السلام عليكم يا شباب
كنت عايز اعرف ليه دايما بنقول لازم ندوس على دواسة الدبرياج للأخر عشان ننقل نقلة ؟
وايه اخطار اننا ماندوس للأخر يعني ايه اللي ممكن يحصل ؟
وشكرا
عرض للطباعة
السلام عليكم يا شباب
كنت عايز اعرف ليه دايما بنقول لازم ندوس على دواسة الدبرياج للأخر عشان ننقل نقلة ؟
وايه اخطار اننا ماندوس للأخر يعني ايه اللي ممكن يحصل ؟
وشكرا
احنا بندوس عليها ليه ؟؟؟؟
عشان نفك التعشيقة ( نفصل تروس الموتور عن العجل جوه علبة التروس )
طاب لو انت ماشي وجيت تنقل من غير ماتدوس دبرياج ؟
هتسمع خناقة جاية من علبة التروس
يبقي انت كل اللي بتعمله بالدبرياج هو الفصل عشان تدي غيار تاني لو مادستش للاخر هتسمع نفس الصوت كأنك مادستش خالص
بس ده مش في كل العربيات
علي حسب نقطة الفصل عندك فين
يعني في عربيات نقطة الفصل مابتبقاش في الاخر بتبقي قريبة من النص وفي في الاخر
يبقي الاضمن انك تدوس للاخر
دوسك على الدواسه الهدف منه سحب بلية الدبرياج للخلفاقتباس:
كنت عايز اعرف ليه دايما بنقول لازم ندوس على دواسة الدبرياج للأخر عشان ننقل نقلة ؟
وتفصيص كل مكونات الدبرياج
وألغاء دور سوست الديسك فى جعل وجه الديسك يضم المكونات
اللى هى ( وش الفلام + الأسطوانه من الجانبين + وش الديسك )
أذا الضغط الكامل بيضمن فصل كامل لكل المكونات وبالتالى سهولة النقل
والحفاظ على مكونات الدبرياج
الأصرار على هذه العادهاقتباس:
وايه اخطار اننا ماندوس للأخر يعني ايه اللي ممكن يحصل ؟
بيقضى على الدبرياج فى أسرع فتره ممكنه
وخصوصا الأسطوانه
لأنها الأضعف فى المكونات
وبالتالى حدوث تفويت داخلى
مما يعنى
1- نقصان سحب السياره
2- زيادة أستهلاك البنزين
3- ظهور صوت عالى للمكنه مع الضغط على دواسة البنزين
4- أقتراب ميعاد عمرة الدبرياج وبالتالى تكلفه ناتجه عن أستعمال خاطىء لدواسة الدبرياج
شكرا لحضراتكو على التوضيح
طيب سؤال على الماشى بخصوص الموضوع دا يا ترى عمل عمرة الدبرياج دى مثلا يتعمل امتى او ايه الحالة اللى الواحد يبتدى يتحرك فيها لعمل عمرة الدبرياج خصوصا ان العربية معرفش اتعملها قبل كدا الموضوع دا ولا لاء وشكرا
ودى أجابه على الماشىاقتباس:
طيب سؤال على الماشى بخصوص الموضوع دا يا ترى عمل عمرة الدبرياج دى مثلا يتعمل امتى او ايه الحالة اللى الواحد يبتدى يتحرك فيها لعمل عمرة الدبرياج
اقتباس:
1- نقصان سحب السياره
2- زيادة أستهلاك البنزين
3- ظهور صوت عالى للمكنه مع الضغط على دواسة البنزين