بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
كيا سيراتو بقت كتير اوى اوى اوى فى مصر بقت زى الفرنا واللانسر.........محدش يعرف ليه؟
عرض للطباعة
بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
كيا سيراتو بقت كتير اوى اوى اوى فى مصر بقت زى الفرنا واللانسر.........محدش يعرف ليه؟
أعتقد انها مش زى الفيرنا و اللانسر لكن تقدر تقول انها بديل جديد للالنترا
اما انها بقت كتير قوى فمش عن اقتناع بالجوده زى ما هيا سياسه القطيع و التقليد
عشان شكلها جميل و فيها اوبشنز كتير
اعلى كماليات فى سعرها
عشان كده انتشرت مش اكتر
العربيه فعلا انضمت مؤخرا لـــ(اكثر العربيات انتشارا في مصر)
بس بصراحه شكلها لوحده جامد جداااااااا
سؤال غريب جداً
انا فاهم حضرتك عايز تقول إيه
بس مفيش داعى "للقطيع"
الموضوع و ما فيه ان العربية دى فيها تجميعة (او توليفة ) مميزات صعب تلاقيها كلها فى عربية تانية فى نفس سعرها
يعنى انا هتكلم عن عربيتى lx او فئة اوتوماتيك سعرها 103 الف جنيه
عربية انا شايف إن مميزاتها تكمن فى ( وسع الصالون - محرك قوى - كماليات معقولة او على الأقل اللى انا محتاجه - ثبات ممتاز - و كمان توكيل محترم )
و العربية بشكل عام أدائها جيد جدآ بالنسبة للفئة دى
كل العربيات المنافسة هتلاقيها ناقصة حاجة من دول
يعنى الصنى مثلآ... عربية فيها كل الحاجات اللى ذكرتها بس ضيقة
الإلنترا ... شكل قدم و كمان إبعد عن غبووور
اللينيا ... ممتازة بس مفيش منها اوتوماتيك بالإضافة ان ملهاش مركز صيانة محترم فى الإسكندرية
فهتلاقى ان السيراتو بطريقة ما عملت توليفة ما بين الحاجات دى
أو على الأقل جمعت كل متطلبات الى انا محتاجها فى عربية واحدة
بس كده
افضل قيمه طول الفتره اللى فاتت فى فئه السيدان العائلى فى رنج من 100 ل 150
طبيعى انها تكون منتشره , ده أحد الدلائل اللى تقول ان العربيه ناجحه فى السوق عموما
تجربتى مع الكوبيه طلعت عربيه غير ما كنت متوقع ليها نهائى بجد مش امكانيات سعرها نهائى عربيه بسعر 145 الف المفروض تكون اقوى واشرس من كده بكتير خصوصا انها مواصفات رياضيه وكوبيه العربيه فعلا تجذب انظار الناس وتثير اعجاب فوق الطبيعى نظرا لشكلها الجذاب وحب الانتصار عليها من فئه السيراتو العاديه غير طبيعى ياعنى لما تمشى مسافه من احمد عرابى الى كورنيش النيل واكتر من اربعه تقابلهم وعاوزينك تشد ده يخليك فعلا تعرف ان الجميع نفسه يعرف امكانيتها لان طبعا الكوبيه غير عائليه او عمليه بالنسبه لفئه كبيره من مجتمعنا فكرونى فى التسعينات لما كنت اشوف شاب راكب بى ام اسخنه علشان اتفرج عليه واتمتع برؤيه امكانيات العربيه
العربيه فعلا سعرها عالى جدا بالنسبه لقدرتها لكن الكماليات والشكل الخارجى والداخلى فعلا حاجه خيال جدا العربيه طبعا مضيقه من الخلف لكن السائق والمجاور عايشين فى بحر
والسيراتو عموما فعلا انتشرت بطريقه غريبه جدا فى وقت قصير جدا تكاد تكون مثل الانسر رغم ان الانسر البومه تاريخ ميلادها يتعدى السبع سنوات فى شوارع مصر ومع كلا اغلب من يمتلكها وله خبره فى مجال السيارات غير راضى عنها وعن امكانيتها لكن لو واحد بالفعل تجاربه قليله بيكون راضى ومقتنع بيها مليون % عنها
بصراحة يا رجالة انتوا جبتوا من الاخر ان العربية دى اى حد بيتمنى اى حاجة عربية بيلقيها فى العربية دى من حيث الكماليات والمحرك والوسع وكل حاجة وفوق دة ودة السعر ممتاز جدا تعالى شوف البومة تقربيا السعر مش بيقل من ساعة اما نزلت مصر وبنفس الامكانيات
عشان اللي بيفهموا في العربيات وركيبة زي ما بنقول قليلين ، كلوا بيمشي ورا الشكل وورا الناس وخلاص
انا بحترم رأيك جدا و كلمه "القطيع" دى كلمه متداوله فى المنتدى وانا كنت اقصد بيها ناس اعرفهم لسه شاريين العربيه لانه شكلها حلو جدا وشيك والعربيه لسه عامله 500 كم وقعد يقولى التابلوه بتاعها احلى تابلوه حتى انضف من تابلوه الفولكس وانا اقالوا مبرووك !!!! وأخيرا سألته العربيه بتحدف شمال معاك قالى لأ وبعد كده قالى على خفيف يعنى وده ضبط زوايا هاعمله فى الصيانه اللى جايه قلت له الف مبروك وربنا يديك خيرها و يكفيك شرها بدون اى تعليق منى
ليس لى اى مصلحه العربيه تطلع حلوه او تطلع وحشه . وانا مش معايا عربيه حاسس انها أقل من السيراتو فبقول عليها وحشه علشان عربيتى تبقى احلى و الحوارات دى
وده راى انا الخاص ان أغلب الناس بتشترى موضه و تقليد مش بتعرف تقييم عربيه صح سواء حلوه او وحشه
الكروز والهوندا انتشروا برده اووووي
السلام عليكم
انا عندي إجابة
لأنها عربية ممتازة
حققت توليفة جديدة من حيث السعر و الجودة
و ياريت أي حد بيتكلم عن الجودة يبطل لأن العربية من خامات ممتازة جدا و لمن لا يعلم أنا مقلوب بيها الأسبوع اللي فات و الحمد لله ربنا طلعني منها بأعجوبة و الفضل بعد الله سبحانه وتعالى يرجع للقفص الفولاذي الرائع في السيارة)
ده غير انها فيها كل الكماليات اللي فوق 160 مش فيه
توكيل محترم و قوي و فيه كل حته فيها و الأسعار مناسبة
و القطع موجودة في الحرفيين زي الفل و أسعارها ممتازة كمان
ده غير شكلها الجميل اللي من أجمل العربيات في مصر و اللي ليه عامل في اختيار الكثيرين من قليلي الخبرة ليها برده.
ثباتها ممتاز و تسارعها مرضي جدا جدا
حتى مع وجود بعض العيوب الا انها تبقى بمزاياها العديدة
الصفقة الأفضل
علشان بتنتشر و هاتنتشر و لسة
حمد على سلامتك
وانا مستغرب من كلامك عن مميزات العربيه رغم انها اتقلبت انا مش شايف اى مميزاتها تخلى حضرتك تتغاضى عن عيب مثل ده مهما كانت ظروف الحادث ده لايغفر لسياره حديثه عمرها لايتعدى اشهر
ياباشا انت معاك عربيه برقبة السيراتو اصلا
وبعدين لانسر ايه بس اللى تتقارن بالسيراتو ... اللانسر ميتسوبيشى .. مش تقولى كيا وكلام تعبان
هى ممكن تتقارن بالفيرنا كشكل وامكانيات .. انما كشد وجرى الفيرنا تمسحها
من الاخر السيراتو شكل وابشنز .. وبتحدف شمال
:star1:
الله يسلمكم من كل شر
الله يسلمك يا صديقي
أما بخصوص استغرابك فهو قد يبدو منطقي
لكن بإيجاز أنا اللي قلبت العربية بخطأ قيادة واضح
لا يوجد سيارة تستطيع خرق الفيزياء لأنها مهما كانت (كتلة متحركة) سواء كانت جديدة أو قديمة غالية أو رخيصة
اللي أنا عملته وقلبتها بسببه كان يقلب أي عربية في الفئة دي
لكن الحمد لله العربية كانت سبب من الله9 في حمايتي بالقفص الفولاذ اللي ما حدش كان يعرف انه فيها أو على الأقل ما اختبروش زي ما أنا اختبرته .
حادثتي لو كانت اختبار للأمان يبقى العربية pass و بكفائة
اللي حصل زود احترامي ليها .
بصراحه فعلا زى مااليابانى بينحنى رافعا قبعته للالمانى لايجوز للكورى ان يقارن باليابانى او الالمانى
يااحمد باشا سيبك من موضوع العربيات ده بجد سلامتك والله بالدنيا ومافيها واديك شوفت بنفسك غلاوتك عند الناس اد ايه بس باردو لو عربيه المانى ولسه جديده من الصعب انها تتقلب بسهوله لو يابانى ممكن وده يدل ان مش اى عربيه زى اى عربيه
رغم انى من ملاك اليابانى فانا اعلم جيد جدا قدرات الالمانى بمعنى ان اللانسر 2007 فى الكماليات تعدل سياره المانى موديل 90 يبقى استحاله اقارن عربيه المانى موديل 2007 بنفس عربيتى وكذلك ماينفعش نقارن عربيه كورى بعربيه يابانى موديل واحد
ههههههههههههههه رجاله الالمانى وصلت
و الله يا محمد انت كلامك صح و الحمد لله ان ربنا طلع الواحد سليم منها
موضوع لو كانت ألماني ده أنا برضه أوافقك فيه كان ممكن السيناريو يتغير طبعا
لكن أنا باتكلم عن عربيتي و اللي حصلي كموقف محدد
العربية براءة ..بالعكس دي كتر الف خيرها كمان
أصلي مش كنت ماشي عدل كده و قامت مقلوبة
دي كان لازم تتقلب ..والحمد لله انها جت على قد العربية الحمد لله الحمد لله
اكتر العربيات اللى بحترمها فى الكورى عموما هى الكيا وتقييمى ليها راجع بفضل الكيا اسبكترا 2004 عربيه فعلا تحفه فوق الخيال بالنسبه لفئتها بس مش عارف ليه مااخدتش حقها لا هى ولا السيراتو القديمه الاسبكترا بصراحه قوه موتور جباره فتيس اوتوماتيك ذكى جدا وسريع جدا وشكل جذاب والكيا النهارده ليها تاريخ فين من اوائل التسعينات الى الان فاكيد موضوع الحمايه ده موجود بالفعل بعكس الاسبرانزا كمثال واللى حصل لناس كتير منها فعلا قوايم ضعيفه جدا على عربيه ضخمه جدا ومافيش تناثق نهائى
رجاله الفولكس
والله يا أخى انا لابقارن بينها و بين عربيتى ولا بينها و بين اى عربيه تانيه
وعلى فكره الاخ عمرو اللى عمل الموضوع و أختفى كان قاصد من البدايه انه يقول ان الناس بتقلد بعض ودى الحاجه الوحيده اللى بتربط بين الفيرنا و اللانسر و عن قريب السيراتو
يعنى الموضوع لا امكانيات و لا كماليات و لا غيره
اما العربيات الالمانى انا شوفت ناس كتير خرجت بعد حادث فظيع وبفضل الله تعالى فى المقام الاول خرجوا منها سالمين كمثال السيارات البى ام بالذات والباسا انا شوفتها تقريبا من غير ربع امامى (حوض) لكن صالون السياره ومقصوره السياره لم يحدث بها اى شىء نهائى وكأنها منفصله تمام عن الربع الامامى
انت عندك حق تماما , فى واحد قريبى كان اشترى ........ (علشان ما حدش يزعل ) و قلت له ليه اشتريتها دى ناشفه فى السواقه والدبرياج و الكرسى زى العربيه النقل قالى بس الصاج ممتاز و يتحمل السواقه فى مصر ,انا بشترى صاج متين :majd(4):
والصاج المتين بقى عامل زى الفويل الاليمونيوم :T_thum1[1]:
وده اللى بسميه التقليد و الشراء بالسمع
ان شاء الله يا أستاذ سيف هاعمل موضوع فيه التجربة كاملة بس لما أجهزه
بعد ما أفوق من أثار "التصليح" :majd(4):
أوكتافيا ؟؟؟
حس حبيبي
والله انت اللي واحشنى جدا جدا
الله يسلمك و يوفقك دايما يا حسام
حمدا لله على سلامتك دكتور احمد , أنا كنت متوقع تدخل تسب وتلعن فيها
حمد لله على سلامتك يا دكتور أحمد
و الله فرحت لما شفت مشاركاتك و يا رب تبقى بأحسن حال دايمآ
و ربنا يعينك على التصليح
أولا: حمد لله على سلامة دكتور أحمد سامي, و ليك وحشه والله...
ثانيا: انا كنت عايز أعرف منك بعد اذنك يا دكتور ايه الخطأ اللي حضرتك عملته و هو اللي قلب العربيه؟؟
ثالثا: انا و بما اني اتقلبت بالعربيه دي قبل الدكتور أحمد, أقدر أقول اني لو رابط الحزام كنت هطلع سليم بإذن الله
سبب اصابتي اني طرت بره العربيه, بس لو كان راكب جنبي حد, كان مات والله حتى لو كان رابط الحزام
رابعا: أي عربيه من المفروض انها تحمي ركابها اللي بالداخل تماما... (المفروض أي عربيه)
يعني ده مش حاجه خرافيه و فريده من نوعها مش بتحصل إلا في الألماني بس, أو الكوري بس مثلا.....
و معلومه بسيطه عن تجربه, صاج الكيا قوي فعلا (الصاج), انا عارف ان الصاج مش كل حاجه, بس دي حقيقه
خامسا: اسباب انتشار العربيه هي كالآتي من وجهة نظري...
1- شكل جميل
2- كماليات كتير (ماكناش نحلم بيها في عربيه كوري)
3- سعر يعتبر معقول بالنسبه لناس كتير
4- عربيه واسعه
5- شبابيه (و ده سبب الانتشار الزياده قوي, 75% شباب, 25% كبار السن)
بس انا شخصيا و في رأي, كنت متوقع جوده و كفائه أعلى من كده, علشان كده العربيه ماطلعتش عند حسن ظني
ماكنتش عايزها في جوده و كفائة الألماني أو الياباني طبعاااااااا, و لكن كنت متوقع أكتر من كده, بس للأسف
سبب الحادث بتاعي ان العربيه عومت و فقدت ثباتها تماما و بعدين انفصل توجيه الدركسيون عن العجل
بعد ما لبست نقره و على سرعة 100كم\س (لم تتعداها), و أقسم بالله ما عملت أي خطأ من أخطاء القياده
ضيف على كده ان عربيتي كانت sx, يعني بالجنط الـ17 العريض, يعني الثبات بعينه (نسبيا)
و والله العظيم, لو كان الحادث اعلى من امكانيات العربيه كنت قلت, و كنت اشترتها تااني والله
حتى الموضوع اللي عملته عن الحادث كان عنوانه (للأسف) احذروا من النيوسيراتو... (للأسف)
يعني والله العظيم و لحد دلوقتي انا (آآآآسف) على ان العربيه دي تحديدا طلعت كده (في نظري)
أقسم بالله انا بحب العربيه دي جداا جداا جداا و بشكل مافيش حد ممكن يتخيله, و محدش يسألني ليه!!!!!
ممكن جداا تكون عربيتي كان فيها عيب معين غير ظاهر او عيب صناعه ما, الله أعلم....
عموما ده رأي بشكل عام في الموضوع كله, و انا لا بهاجم العربيه و لا بفتح مواضيع قديمه و ربنا وحده اللي يعلم
طيب ممكن أعرف إيه هى الحاجات اللى تتفوق فيها اللانسر على السيراتو بعيدآ عن كوريا و اليابان؟
سؤال تانى لو سمحتوا
إيه المانع ان تكون اللانسر سيارة جيدة و فى نفس الوقت تكون السيراتو أيضآ سيارة جيدة؟
و لا لازم واحدة منهم فقط تبقى كويسة والتانية سيئة
دى شوية أسئلة جت فى دماغى لما قريت بعض الردود هنا
صباح شريف علي الكل
هوة مش اصلا السؤال كان علي السبب وراء انتشارها و كل عضو كريم ادلي بدلوه و قال رايه؟
طب مين الي طلب مقارنتها بالالماني؟
وليه التحقير من شانها ومساوتها بعربيات اقل منها في الدرجه و الكفاءة وده بشهاده الكل انا مش خبير سيارات بس زي ما بعرف علي قدر علمي المتواضع
و السيد الدكتور احمد الله قدرله انه يبنقلب بسبب خطا منه و الله يعينه وطلع منها بخير. هوة ليه لما بيكون في فرصه ولو ضئيييييييييييييله للهجوم علي السيراتو تلاقي مليون واحد نط عشان يقتلها...
يا ساده دي سيارة زي اي سيارة
امكانياتها عاجبه اصحابها ومرتاحيين بيها و شايفين ان احنا دفعنا فلوس في مكانها. الي شايف ان احنا غلطانيين بلاش يشتريها ولو بيفكر يشتريها ارجو ان هو يوزن الاراء كلها ويشوف التقارير الدوليه المعموله ليها و يقرر بعد كده ومينساش انها سيارة فئه متوسطه عائيله مش الماني عشان اصحاب الالماني ميزعلوش
ومفيش ما يدعو محاوله اظهار نسبه كبيرة من الناس علي انهم تابعيين فقط او عديمي الخيرة او معظمهم مركبش سيارات قبل كده
اشوفكم بخير