان العربيه دى فعلا تستاهل كل جنيه فيها
وبتحقق معادله صعبه جداااااا مقدرش عليها الألمان ولا اليابان وقدرت عليها كوريا
بصراحه ده ذكاء منهم
وكل واحد بيشوف الصح من وجه نظره وتفكيره وانا واحد من الناس فكرت فيها جديا وهرخصها الاسبوع ده ان شاء الله إدعولى :)
ده أكبر دليل على نجاحها
و دى حاجة تفرح و متزعلش لأن سعرها هيجيب تمنه لما تبيعها و تجيب غيرها
تمام بالظبط زى ما حصل مع الدايو لانوس
سامحك الله
حضرتك قريت الرد فى الصفحه الاولى وسيبت باقى الموضوع
أنا اعتقد ان 70 -80 % اشترو العربيه تقليد و ثقه فى اختيار الغير و اعجابا بشكل العربيه الخارجى و الداخلى
و 20 - 30 % اشترو العربيه عن أقتناع تام بامكانيات العربيه الفنيه و الكماليات بما يوازى تحويشه العمر
وده ردى على اخ سابق وانا بررت ليه انا قلت ليه كده
انا مقدرش انصحك تجيب ايه فى نفس سعر السيراتو لان حضرتك معاك العربيه و احنا مش فى محل البحث عن بدائل للسيراتو , ربنا يبارك لك فيها و بها و يعطيك خيرها كله و يكفيك شرها كله
ده ردى السابق و موجود فى الصفحه التانيه
على فكره من ساعه الموضوع ما نقل من العام لقسم الكيا و انا عارف ان ناس كتير هتهاجم فى وده حقهم
معلش انا متابع موضوع السيراتو من زمان مش عارف ليه الناس كلها كانت مستنياها من قبل حتي ما تنزل في مصر و بالذات في النايل موتورز
و دا من ساعة ما شافوا صورها
انا ما احبذش ان الواحد يشتري العربية اول ما تنزل علشان يستني اللي جربوها و يعرف تقييم مبدئي ليها و بعدين يقرر
اغلب الناس بتشترى من غير ماتجرب بمجرد مابتركب العربية وتستريح للحجم الداخلى والشكل والامكانيات وطبعا كل معرض ولية طريقتة فى عرض العربية واثبات انها احسن عربية فى فئتها ,وكماليتها الكتير اللى مش موجودة غير فى السيراتو ولو لقيتها فى اى عربية تانية هتلاقيها ب160 الف فيما فوق ,دة غير ان شكل العربية لية عامل كبير جدا فى اكتساب الزبون وممكن يتغاضى عن حاجات تانية بسبب الشكل ,ودة اللى عرفت تعملة الكيا وعملت مقدمة جميلة جدا والاكصدام بتاعها مساعدها اكتر فى اظهار الشكل دة بعكس الواجهة الخلفية فهى اسوأ ما اراة فى سيارة (وجهة نظرى ) العربية من جوة اسوأ الخامات اللى مستخدمة بلاستيك ردىء فعلا انا جربت الفئة اللى ب116الف واللى ب103
لكن التقفيل جيد ومافيش غلطات الا قليلا جدا وغير واضحة عشان كدة مش هذكرها باستثناء قفلة درج التالبوة بحس انة وهو بيتفتح وبيتقفل متركب غلط
الماتور بقى والثبات مش هتكلم عليهم عشان كل واحد ادرى بيها ومش هقول رائى فيهم انا بس حبيت اذكر اهم نقاط اللى مخلية مبيعات السيراتو تنتشر اوى كدة بالطريقة الرهيبة دية
ومحدش يقول عليها عشان جامدة والا كان الكلام دة انطبق كمان على الفيرنا واللانوس
والكروز بردة ماشية فى الانتشار بردة بقت منتشرة
هههههههه تانيييييييييييييي - العربية دي حتفضل تتهاجم من كل ملاك العربيات التانية الاقل في الجودة والاكثر جودة ودة ملهوش غير معني واحد انها قدرت تخلي جميع الماركات التانية تبصلها وتاخد بالها منها وتاكلها الغيرة كمان - ويصبر نفسة ميقولك انا راكب معرافش اية واصل انا ركيب اية -
الي كل من راكي عربية واسيراتو مش عجباة وحاسس انة افضل ماتشغلش بالك بيها يا سيدي وخليك في اللي انت راكبة والا انتوا مش عارفين تطلعوها من دماغكم وحاسين انها ركنت عربيااااااات كتييييييييير قوي علي الرف سواء كانت اعلي او اقل في الفئة
وربنا يكفينا شر الحاسدين والحاقدين - وعجبي :satelite:
انا رأيي يا جماعة ان مفيش مقاييس للعربية الحلوة او الوحشة غير اجتياجات صاحبها يعني ممكن واحد يركب عربية يتضايق منها جدا وواحد تاني يركب نفس العربية يكون مبسوط منها
انا لما كنت ببيع عربيتي القديمة كنت قرفان منها جدا وكل لما حد يكلمني اقوله عيوبها كلها واللي اشتراها كان مبسوط بيها جدا ومنزلش في تمنها قرش
فلولا اختلاف الاذواق لبارت السلع
ومع احترامي لاي عربيات تانية في عربيات منتشرة من غير لازمة